اللي تبي تنزل وزنها بطريقه مضمونه ومعتمده من طبيب خاص
[align=center]
السلام عليكم ورحمة الله وبركاته
كل عام وانتم بخير
انا عضوه جديده وبصراحه لفت نظري طلب الكثير من البنات في نزول الوزن
وعلى فكره في نقطه مهمه ابي اوضحها للكل
ياجماعه في شي تسوونه اكبر خطر علي صحتكم تتبعون اي ريجيم.. وبلاخير تضيق حالتكم لان مانزل وزنكم
تدرون ليش!!!!!
انا بقولكم النقاط
تعدد وتنوع الريجيمات اللي تسونها تسبب خربطة الهرمونات بالجسم وهو عن طريق الغده الدرقيه وهذا ماحصل معاي
وانا جربت الادويه
زينيكال-شيتو كال-حبوب ميريت الاندونيسيه- شاي الاعشاب -شاي رويال-كريمات....الخ والحمدلله ماصار فيني شي
لكن صرت ما انزل بالوزن.... وارتفعت نسبة الغده عندي
وتبقى شهيتي مفتوحه
ثانيا لما تسوون ريجيم//
ليش ما تاكلون فيتامينات يا ناس؟؟؟ اكلو الفيتامينات حتى لو مافيكم شي
في حبوب اسمها ويل وومن عليها صورة مراه رياضيه ناصحها لي الدكتور عبدالله المطوع تجنن تجنن والله العظيم
واهي ممتازه مايصير فيكم دوخه ولاتساقط شعر والا وجهكم يصير اصفر وقالي اكلي حبوب حديد لازم تاكلينها
تدرون ليش حبوب حديد؟ ترى موبس للدم يمكن اقولكم شي تستغربون منه؟؟
انا بعد ولادتي طاح شعري بشكل مو طبيعي قلت خلاص راح يصير فيني صلع وتعبت نفيساا
ورحت اقص شعري بيديني قلت خلاص مابي شعر
لين سئلت اختي عن الموضوع وصرخت وقالت اكل حبوب حديد بنتي مع انها مو متزوجه طاح شعرها ووديتها لدكتوره قنال الصايغ ومن ضمن العلاج عطتها حبوب حديد و اهي اللي وقفت نهائيا تساقط الشعر....
ولما اكلت ويل ومن بعد الغدا والحديد بعد العشا لانها قويه علي المعده لازم بعد وجبه يابنات
الحمدلله بشرتي حلوه ولاسواد تحت العين ولادوخه وشعري طال وماشالله على حالتي
لكن يبقى وزني اكبر مشكله قبل الزواج ياحلو جسمي وبعد الزواج
والحمل وطبعا ولادتي صارت قيصيريه والرياضه ممنوعه عنها
زدت 20 كيلو الحين انا 84 للاسف...
لكن في شي قصه لاختي الكبيره
وسالفتها مع الريجيم اللي خلاها مثل بنت 18 مشالله عليها
طبعا يابنات كبر السن يلعب دور
الدكتور عبدالله المطوع قال : من سن 18 الى 25 او 28 اعتقدد هذا العمر الذهبي ينزل الوزن بسرعه
وكل ما زاد العمر صارت فرص نزول الوزن صعبه
فما بالكم اختي عمرها بالاربعين وب3 شهور وقدرت من 86 الي 68
وحلفت قالت والله لاقلب وزني وصار وقدرت بعزيمه وبقوه
واهي على فكره قبل ماكانت عندها عزيمه وكل ماسوت ريجيم خلته
بس السمنه سببت لها سكري
وقالها الدكتور نزلي وزنج قبل ما تتطور حالتج والسكر يصير دائم
اهني خافت ...
دكتورة اختي اسمها ميري هنديه في مركز العوضي اللي فيه نفسه الدكتور عبدالله المطوع
الفرق بين ميري وعبدالله
اهما:
ميري: ريجيمها مافيه اي سكريات
عبدالله- شوكلت وعيش وخبز ومايونيز وسلام سلم
والنزول قالو اول شهر 8 كيلو والثاني 6 والثالث 4
سبحان الله مو كل شهر نفس النتيجه اللي تعتقدونها انتم !!!
