[شدن 2006]

استشوار الشعر على اصوله
السلام عليكم خواتي هذي اول مشاركه لي وحابه افيدكم فيها
ودي اقولكم على طريقه الاستشوار الصحيحه
قبل لا اقول الطريقه لازم نحط في اعتبارنا ان انواع الشعر تختلف من بنت لبنت فمثلا اللي شعرها دهني مو مثل اللي شعرها جاف واكرد
ولا نسى ان نوع الاستشوار له دور بعد
بتكلم لكم اولا عن انواع الاستشوار ات بصفه عامه
....في استشوار زي استشوارات الكوافير اللي يكون بس هواء وفرشه الاستشوار تمسكينها بيدك الثانيه يعني لازم تشتغلين بيدينك الثنتين
هذا الاستشوار حلو لكن يبي له يد متمرسه علشان تقدر تتحكم بالشعر وهي تستشور ومو كل شوي توقف الاستشوار وتبدا تاخذ خصله ثانيه يعني اذا كنتي تستشورين لنفسك الله يعينك الا اذا كنتي مثل ماقلت لك تكونين متمرسه جدا
.....النوع الثاني هو الاستشوار اللي تكون مركبه عليه فرشته وهذا اسهل طبعا علشان تستشورين بيد وباليد الثانيه تتحكمين بخصل شعرك اثناء الاستشوار
.....النوع الثانيه هذا انا اؤيده لانه اسهل في التحكم كثيييير من النوع الاول (طبعا يكون معاه انواع كثيره من الفرش لكن اهم فرشه اللي يكون لها شعر خشن شوي مو اسنان بلاستك او غيره علشان هي اللي تملس الشعره وتنعمها لك زييييييين )
في استشوارات اثناء فتره الاستشوار تتطفى عليك لانه يكون حار مررر ه او ان بعض شعراتك دخلت فيه
احسن انواع الاستشوار اللي جربتهم هم اثنين استشوار براون (وهو استشوار صغير حجمه يعني خفيف على اليد مايتعب ايدك وانتي تستشورين وبرضوا يتحمل اكثر للحراره وفرشه واداوته حلوه ) والا ستشوار الثاني هو تسكوم هذا بعد حلو لكن انا افضل براون لانه اسرع في الاستشوار انا جربت كل الاستشوارين واشوف ان براون احسن

....... لكن استشوار براون علشان مايطفى عليك وانتي تستخدمينه احرصي انه مايدخل شعر في فتحات مكينته والا ترى بيطفى عليك لفتره بسيطه يمكن 5 او عشر دقايق وبعدها يرجع يشتغل
............ بتكلم الحين عن انواع الشعر والا ستشوار
اللي شعرها دهني مره.... ماتحتاج انها تنعم شعرها بالاستشوار بس تحتاج انها تنشفه اذا كان مبلل بهوا الاستشوار بس او اذا فيه طعجه بسيطه تمرر عليه الاستشوار شوي وتنتهي المسأله (ياحظها ... ) ولا يحتاج انها تحط عليه كريمات تملس شعرها فيه طبعا وانصحها انها تخلي شعرها يجف من نفسه علشان الاستشوار مايضر شعرها

