سلام عليكم ورحمة الله وبركاته
شخباركم بنات عساكم وبخير والف عافية
اليوم بقدم لكم بعد غيبة ثلاثة اطباق ان شاء الله
يعجبونكم وتجربونهم
بسم الله نبدإ
::دجاج رستو::
المقادير ::
دجاجة كاملة منزعة الجلد/ ليمون شرائح/ بطاطس / زيت زيتون/ ملح / زعتر / بهارات مخلطة ((البهارات الي انتي تفضلينها))
الطريقة ::
1-بعد ماتنزعين جلد الدجاجة مسحيها بالهارات والملح والزعتر
2- تحشين الدجاجة بشرائح اليمون وتعصرين ليمون على الدجاجة
3- تربطين ارجل الدجاجة مع بعض بخيط بس اهم شي يكون الخيط مب نيلون
4- تحطين الدجاجة في قالب فرني وخلين حواليها البطاطس كل حبة من البطاطس تكون مقطعة الى نصفين فقط
5- ترشين على الدجاجة والبطاطس زيت الزيتون وتدخليهم الفرن مدة ساعة ونص او ساعتين
::الكشري::
المقادير::
نصق كوب رز/ كوب معكرونة/ ربع كوب عدس اخضر/ ربع كوب شعيرية / 4 طماطم/ معجون طماطم / 3 بصل شرائح
بهارات / كركم / ملح/ شوية خل وصلصة صويا
الطريقة ::
1- نسلق كل من المعكرونة والرز والعدس كل واحد نسلقه في قدر بروحه مع شوية ملح ماعدا الشعرية اول شي
نحمرها وبعدين نسلقها مع المعكرونة وبعدين نصفيهم ونخليهم بعد مانصفيهم في قدر واحد تقدرين تخلينهم طبقات بس انا احب اخلطهم مع بعض اخليهم على النار هادية مدة خمس دقايق بس
2-نحمس البصل الشرائح الى ان يصل لونه الى البني الفاتح بعدين نرفعها عن النار ونضيف اغلبية البصل على الخليط السابق ( الرز+ معكرونة+ العدس)
3- نفرم الطماطم ونحطها في قدر جديد ونضيف عليه باقي البصل والهارات والملح والصويا والخل وكوب ماي
ومعجون الطماطم ونتركها على النار لين يثقل قوم الصلصة
4- وقت التقديم حطي من خليط الرز والمعكرونة والعدس وبعدين سكبي عليه الصلصة
::لسان العصفور بالبشاميل::
المقادير:::
كوب معكرونة لسان العصفور/ نصف دجاجة ملسلوقة وقطعة الى قطع صغيرة / كوب ونصف من صلصة البشاميل/ بصل عدد واحد مفرومة/ معجون طماطم/ م ك نعناع مجفف/ م ص اريغانو/ ملح/ فلفل اسود / فلفل احمر/ جبن شيدار
الطريقة::
1- احمسي البصل وبعدين ضيفي ليه قطع الدجاج وقلبه وضيفي عليه البهارات ونعناع والريغانو ومعجون الطماطم
2- بعد مايتقلبيه الخليط زين حطي عليهم معكرونة لسان العصفور وخلطيهم عدل وضيفي عليهم ماي بحيث يكون
مرتفع عن المعكرونة بشوي يعني تسوينه كأنه مجبوسخليه على نار هادئة ليه يستوي المعكرونة وينشف الماي
3- بعد ماتستوي المعكرونة حطيها في قالب فرني وحطي عليها صلصة البشاميل ونثري عليها الجبن
ودخليها الفرن عشان يتحمر الجبن طلعيه من الفرن
ترى هالطبق لذي وايد وايد انصحكم تجربونه
وهي كل اطباقي لكم اليوم ان شاء الله بس نالت اعجابكم
رد مع اقتباس
مواقع النشر