+ + طـــــــــلــــــــــــب + +

[مضيعه الطاسه]

السلام عليكم ورحمة الله وبركاته

ممكن أنشوده

((كسرات بني خالد))

أنتظر الرد

[ريامة]

اختي ما عندج اي معلومات ثانية عن النشيد


او على الاقل شي من كلماته ...


لاني دورت وما حصلت...

[مضيعه الطاسه]

هذي بعض الكلمات

حنا بني خالد كسابة الطيب *** تشهد لنا العدوان قبل القرابه

بس هذا اللي حافظته

وان شاء الله تلقيها

[ريامة]

تفضلي اختي


حنا بني خالد كسابة الطيب
تشهد لنا العدوان قبل القرابه



حنا هل الميقاف وقت المواجيب
تاريخنا من عصر دور الصحابه



حنا هل التقدير بين الاجانيب
عند العرب نحضى بقدر ومهابه



حنا ليا هلت دموع الرعابيب
نقدم على الموت الحمر ما نهابه



حنا ليا صارت حقوق ومطاليب
نأخذ ولا نؤخذ نهار الطلابه



حنا ليا عكر لصافي المشاريب
نطفى ضماالعطشان مثل السحابه



حنا ليا هبت سموم اللواهيب
ربيعنا يا بخت منهو حضابه



حنا ليا من كشر أنيابه الذيب
ما نحسب حساب لقنيب الذيابه



حنا حماة الخيل والفطر الشيب
يوم الليال الماضيه ينغزابه



حناالدواء لجروح عطب المضاريب
لا طاح بالميدان ينزف صوابه



حنا مقر الرأي عكف الاشانيب
صغيرنا فالرأي يحسب حسابه


حنا ليا صاح المنادي له انجيب
يفرح ليا سمع المنادي جوابه



حنا منازلنا بعال المراقيب
أمن الحساء لحدود تدمر وطابه



حنا لضيف الجار عز ومعازيب
انجود بالماجود حزت غيابه




حنا سيوف الحق بين الاصاحيب
تزداد فينا بالشدايد صلابه


حنا وهبنا عالم السر والغيب
شجاعةٍ ما هي مع كل لابه



والنعم فى كل القبائل عن العيب
افعالهم بالمجد حافل كتابه



اقولها من دون شكه ولا ريب
شاعر وامجد لابتي بالنيابه



بس للاسف النشيد نفسه ما حصلته .. لكن حصلتها على شكل القاء قصيد بس ما رضى يشتغل


الرابط عندي ... اسمحيييلي اختي .. بس ان شاء الله انا مستمرة ف البحث ..