[align=right]تحية لكل من يتصفح هذه المشاركة .. التي إخترت لها عنوانا (( يوم ضاق صدري )) .. أرجوا أن تنال على الإستحسان و القبول ..
يوم ضاق صدري
دوّرت القلم .. و الدفاتر ..
بغيت أروّح ..
عن هم(ن) قديم ..
له مدة .. ساكن الخاطر
لا تهيّض .. ضاقت الدنيا بعيني ..
و جاش من الحشا ثاير
و تهل من عيني العباير ..
عباير(ن) .. خافية ..
ابكيها ..
بونين (ن) في القلب ذاير ..
....................
ليت ربي لما خلق
وصل .. و فراق
خلق حال(ن) بينهن
ترتاح ... فيه الضماير
وإلا خلق شارة
لعاشق(ن) .. قلبه مولّع ..
و حاير ..
أبطا عليه النبا
ونفذ عنده من الصبر ..
كل الذخاير ..
...................
يا رقيقة المشاعر ..
فيك شي متغير ؟؟
تكلميني كني غريب ..!!
ولا كن بيننا عشق صاير !!!
ردودك عجيبة ..
وش اللي بفكرك داير ؟؟
بعيونك نظرات(ن) غريبة
تبين منها السراير
.................
كنها بوادر جفا ..
وفراق جاير ؟؟
أبا أسبقك وأقص الحق
بسيف باتر ..
و اقول لك .. وأوادعك
قبل ما تموت الروح
بسهم غادر ..
يا فلانة .. طلبتك
لا تغصبين النفس
على ما لا تشتهي ..
ترى ..
ما تجتمع ثنتين
في قلوب الحراير ..
و سلامتكم و تعيشون[/align]
مواقع النشر