..........اللي شعرها عادي او خشن او كله طعوس عفوا كله طعجات (يعني بأختصار تحتاج الاستشوار لتمليسه )
اول شي لازم شعرها يكون مبلل كله وبعدين تبدا تقسم الشعر على خصلات وتبدا من اسفل الشعر الى مقدمه الشعر وطبعا الخصلات المقسمه تختلف على حسب غزاره الشعر ودرجه نعومته فمثلا اللي شعرها غزيير ومطعج مره تكون تقسيماتها اصغر من اللي شعرها خفبف وناعم شوي ...
.....بعدين تمسك اول خصله من تحت والباقي كله تكون رافعته بشباصه علشان مايختلط الجزء المستشور مع الجزء اللي ماستشور ويكون طبعا مبلل شوي مو مره يعني مندي وتحط عليه جل موجود عن مركز العنايه بالجسم هذا الجل يحمي من الاستشوار ويسهل استشواره بسرعه وبنفس الوقت يحمي الشعر من الاستشوار (موجود هذا المحل في الفيصليه وصحارى ومركز النمر وماادري اذا في اماكن ثانيه طبعا هذا للي ساكنين في الرياض وممكن له فروع في دول الخليج ماادري ) وممكن تحطين السيروم بدل هذا الجل لكن انا بصرحه مجربه هذا الجل وروعه ولا تكثرين بس شوووووي امسحي على الشعر علشان مايصير شعرك شكله مزيت وبعدها ابدئي استشوري وانتي ماسكه شعرك بزاويه عموديه مع فروه الشعر علشان يصير كله املس مو الشعر املس وجذوره مطعجه وابدئي عيدي عليه كم مره بالاستشوار لما تحسين انه نعم وصار املس خلاص واذا حسيتي انه يحتاج جل حطي شوي والا لا تحطين اذا مايحتاج .. واذا خلصتي اربطي خصله شعرك ببكله مطاط وارخيه شوي علشان ما يصر طعجه مكان المطاط علشان مايختلط الشعر المستشور مع اللي مو مستشور ......وسوي نفس الطريقه مع كل الخصل لما تخلصين طبعا مثل ماقلت لكم من ورا من اسفل الشعر لما مقدمه الشعر ...لكن في ملاحظه بسيطه على مقدمه الشعر وهي
.......اذا جيتي تستشورينها لا تخلين الشعر بزاويه عموديه لان بعد ماتخلصين راح يكون شعرك اوكي لكن فيه بعض الشعرات الصغيره تصير موقفه كأنها انتل تلفزيون ومنظرها بايخ شوي علشان كذا سشوري مقدمه شعرك بأتجاه تسريحه شعرك مثلا اذا بتحطين شعرك على جنب سشوري بنفس الاتجاه واذا كل شعرك على ورا سشوري خصله مقدمه الشعر على ورا علشان هالاناتل ماتطلع لك ماتبين .......اوكي لان مثل ماقلت لكم اذا سشورتيها عاموديه يعني خصله شعرك رافعته فوق وقاعده تستشورين راح تطلع لك هالاناتل لكن باقي الشعر غير المقدمه ماراح تبين داخله بين الشعر ماتبين ..........
.......طولت عليكم بالشرح لكن حبيت اعطيكم كل شي بالتفصيل علشان يكون استشواركم حلوووووووو

[حائره]

يحليلك مع سالفة الأناتل

[zainab]

يعطيك الف عافية على هاي النصائح

[سمرا]

مشكورررررررررررررررررررررررررررررررررررررررررررررر ره

[الشهد]

رائئئئئئئئئئئع يعطيك العافية

[ام عبد الر حمن]

السلام عليكم ورحمة الله وبركاته



شدن جيتي بوقتك مع ان البنات اهويا ماقصرو بس عاد شفت سالفتك قالت يمكن تسعدني




اولاً علميني الورات بالصور اني هويا ما اعرف له

ثانياُ عندي سيشور مال الكوفيرات الي يجي كانه قبعه مالت الراس بس للاسف ماعرفت استخدمه تعبت وانا اجرب طريقة ور طريقة وا ظبط


ثالثا انا شعري مررره خفيف ونوعأما خشن وفيه طعجات بس موكثير
تتوقعي احط درجه الحراره لكم الجهاز الى عند الى فوق السبعين
ودئما احط على درجة ستين وبعد عشر دقايق اغيره وحطه ثمنين وبعد ماينشف الشعر وتحسين لى الان وهو رطب:o :o :o

[أم علي]

يعطيج ألف عافية

[ابتسامه]

رووووووعه يعطيك العافيه

[نونا وبس]

ان استخدم استشوار الصالونات

صح انى تعبت في البدايه بس اتعلمت عليه

وكمان هو احسن من الانواع الي دكرتيها
بتقولي ليش
لانه درجه الحراره فيه قويه وهادي الانواع درجتها ابدا مو زي حق الصالونات

ابدا ابدا مافي م هادي الانواع نوع
قوته مثل استشوار الصالون

وشكرا لك