السلام عليكم
مرحبا بنات
اخباركن؟؟ انشاء الله بخير
1- الثلاث وجبات الرئيسية لازم تقعد عليها أول وحده وماتقوم الا آخر وحده جوعانة المسكينة ياحراااام ،، واحيانا تزيد وجبات اضافية اذا كانت المادة دسمة.
2- تقعد تسوي نفسها طفشانه وتعبانه ويااااااربيه ماني قادرة اذاكر مدري وشفيني حاسة اني متضايقه ..
الظاهر احد عاملي عمل او صابني عين ... تعالي اقرا عليك يابنيتي ..
كل هذا عشان اذا رسبت يقولون عين ..
3- بعضهن ينزل عليها وسواس نظافة ايام الامتحانات تتروش الصبح والليل وتستشور شعرها كل مرة طبعا مايصير تخليه يخرب وبكره كيف تروح المدرسه اوالجامعة
والكتاب على جنب طبعا هذي من واجباتها اليومية.. ماتقدر تتركها عشان تذاكر مايصير
4- هذي تترك الكتاب على جنب وتقوم تقيس فساتين السهرات اللي عندها عشان بعد الاختبارات على طول فيه عرس فلانه بنت فلان
لازم تحدد ايش تلبس من الحين ... لا وبعضهن ليله الاختبار عند الخياطة رايحه تسوي بروفه .. علشان بعد الامتحان عنده"عندهم " زواج.
5- وبعضهن تنزل عليها صلة الرحم فجأه تقوم تكلم وحده من صديقاتها القدام من زمان ماكلمتها ... تبي تشوف شو صار عليها .. ويمكن تبغى اتخليها ما تذاكر ...
6- وهذي تنزل عليها الشطارة فجأة تقوم تسوي العشا لاهلها .. وتغسل الصحون عن الشغالة وتقولها اطلعي نامي انتي خلاص انا اكمل..
7- وهذي مبتليها ربي بحب الجوال قالبتها مسجات وماتصحى على نفسها الا قبل
الفجر بساعتين..
8-وهذي ربي مبتليها بحب الكمبيوتر والنت جالسه عليه سوالف الى قبل الامتحان بساعه او نصف ساعه.... واحيانا ما تجلس عليه "النت" الا اذا قفلت معاها ...... مسكينه تتبغى توسع صدرها اشوي وتجلس عليه بالساعات وماتنتبه على نفسها الا قبل الفجر بنصف ساعه....
9- وهذي المسكينه اللي من قل الحيله توجع القلب لاقفلت معها نامت لين تصحى وتقول يووووووه راحت علي نومه..
10- وهذي ايام الامتحانات تنزل عليها حالات غريبه كل شوي مشتهيه اكله معينه وماتلقى السواق
الا رايح جاي رايح جاي .... يعني اذاكر .. وامها ايه يابنتي ايش تبين بس ...
قال ايش تبي تساعدها عشان تفتح نفسها للمذاكرة وما تدري ان كل ذا هروووووب ...
ذا النوع ماتنتهي الامتحانات الا وهي زايه 4 كيلو
منقول
بإنتظار ردود الحلوات؟؟
مواقع النشر