ورق عنب كلمة روعه قليله عليه
السلام عليكم ورحمة الله وبركاته
اهلين خواتي اليوم بعرض لكم طريقة عمل ورق عنب على طريقة الاخت ميك اب
والله خيااااال
انا راح اكتب المقادير نفس اللي كاتبته ميك اب والطريقه تنفيذي
بسم الله
المقادير :
ورق عنب اسستخدم كل العلبه . افضل نوع بالنسبالي العلالي ورقه متوسط وناعم ، جربت انواع كثير مارتحت غير للعلالي .
كاستين أرز أسترالي ( صنوايت ) .
حبتين كبار طماطم بندوره
حبتين كبار بصل .
حزمة بقدونس . تقدرين تقولين مقدار اربع قبضات .
ربع حزمة نعناع . قبضه وحده .
شوية شبنت( اختياري ) . مايقارب ربع الحزمه .
كأس عصير ليمون .
كأس زيت زيتون عصره أولى .
من أربع الى خمس فصوص ثوم أو حسب الرغبه .
ملعقة طعام صلصة طماطم .
مكعب ماجي ( مرقة دجاج)
ورق نعناع مجفف او مفروم طازج تقريبا ملعقه طعام .
ملعقة صغيره بهار حلو .
ملعقة صغيره فلفل أبيض .
ملعقه صغيره قرفه .
ملح .
ماء للسلق .
طماطم وبطاطس
الطريقه :
ـ اغسلي الخضار وصفيه من الماء .
ـ أغسلي الارز
ـ حشوة اليالنجي شبيهه لحد كبير بالتبوله بس بدل البرغل نضيف الرز . لذلك افرمي الخضار ناعم ، شخصيا افضل اقطعهم بالسكين ماحبذ استخدم المكينه .
ـ صفي الرز من الماء زين واضيفيه للخضار . مو ضروري نقع الارز بس انا أفضل انقعه .
ـ حطي البهارات والملح . ونصف كمية زيت الزيتون ونصف كمية الليمون . والنصف الثاني خليه للسلق .
وهذي الحشوه بعد ماجهزت .
ـ نحضر قدر كبير نسبيا ، ونرص شرائح البطاطس وفوقه شرائح الطماطم . عشان مايحترق القاع .
نحشي ورق العنب بالطريقه المعروفه
ونبدا نرص في القدر
الى ان ننتهي من اللف
صبي الزيت وباقي الليمون ، وأيضا ماتبقى من ماء الحشوه صفيه وحطيه
نجي للخلطه السريه .
دقي الثوم مع ورق النعناع المجفف او المفروم ( ناعم) ، مهم تحطين نعناع ماتتصورين قدايش يعطي نكهه مميزه غير كذا يشيل ريحة الثوم القويه .
ذوبي الصلصه ومرقة الدجاج واضيفيهم للقدر وإذا احتاج ملح اضيفي شوية ملح
إضغطي القدر بصحن سيراميك او اي شغله ثقيله . واضيفي الماء لين يغمره بهالشكل .
وخليه لين يغلي ، اول مايغلي هدي النار عالآخره ، وخليه ساعه بالتمام.
بعد ماينضج احب اخليه يبرد اربع ساعات او خمس بعدين اقلبه ، بصحن . واصفه بوعاء بايركس او اي صحن بغطى .
والسلام ختام
رد مع اقتباس
مواقع النشر