والحين انا طولي 158 ووزني 84 وابي اوصل 65
وريجيمي متوازن يابنات
وراح اكتب النتيجه كل نهاية اسبوع وتابعوني,,
بدايتي السبت 19\1\2008
والنتيجه اكتبها لكم السبت الجاي
[/align]
[align=center]ريجيمي كالاتي
اولا: شرب ماء دافيء مع 3 قطرات ليمون في الصباح بمقدار كاس كبير من الماء )))
الافطار 3 شابوره وحليب خالي الدسم
او 2-شريحة توست اسمر مع جبنه وحبة طماطم وخيار مع عصير برتقال طبيعي
او من3الى5 حبات تمر مع لبن منزوع الدسم او حليب
او بيضه مع توست البيض مسلوق طبعا مع سلطه
الضحى\ حبة فاكهه
الغداء:
1-60 غرام يغني ربع كف يدك من اللحم سواء علبة تونه او دجاج مشوي او مسلوق
او لحم او 6-حبات شيش طاووق او 2-سيخ كباب
مع(سلطه خضراء او تبوله وشوربة الخضار المجمده الجاهزه بدون اضافات فقط الملح يمكن اضافته والملح والليمون وملعقة زيت زيتون للسلطه )
ويمكن اكل ربع خبزه أواذا حابة تاكلين عيش اكلي بس اربع ملاعق بسسسس
المشروب( حبة فاكه؛ او دايت بيبسي او سفن أو حبة كيويمع علبة عصير اناناس خالي من الاضافات )
واذا حابة مشروب ساخن بعد الغداء ( شاي اخضر )
المغرب اهني تفترين وتحومين على الثلاجه ههههه
المهم
حبة دايجستف فقط واااااااااااااااااحده وبعد اللي خاليه من الدسم وحده يابنات ترى اذا كثرتي تزيدين مع نسكافيه وسكر الريجيم تروبيكانا لاصفر باكياس,,
او بسكوت ماري المدور كيس واحد,,
او سنيكرز اللي باكياس حجم صغير اللي اكبر من الحلاوه مع قهوه ( عبدالله العوضي واصف الككاو لي في ريجيم اول اسبوع)
او 5 حبات تمر مع القهوه
طبعا بين فترة المغرب وقبل تناول العشاء قالت لي الدكتوره ميري نقطه مهمه
تمارسين الرياضه بهالفتره وقبل العشاء واكبر غلط تسوين رياضه وانتي توج ماكله لانج تعبين نفسج وتحرقين اكلج انتي ولا في اي نتيجه اخر شي ..
ومثل ماقلت لكم الفيتامينات لازم لازم
في حبوب اختي استعملتها والدكتوره ميري وصفتهم لاختي
وانا جربتها وتسد الشهيه بطريقه جنونيه حتى تحسين انج ماتبين تشربين حتى الماي
وقالت استخدميهم واكليهم قبل وجبة العشاء مباشره وانسدت شهيتها وماكلت شي باليل ولاخربطت
طبعا تبين النتيجه وسدة النفس خلال 48 ساعه
واسم الحبوب سيبو ترم منتج مصري انا عن نفسي حصلتهم عند حواج مصري
بمصر سعرهم رخيص واهني الله يكافي وصلت 7 دنانير بمصر دينارين ..
بس يابنات اخذو اللي لونهم احمر 15 غرام
ولاتاخذون ال 10 غرام الزرقا ماتسوي شي تسبب صداع وارق بالليل تقعدين نفس البومه ماتدرين شتنطرين خخخخخخ
انا جربتهم واللي لونهم احمر استخدمتهم انا واختي
عجيبه,,,
العشاء
1- 2 شريحة توست وبيضه او جبنة خالية الدسم او ملعقه لبنه او نص علبة فول مع سلطه
2- 3 شابوره مع حليب خالي الدسم
3- روب بالخيار والنعناع باي كميه مع 2 كيوي و1 برتقاله طبعا مو كلهم تخلطينهم اكليهم على فترات
4- علبة صغيره من كورن فليكس الرشاقه مع حليب خالي الدسم
طبعا لج وجبه حره بالاسبوع ولكن مع دايت وبدون شبس وبدون مايونيز اطلبيها وبدون شبسسسسس
واتمنى لكم النزول السليم وحطو في بالك اشهر تطوف وانتم تاكلون ولما تفكرون بس شهرين او 3 او 4 تقدرون تصيرون مثل عارضات الازياء
وانا ببتدي الريجيم والله الموفق
واسفه على الاطاله ولكن النصيحه من ذهب
[/align]
مواقع النشر