[أمل عمري]

بسم الله الرحمن الرحيم

السلام عليكم ورحمة الله وبركاته


منورين نواعم شكرا على التواصل وتشريف المشاركة, هاد ملف منقول للأكلات المصرية شرفوا


**** المكرونه بالباشاميل ****
المقادير تكفى لـ 3 اشخاص

نصف كيس مكرونه قلم مسلوقه فى ماء وملح وزيت

مقادير الباشميل

خمس ملاعق دقيق

ملعقه قرفه ناعمه ونصف ملعقه فلفل اسود او ابيض وملح

ا ليتر لبن كامل الدسم
200 جرام زبده

مقادير الحشوه

نصف كيلو لحم مفروم

بصله كبيره

نصف فلفلايه رومى

بهارات وقرفه وهيل وفلفل احمر حلو واسود وملح او مرقه دجاج كينور الفوريه

ثلاث ملاعق زيت

وكوب عصير طماطم


طريقـــــــــــــــــــــــــه التحضير


فى الاول هنعصج اللحمه بالبصل والفلفل الاخضر الى ان يصبح لونها بنى ثم نضع عصير الطماطم والتوابل ومرقه الدجاج ونتركها لتتسبك


الباشاميل

نحمر الدقيق فى الزبد على نار هادئه ثم نضيف القرفه والملح والفلفل ونضيف اللبن الدافىء وليس الساخن نضيف اللبن بالتدريج مع الخفق المستمى بالمضرب السيلك حتى نحصل على قوام طرى اللى حد ما او حسب رغبتك تخين او رقيق

نجهز صينيه تيفال او بيركس وندهنها جيدا بالزبده ثم نضع طبقه رقيقه من الباشاميل ثم طبقه مكرونه ثم طبقه الللحم المفروم ثم طبقه مكرونه ثم طبقه باشاميل سميكه


نخفق بيضه جيدا مع ملعقه كبيره صلصه طماطم وملح وفلفل احمر حلو ويمكن اضافه جبن مبشور حسب الرغبه ثم نفرد المزيج على وجه الصينيه

تدخل فى فرن ساخن جدا لمده نصف ساعه ثم نهدىء النار حتى يحمر الوجه

وبالهنا والشفا

**************

*** الكفته بالبطاطس ****

المقادير

لحم مفروم .
ارز مطحون او فريكه
بصلة كبيرة مفرومة فرم ناعم .
4ملعقة صغيرة توم مهروس .
ملعقة كزبرة خضراء مفرومة فرم ناعم .
ملعقه بقدونس وشبت مفروم فرم ناعم .
ملح وبهار ( كمون وفلفل )
قليل من الزيت .
مقادير الصلصه
بصل جوانح
ثوم مهروس
فلفل اخضر
مكعب ماجى
حبات صغيرة من البطاطس العدد حسب الرغبة .
كاسة عصير طماطم .
الطريقة

اخلطي اللحمة مع التوم والبصل والكزبرة والبقدونس وقليل من البها والملح الازم ثم كوريها حبات صغيرة او حسب الرغبة .
ضعيها في المقلاه مع القليل من الزيت وضعي الغطاء وضعيها على نار هادئه واتركيها قليل حتى تحمر اللحمة وتتماسك قليل فى طنجره اخرى حمرى بصل مقطع جوانح يصفر ثم ضيفى الثوم والفلفل الاخضراضيفي عصير الطماطم مع نصف الكاسة ماء ثم البهار والملح والماجى الازم ثم ضعي الغطاء واتركيها قلقل على النار ثم اضيفي حبات البطاطس بع تقشيرها وضعي الغطاء واتركيها على النار حتى تنضج البطاطس وممكن اضافة حبات من البسلة الخضراء .
_________________

**** طاجن ورق العنب بشوربه الكوارع ****

المقادير

ورق عنب مسلوق مع قليل من ملح الليمون
كوبان من الارز المصرى
كوب من مفروم البقدونس والكزبره والشبت وعودان من النعناع الاخضر
كوبان من عصير الطماطم
1 فلفله اخضر رومى مفرومه
2 بصله مفرومه
راس ثوم مدقوق
يمكن اضافه اللحم المفروم
مقدار من شوربه الكوارع او شوربه لحم
نصف كوب زيت او ثلاث ملاعق سمن
التوابل (( فلفل اسود وفلفل احمر حلو ملح بهارات حبهان وجوزه الطيب مطحونين قرفه ناعمه كزبره مطحونه )))

