[(أميرة الفهد)]

السلام عليكم ورحمة الله وبركاته

كيفكم يابنات

أنا عندي جلي أو (الجيلاتين) بنكهة الكرز عندي 6 حبات تقريبا

ابغى استخدمها في عمل حلى او اي شي قبل لاينتهي تاريخها


وجزاكم الله خيييييييييير

[ام نونـا]

بحثت لك يالغلا


اتفضلي


http://www.hawahome.com/vb/t106071.h...C7%E1%DF%D1%D2

http://www.hawahome.com/vb/t28233.ht...C7%E1%DF%D1%D2

http://www.hawahome.com/vb/t51642.html




المقادير
5 بيضات
+ كوب طحين ابيض+ نصف كوب سكر +2 ملعقه صغيرة بيكنغ باودر+برش ليمونه+كيس واحد جلي النوع الي تفضلي + كريم شانتي


الطريقه

نخفق البيض لدرجه الرغوة ونضيف له السكر ونخفقه الى ان يذوب تمام ونضيف لهم برش الليمون ونخفق نرفعه من الخفاق الكهربائي
ونضيف بالتدريج الطحين ونخلطع بملعقه ونضيف له البيكنغ باودر ونخلطه الى ان يتجانس الخليط

نختار وعاء شوي مربع الشكل وندهنه ونسكب الخليط وندخله الفرن على درجه حراره 200 لمده نصف ساعه تمام
ونخرجه ونتركه يبرد تمام ونرفعه عن الوعاء نأخذ الوعاء ونغسله ونعمل الجلي فيه ونتركه يجمد من بعدها
نجلب الكيكه ونغلفها بالكريم شانتي وبمهاره ناخذ وعاء الجلي ونضعه بماء حار ثواني ونرفعه ونسكبه ببطئ
حتى يغطي الكيكه تمام وندخلها الثلاجه حتى تبرد ويفضل باليوم الثاني تقطعيها


==============




ممكن تستبدليه بالكرز

تشيز كيك بالفراولة •°•


المكونات اللي تحتاجونها والمقادير:

* علبة بسكويت قمح

* 2 ملعقة طعام زبده

* علبه وحده قشطه

* 8 حبات جبن كيري (المكعبات)

* كيس واحد جلي أناناس

-* كيس واحد دريم ويب

* علبتان جلي الفراوله


طريقة التحضير :


* نطحن البسكوت في الخلاط الكهربائي ويخلط في اناء مع الزبده حتى تذوب فيه تماما..

* يرص البسكويت المطحون في قاع قابل للفتح ( القالب الدائري) ويترك ليبرد في الثلاجه..

* لتحضير الكريمه ،، نذوب جلي الاناناس في نص كوب ماي دافي حتي يبرد..

* توضع الجبنه ( 8 مكعبات كيري ) في الخلاط الكهربائي ونضيف القشطه وكيس (دريم ويب) وجلي الاناناس المذاب..

* تخفق جيدا ثم تسكب فوق قاعدة البسكويت في القالب..
ويسوى السطح وتترك لمدة نص ساعه في الثلاجه ( انا حطيته في الفريزر عشان يستوي بسرعه )..

* ثم نذوب جلي الفراوله (علبتين لا تنسون ) ونضعه في ماي دافي ونخليه لين يبرد..

* ثم يصب جلي الفراوله (بهدوء) في القالب ويوضع الكيك داخل الثلاجه لين يستوي..

وعند التقديم نفتح القالب من الجانب و اللي يحب يزين الكيك
بحبات الفراوله او الكرز والكريمه على حسب الاذواق.



