صينية دجاج مع ثوم البيك ياسلاااااااام ومن مطبخي
بسم الله الرحمن الرحيم
السلام عليكم ورحمة الله
هلا بكم يابنات وحشتوني شخباركم اتمنى انكم كلكم طيبين’(
مالكم في الطويله انا البارح سويت عشاء بسيط لزوجي
يتكون من صينية دجاج بالخضار وسويت سلطه راح تشوفونها بالصور معها ثوم البيك ،)،
ماخذه وصفته من حبيبتي شذى وبالفعل طعم خيااااااال احلى من البيك :10:
وطريقته
5فصوص ثوم
4ملاعق كبيرة زيت زيتون
3نقاط ليمون أو تزيدي
3 ملاعق نشا
ثلاثة ارباع كوب ماء وشوية يعني 200 بالضبط
ملح قليل
الطريقة :
يذاب النشا في الماء ويوضع على النار حتى يثخن ثم نضع الثوم المطحونوالملح عى النشا مع الليمون في الخلاط ثم يضاف زيت الزيتون بالتدريج
واذا اردتيها خفيفة ممكن تضيفي قليل من الماء مع الخلط قبل الزيت
وبالنسبه لصينية الدجاج فطريقتها
قطعي الدجاجه ارباع << انا سويت نص دجاجه
وقطعي الخضار اللي تحبينها ومتواجده عندك مو شرط تحطين كل شي انا حطيت بطاطس
مقطع مربعات وباذنجان وبازيلا مجمده وفلفل رومي مقطع شرائح وطماطم شرائح
الطريقه سهله مره تقطعين في قدر جوانح بصل مع شوية زيت وتحمرينها تحمير وسط لي تذبل
ثم تحطين الدجاج مع التحريك والطماطم وحبه ماجي وبهارات عادي حسب رغبتك انا حطيت شوية كاري
وكمون وكركم اصفر ......
وحسب الرغبه ملح بعد كذا حطي الخضار بعد ماتسبكت الدجاجه شوي مع الطماطم وحركيها وحطي عليها مقدار كوب الى كوبين ماء مغلي ...
حطيها بصينيه وغطيها بقصدير ثم حطيها بالفرن وولعي من تحت وخليها لين تنضج خليها نص ساعه
بعدين شوفيها واذا باقي عادي رجعيها الى ان تنضج...
ثم صبيها بصينية التقديم او صحون على كيفك وحطي معها السلطه وعليكم بالف عااافيه
والصور بالمرفقات
دعوااااااااااااااااااتكم:rroo: