-
كبسة في القدر الباكستاني
اليوم عندي كبسة بقدر الفخار الباكستاني
شريتةمن سوق الخيمة بالدمام ليلة الخميس الماضية
اخذت اكبر حجمموجود ب100 ريال وافتكرتة موكبير بس بصراحة طلع كبير يعني هاذا لعايلة
اول مانشترية ننقعة بماء لمدة ساعتين او ليلة كاملة وبعدين نمسحة من برا بزيت وبعدين على النار يتحمل اللهب مباشرة عادي ماينكسر
http://forum.hawahome.com/nupload/300254_1308617670.jpg
المقادير
طماطمةكبيرة مقطعة
بصلة مقطعة
فص ثوم
شوية كزبرة او بقدونس(اختياري)
مكعب ماجي(اختياري)
شوية طماطم صلصل
شوية زنجبيل مفروم
فلفل دراز
بهار (ملح-فلفل اسود-بهار مشكل)
نص دجاجة مقطعة
كاس ونص رز مغسول
شوية زيت +دهن(او زيت بس)
بهار صحيح(اللي عندك- انا حطيت بهار حلو-دارسين-مسمار-فلفل اسود-هيل-ورقة غار-شريحة ثوم مجفف)
http://forum.hawahome.com/nupload/300254_1308617948.jpg
الطريقة
نسخن الزيت مع الدهن ونحمص فيهم البصل لين يقلب بني فاتح او غامق حسب رغبتك
http://forum.hawahome.com/nupload/300254_1308617814.jpg
2-نحط البهار الصحيح ونحرك مع الثوم والزنجبيل لين تطلع ريحتة
3-نحط الطماطم والدجاج وبقية البهار والملح ونحمص لمدة ربع ساعة ثم نضيف الكزبرة ونمحص دقيقتين
http://forum.hawahome.com/nupload/300254_1308617713.jpg
4-نحط ماء في القدر لين يغطي الدجاج ونرفع على النار حتى يغلي وبعدين ننزلة عليها اقل من الوسط ونخليها ينضج الدجاج(تقريبا 35-40 دقيقة)
5-نشيل الدجاج ونحمرة بالفرن
6-نضيف الرز للماء اللي كان فية الدجاج ونعادل الماء(بالنسبة للصفرية العادية نحسب الماي لما نحط الرز ناخذ الملاس ونحطة بالرز ونأشر باصبعنا لين يوصل الرز للملاس ولا نشيل اصبعناا من الملاس (يعني نستخدم الملاس كمسطرة) ونقيس الماي اللي فوق الرز المفروض يكون نص المسافة يعني مثلا لو كان ارتفاع الرز 4سم لازم الماي اللي فوق الرز يكون نصه يعني 2سم)
7-نعلي على النار مع التحريك من حين لاخر واذا قريب ينشف الماي خلاص نوطي النار ونسكر الصفرية ونخلية 10 دقايق او ربع ساعة لين ينشف الماي
http://www.up-king.com/almaciat/sh3x...3hkufq0qk2.jpg
http://forum.hawahome.com/nupload/300254_1308617767.jpg
لاتنسوني من الدعاء
للامانة بصراحة ماشفت تميز بطبخ الكبسة بالقدر لكن يقولوا لي اهلي انة للمرق مثل الصالونة شي مو طبيعي
-
-
-
ماشاء الله تبارك الله
تسلم الايادي حبيبتي
الاكله شكلها يجنن
يعطيكي العافيه والف هنا وعافيه علي قلوبكم
ومبروك القدر وربي يعطيكي خيره ويكفيكي شره ان شاء الله