=================


قطع الكيك بجلي الفراوله


المقادير:
كوب ونص ماء حار
2علبه جلي احمر فراوله او كرز الي تحبينه
نص كاس ماء بارد
كاس فراوله طازج او مجمده او الفراوله المعلبه
قطع كيك جاهز او اي نوع كيك فانليا عندك
كاس كريمه سائله اذا حابه او الدريم ويب ممكن تخفقينه وتستخدمينه
الطريقه:
نذوب الجلي بالطريقه المعروفه نحط الماء الحار حتى يذوب الجلى ثم نضيف الماء البارد
نرص الكيك في الصينيه ونسقيه بالجلي الي اعددناه
نرص عليه الفراوله ثم نحطه في الثلاجه ليجمد شوي ثم نحط فوقه طبق الكريمه
ونرجعه الثلاجه وبالعافيه


========================


جلي بالقشطه



المقادير

2 علبة جلي فراوله
2 علبة قشطه
وسكر حسب الرغبه

الطريقه


نسوي الجلي بالطريقه العاديه وبعدها نضيف عليه القشطه والسكر و نخلط جيدا
نوزعه في اواني شفافه حلوه للتقديم
نحطه بالثلاجه ولما اطلعينه راح تشوفين انه صار لونين احمر ووردي
ويقدم بارد


===============

جلي بالكاسات

المقادير:::

الجلي (( على فراوله ))
باكيت او باكيتين على حسب القلاسات اللي راح تستخدمينهم
عني استخدم باكيتين باضافة كوبين ماي حار وكوبين ماي بارد واخلطهم لين مالجلي يذووب واحطه من الجلي شويه بحيث اني ممكن اميل القلاس بالثلاجه من غير ماينكت ويلعوز لي الثلاجه (( ماتذكرت اصور لكم هالخطوه الا عقب ماحطيت الكريمه ))

مقادير الكريمه :::

قشطه
4 اكياس دريم ويب
12 حبه كيري
باكيت واحد جلي (( انحطه بكووب وانصب عليه ماي حار ونذوب الجلي وندخله الثلاجه لين مايكون الجلي شويه داافي ))



الطريقه:::

عقب ماسوينااا الجلي ودخلنااه الثلاجه بالطريقه اللي راح احط لكم اياه بالصوره
ويفضل انج تسوين الجلي بفتره او اذا حد بيجيج تسوينه من الليل والكريمه بثااني يوم


الكريمه :::

اول شئ تبلش بالجلي بنفس الطريقه اللي كتبتها فوق وانحطه بالثلاجه عقبها نكمل الكريمه علشان يكون بهالوقت يبرد وويه الجلي

نخلط القشطه والدريم ويب بالخلاط اليدوي وعقب انحط الكيري حبه حبه ونخلط حبه ونخلط وهكذا راح تتكون عندنا كريمه كثيفه

وبهالوقت برد الجلي نقوم نضيييفه كله على الكريمه بشويش ونخلط
راح يتغير لون الكريمه الى اللون الوردي اللذيييذ


وطبعا الجلي استوى وممكن نضيف عليه ايشي
نتبتدي انحط بالصوب الثاني الفاضي الكريمه بملعقه صغيييره ونرتب الاطراف عدل مدل بحيث نخلي طرف الجلي والكريمه مرتبين ومشبوكين عدل






ممكن تزينينه بكريمه جاهزه مثل مانا مسويته
بس لما يجوني ضيوووف احط لهم فراوله على طرف القلاص يطلع حلو
مع تزيين الوجه بقطع فراوله صغااااااااااااار

وهذا طريقة وضعه في الثلاجه





===================



أول شي تسوين جلي باللون اللي تحبين...وتصبينه بصينيه بايركس...وتضيفين الفواكة المعلبة..وتدخلينه الثلاجة لحد ما يجمد...

وبعد كذا تسوين دريم ويب ضرفين مع كاس حليب وعلبة قشطة وأنا أحب أضيف لها ربع كاس كريمة خفق...


وتصبينه فوق الجلي والفواكة...


وبالعافية على قلوبكم..



وطريقة ثانية..


تسوين كيكة بتي كروكر عادية بالفانيلا...


ولما تستوي..تخرمينها شوي بالسكين..وتشربينها جلي..