الطــــــــــــــــــــــــــــريقه

يحمر البصل والفلفل الاخضر فى الزيت ثم نضيف ملعقتين من مفروم الكزبره والبقدونس والشبت والنعناع الى البصله والفلفل الاسود وعصير الطماطم وتترك لتتسبك اى يطفوا الزيت على وجه الطماطم

ثم نطفى النار ونضيف الارز والبقدونش والكزبره والشبت والنعناع وملعقتين بصل مفروم وملعقتين فلفل اخضر مفروم وباقى التوابل كلها كميه التوابل حسب الرغبه

نحضر الطاجن او صينيه بيركس عميقه ونضع فىها حلقات بصل وجزر وبطاطس ضرورى جدا وضع البطاطس وحلقات الليمون

نقوم بحشو ورق العنب ورصه فى الطاجن خلف خلاف ثن نرش الثوم المدقوق على وجه ورق العنب المحشو ونسخن الفرن الى اعلى درجه ونسقى طاجن ورق العنب بالشوربه مع مراعات عدم ملىء الطاجن بالشوربه وتزويده كل ما يحتاج للشوربه
وتغطيته جيدا بطبقتين من ورق الالمونيوم

وعندما ينضج قدميه سخنى قليل من السمن ورشيه على وجه الطاجن للتلميع

وقدميه بجانبه سلطه الزبادى بالخيار وشوربه الخضار

**************

**** صينيه القرنبيط باللحمه المفرومه ****

المقادير :

1كيلو قرنبيط_300 غرام لحمة مفرومةواحد فنجان عصير طماطم 2بصلة ملح وفلفل أسود حسب الرغبة زيت للقلي 1ملعقةعصير ليمون . 3حبات هيل _ ثوم مفروم _2عود كزبرة و2عودبقدونس مفروم.

الطريقه:

إقلي بالزيت القرنبيط والبصل بعد تقطيعه حلقات .
رصيها في الصينية .
ضع اللحمة في زبدية مع إضافت الثوم الكزبرة والبقدونس المفروم والملح والفلفل ووضعها على وجه الصينية أخلطي عصير الطماطم والهيل وعصير الليمون في الخلاط وصبي الخليط علىوجه الصينية وغطيها بورق القصدير .
أدخليها الفرن لمدة 20 دقيقة .
((وبالهناء والعافية))
_________________

**** سمك بورى مشوى بسر الخلطه الاسكندرانية ****

الخلطــــــــــــــــــــــــــة
ثوم مدقوق فى الهون
طماطم مفرومه ناعم
فلفل اخضر
فلفل شطه
توابل فلفل اسود كمون كزبره ناشفه فلفل مطحون حار سماق
ملعقتين زيت
خل
عصير ليمون ومبشور الليمون
رده (( نخاله))

الطريقـــــــــــــــــــــــــــــــــة

يدق الثوم فى المدق ويدق معه الفلفل الاخضر والشطه والتوابل واليمون والخل والطماطم تؤخذ نصف مقدار الخلطه ويتبل بها السمك جيدا وتغطى وتوضع فى الثلاجه لمده نصف ساعه او ساعه
ثم يغطى السمك بالرده ويشوى من الجانبين على ساجه على البوتجاز من فوق
ثم نضع السمك فى باقى الخلطه وتغطى بيها جيدا

وبالهنا والشفـــــــــــــــــــــــــا

************* يتبع **************

[أمل عمري]

**** ياناس ياعسل الكشرى المصرى وصل ****

المقادير

مكرونه صغيره مسلوقه
ارز ابيض
شعريه
حلقات بصل
ملعقه دقيق
صلصه صماطم
عدس بجبه او اصفر
ثوم
زيت

