[align=center]السلام عليكم ورحمة الله وبركاته
هلا ببنوتات بيت الحواء ,,,,
اشحاااااااالكم ؟؟؟,,,
اليوم سوينا حلويات من عدة أنواع والبف باستري بالقشطة واحد منهم ,,,,
روووووووووووووووووووعه والله روووووووووووووووعه ,,,, أنصحكم تسوونه ,,,
المهم ما بطول عليكم ,,,
هذي المكونات :
1- باكيت شرايح بف باستري الحجم الصغير اللي يكون شرايح وايد ( اللي قرطاسه مربع ويحتوي على 15 شريحة
مربعة).
2- كاسين حليب .( عادي لو حليب طازج ) .
3- 4 ملاعق طعام نشا .
4- فنيانين و نصف سكر، من فناجين القهوة .
5- علبة قشطة ( قيمر ) .
6- 2 ملاعق طعام من بودرة الكاسترد .
7- سكر ناعم للوجه .
وهذي الطريقة ...
أولاً: نفصل كل شريحة من شرائح البف باستري و نقطع كل شريحة إلى أربع قطع متساوية، افصلوهم بعد ما
تطلعوهم من الثلاجة على طول عشان يكون الفصل سهل و التقطيع أسهل،، اذا دفت الشرائح بتلزق في بعض و
صعب فصلهم و تقطيعهم .
[bimg]http://www.hawahome.com/vb/nupload/66815_1193500409.jpg[/bimg]
ثانياً: دخلوا الشرائح المقطعة داخل فرن متوسط الحرارة (شغلوا النار أول شي من فوق وبعدين من تحت) حتى تحمر
الشرائح و تنتفخ، خذت وياي تقريباً 15 دقيقة،، لكن انتو كل شوي شيكوا قلبوا شريحة من تحت وفوق شوفوها
احمرت و انتفخت ولا لأ. بعدين طلعوها و افتحوها من النص و جهزوها للحشو، ما تفتحونها كامل عااد.
[bimg]http://www.hawahome.com/vb/nupload/66815_1193500612.jpg[/bimg]
ثالثاً: صبوا الحليب في قدر و ذوبوا النشا فيه قبل لا تحطون القدر ع النار، و ضيفوا فنيانين و نص سكر أو ثلاثة حسب
رغبتكم و تموا اخلطوهم ع النار لين ما يغلظ القوام.
[bimg]http://www.hawahome.com/vb/nupload/66815_1193500456.jpg[/bimg]
رابعاً: يوم يغلظ القوام ضيفوا بودرة الكاسترد و بعدها علبة القشطة،، تموا اخلطوا لين ما يتكون عندكم خليط غليييظ
مثل الكريمة الثقيلة..بيصفر لون الخليط .
خامساً: الحين عندكم الشرائح المربعة الصغيرة مقطعة و مفتوحة من النص و جاهزة للحشو صح ولا لأ
ييبوا كل مربعة صغيرة و احشوها بكمية مناسبة من الخليط و سكروها.
[bimg]http://www.hawahome.com/vb/nupload/66815_1193500786.jpg[/bimg]
سادساً: حطوهم كلهم في صحن التقديم بطريقة مرتبة و أنيقة ، و نييب كمية السكر الناعم و نرش على كل القطع و
ما ننسى و لاقطعة .
[bimg]http://www.hawahome.com/vb/nupload/66815_1193500836.jpg[/bimg]
وصحتين وعـــــــــــــافية على قلوبكم .... أهم شي لا تنسوني من الردود أوكيييي,,,[/align]
ســبــحــان الــلــه وبــحــمــده ,,,, ســبــحــان الــلــه الــعــظــيــم ,,,
مواقع النشر