أنا أحب أنوع...يعني أسوي كيسة جلي فراولة+توت+كرز+ليمون...


ضروري تكون الكيكة ساخنه..والجلي فاتر..عشان يتشرب صح...


وبالنهاية تغطينها بالدريم ويب...





وبالعافية...




وبعد...؟؟؟







أمممممممممممممممممم...



تسوين جلي بالنكهة اللي تحبين وتضيفين له فاكهة..


يعني سويتي ليمون..تحطين شرايح ليمون...


فراولة..تضيفين شرايح فراولة...




===================

حلى قهوه بالجلي
ط1:بسكوت وزبده
ط2:علبه زبادي-8فناجيل سكر-6فناجيل حليب بودره وتدخل الفرن من فوق
ط3:جلي احمريصب عليه ولكن بعد ان يبرد عشان مايخرب الحلى
ودخليه الثلاجه لما يجمد وقطعيه صغير وقدميه مع القهوه

====================

اعملي باكيت جيلي بالطريقة المعروفة وهي انك تذوبي الجيلي

بكوب ماء حار ثم تضعي كوب ماء بارد وتصبيه في صينية بايركس

وتضعيه في الثلاجة حتى يتماسك وانا عادة استعمل جلي بالفراولة

وبعدين تصفي طبقتين من بسكويت الشاي بعد ان تبليه بالحليب

فوق الجلي ثم تعملي كريمة دريم ويب + علبة قشطة +3 حبات

كيري تخفقيهم في الخلاط وتضعيها فوق طبقة البسكويت وتزينين

الوجه باالفستق المطحون وتضعين الصينية في الثلاجة لحين التقديم


================

تشيز كيك بالكرز

--------------------------------------------------------------------------------

وصفة لذيذة ويحبها الكبار والصغار وانشاء الله تعجبكم

ا- يدق بسكوت الشاهىالكمية المناسبة لتغطية قاع الصينية ثم يبث بالذبدة الساخنة قليلا
فى صينية الكيك يوضع البسكوت المدقوق المبثوث بالذبدة حتى يتغطىقاع الصينية ثم توضع في الفريزر حتى يتم اعداد بقية المكونات

ب -ضعى في خلاط العصير
1-علبة قشدة واحدة
2-حليب نستلة المركز الحجم المتوسط علبة واحدة
3-كريم ويب 2 باكو
4-جبنة كيرى 14 قطعة صغيرة
5-جيلاتين عابد ملعقتين كبيرتين مذوبتين في ربع كاس ماء مغلى
6-اخلطيها جيدا

ج -صبى الخليط في صينية البسكوت ثم ضعيها بالفريزحتى تتماسك جيدا

د- فى قدر على النار الهادئة ضعى
1- اكواب من الماء المغلى 4.اكواب ونصف
2- ثلاث علب جلى الكرز
3-قارورة مربى الكرز
4-حبيبات كرز طازجة منزوعة البذر
اتركى الجميع يغلى حتى يتخدر الكرز جيدا وتنخفض نسبة السائل الى النصف
اتركى الخليط ليبرد وبعد ذلك حركيه ثم صبيه في الصينية على المكونات السابقة
وضعيه فى الفريز ليبرد ويتتماسك جيدا دون ان يتجمد


==================

1_عصير الفراولة:
احضري فراولة مثلجة او طبيعية وضعيها في الخلاط واسكبي عليها عصير التوت وقليل من الماء وضعي عليها ملعقة جلي بالكرز او الفراولة واخلطيهم مع بعض ويسير عصير مرة طعم....

=============

[عبير الورد 2008]

روووووووعه ام نونا والله ماقصرتي يالغلا

الله يعطيك العاااافيه يااارب

[(أميرة الفهد)]

يعطيك العافية يالغالية أم نونـا



ماقصرتي

كفيتي و وفيتي

جـــــزاك الله خــيـــر

[ام نونـا]

الله يعافيكم يالغاليااااااااااااات هذا واجبي