سؤال محيرني أرجو الإجابة علية " ليش المسلسلات حرام"
السلام عليكم ورحمة الله وبركاته
ليش المسلسلات حرام ؟ والله والله في مسلسلات أستفيد منها
وهذه ماهي بحجة أنا إذا شفت مسلسل ما فية فايدة وضياعة وقت ما أكمل أتابعه بس أنا أتفرج عليها من باب التعلم حتقولوا تقدري تتعلمي بطرق آخرى أقولك بس هذه الطريقة أنجح لأنها تثبت في العقل وقت أكبر وأقولك مو لما أقرأ شيء أو أسمعه فقط زي لما أشوف شيء وأن رسول الله وهو عمل فكرة المنبر ليش عملها مو كان بإمكانه ما يعملها عشان يعرف إنو صوت فقط حيتنسي مسرعة بس صوت وصورة تجلس في البال أكثر
أتمنا إنكم تساعدوني
وأنا في مسلسلات استفدت منها الكثير الكثير
في مسلسل تعلمت منه كيف طاعة الزوج وكيف لازم التعامل معاه
وآخر تعلمت كيف الأخلاق وحسن السيرة بين الناس وتأثرت بالشخصية إلي كانت في المسلسل بأخلاقها وقلت حكون زيها خلوقة طيبة ...
وآخر تعلمت منه كيف الطمع يعمل في الإنسان وإلى وين وديه
وأنا أقولك فعلا أكيد المسلسلات فيها أشياء ضارة موكلها صح 100 % وكما قلتلك أنا أاخذ أكثر شيء فيه فايدة
وأنا أسفة على التعبير السيء حقي :o :o :o
رد مع اقتباس
مواقع النشر