[limoona]

.
.
•
.

[ السلام عليكم ورحمه الله وبركاته ] - - •

اشحاالك يا شييخ ..

.. يا شيخ وحده من صديقاتي المقربات يتني في يوم وقالت لي
ان في بنات مطلعين عني كلام وهو قذف بحقي ( قذف محصنات ) ... ويوم تأكدت من اللي مطلع عني الكلام
رحت و واجهت البنات وصديقتي كانت ويااهم ...
ويوم واجهتهم انكرت صديقتي انها هي اللي وصلت لي الكلام ..
وقالو انهم بيحلفون على القرآن انهم مب هم الي مطلعين الكلام عني .. <<== وحلفووو يمين غموس :_(

المشكله يا شيخ ان صديقتي قبل ما تحلف ع القرأن قلت لها
عساج ان شاء الله ما تييبين عيال ان حلفتي جذب ..

وحلفت ....

وهي معرسه وصار لها سنتين والله ما كتب لها الذريه ...

يا شيخ قلبي عورني على الدعوه اللي دعيتها عليهاا واحس بالذنب ...

ابا اعرف انا ارتكبت ذنب يوم اني دعيت عليها مثل هالدعوه ..

وانا يوم قلت لها لهالكلام بغيتها تعترف انها هي اللي وصلت لي الكلام
بس للاسف ما همها .. :_(





[ جزاك الله الف خييييير ] -- •

.
.
•
.

[الشيخ محمد العويد]

وعليكم السلام ورحمة الله وبركاته

ابتداءً فليس عليك ذنب بالدعاء عليها لأنك متيقنة أنك مظلومة ، وإذا كان الله تعالى استجاب دعاءك فلأن الدعاء كان صحيحاً ، لكن ما دمت ندمت على الدعاء عليها فليس عليك إلا أن تحلليها ، وأن تدعي الله لها بالذرية الصالحة
وفقكم الله وبارك فيكم

[limoona]

تسلم يا شيخ

والله يعطيك العافيه وفي ميزان حسناتك ^^