●..:. سندويجـ ــات الديــ ــاي بالجبـ ــن .:..● اعداداي وتصويري

[بدور العين]

السلام عليكم ^^

شحالكم ربكم الا ابخير ‘‘

مدريهم الخلق عنا يشتكون من المعده ><

معافايين ان شاء الله


اليوم بنعرض عليكم سندويج دياي بالجبن ^^ لذيذة واايد



اول شيء ( بكسر الشين ) انييب نص ديايه ‘‘ ونسلقها لين تقول بس ^^





خلاف انشل العظاام عن الديايه ^^ ونقطعه صغار






ثاني شيء ( بكسر الشين ) نقطع البصل شرايح




نحمس البصل ويا زيت




لين ما يغدي جي ^^





خلاف انضيف الجزر والطماط والدياي المقطع وشويه بهارات ونخلطهم رباعه









نخلطهم عدل خلاف انظهرهم من النار ومباشرة انحط الجبن فوق الخلطه ونخلطها ^^




اهنيه الخلطه جاهزة بعد ما خلطناها بـ حول 3 خاشوقات جبن كرفت





انييب الخبز يكون ميوب توه من المخبر احلى ^^

نحط خبره ع صينيه مب اتفرشونها فوق حصير ولا بلاط المطبخ :101:

وادهنوها بالجبن شوي






خلاف انحط حشوة الدياي بالجبن ع طرف الخبزة





يتبع ^^

[بدور العين]

وع شكل رول انلفها وحبذا لو تخلونها صغيرة قد ما تقدرون





انصف السندويجات العود فالصينيه










انييب صفار بيض ^^





وندهن به السندويج





وخلاف انرشه بسمسم وندخله الفرن من تحت ‘‘ اقل عن عشر دقايق حتى

مجرد ما يحمر من فوق فقط ^^

يوم بتظهرونه بتشووف الجبن سايل ^^










قطعوه قطع صغار







وهنا وعافيه





دمتم بود

[ام دينا]

ماشاء الله تبارك الله

تسلم ايديك بدور العين سندويشات روووووووووعه

[أم مهند الشهري]

ما شاء الله تسم الايادي بدور