الطريقه

تخلط حلقات البصل بقليل من الدقيق ثم تحمر فى الزيت وتصفى وترفع على ورق ماص
يوخذ الزيت المتخلف من تحمير البصل ويؤخذ منه جزء ويحمر فيها قليل من الشعريه ثم نضيف الارز ونسقيه بالمرق ونتركه لينضج
نسلق المكرونه ونصفيها من الماء ونضع عليها ملعه زيت من زيت البصل مع نصف ملعقه من الفلفل الحار المطحون
نسلق العدس فى الماء المضاف اليه القليل من الثوم المدقوق ويمكن ان نسلق حمص شامى ايضا
لعمل الصلصه
ناخود مقدار من الزيت المتخلف من تحمير البصل ونحمر فيه الثوم ونضيف معه التوابل الفلفل الاسود والكمون والبهارات والفلفل الحلو ملعقه كبيرهثم نضع صلصه الطماطم ونتركها لتتسبك
لعمل صلصه الخل نحمر قليل من الثوم ونضع معه كزبره ناشفه والقليل من الخل
طريقه التقديم نضع المكرونه ثم الارز والعدس والحمص ثم صلصه الطماطم وحلقات البصل المقرمشه

وبالهنا والشـــــــــــــــــــفا

ــــــــــــــــــــــــــــــــــــــــــــــــــ ــــــــــ

**** الملوخيه بالجمبرى ****

المقــــــــــــــــــــــــــــادير

ربع كيلو من الملوخيه المجمده او الطازجه المخروطه ( يكون افضل )

نصف كيلو جمبرى منظف جيدا

بصله مقطعه مكعبات

جزره

وحلقات ليمون

ثوم مدقوووووق

ربع حزمه كزبره خضراء

حبة طماطم

كزبره ناشفه وفلفل اسود وحبهان ومستكه وملح

3 ملاعق من السمن

طريقــــــــــــــــــــــــه التحضيـــــــــــــــــــــر

اسلقى الجمبرى فى الماء وضيفى له البصل والجزره والطماطم ومقدار من الثوم وحلقات الليمون والكزبره الخضراء والفلفل الاسود والهيل والمستكه وورق الغار والملح

صفى مرق الجمبرى وانزعى الجمبرى وضيفيه الى المرق المصفى واعيدى غليه ثم ابعديه عن النار واضيفى الملوخيه المخرطه وقليل من الثوم المدقوق والكزبره الناشفه المطحونه
ثم اقلى الثوم فى السمن واضيفى له كزبره مطحونه ثم اعملى تشششششششششششششششششششششششششششششششش !!! فى الملوخيه وغطيها جيدا لمده خمش دقائق

معلش لازم تتخضوا عشان تطلع حلوه

ملحــــــــــوظه سمك الملوخيه حسب الرغبه فى ناس تحبها سميكه وفى ناس تحبها خفيفه انا شخصيا بحبها خفيفه


وبالهنا والشفا
ــــــــــــــــــــــــــــــــــــــــــــــــــ ــــــــ

**** فخذ غنم او كتف محشى ارز بالبسله ****

المقادير

فخذ خاروف متوسط الحجم او كتف
رز
جزرمقطع صغير قليلا
لحمة مفرومة ناعمة
بصلتين مفرومين ناعم
بازلاء قليلا
بهارات السبعة الي هي

فلفل اسود+فلفل ابيض+هيل +زنجبيل+قرفة+قرنفل+جوزة الطيب

ملح طبعا
ورق فويل

الطريقة

ناتي بفخذ الخاروف ونحاول ان نخرج العظم منه بحيث لا نشققه اذا بنوصي اللحام بيكون احسن
نحضر الرز نغسله وننعقه بالماء ثم نغسله ونصفيه حتى تذهب كل كمية النشاء الموجودة فيه
ناتي بالبصل المفروم ناعم نقلبه بملعقة سمنةان ان يذبل
ثم نضع فوقه اللحمة المفرومة ناعم ونقليها مع البصل
ونرش البهارات ثم نضيف الجزر قبل البازلاء ونقلبه معهم
ثم نضيف البازلاء ونقبلهم جميعا مع بعض
ثم نضع اخيرا الرز ونقلبه ايضا مع الخلطة ثم نضيف الماء المناسبة لكمية الرز ونتركهم على نار قوية والى ان نجد ان الماء نشفت ننقله على نار هادئة ليستوي الرز بهدوء

بعد ان استوى الرز نتركه يبرد ونبدء بحشو الفخذ باكبر قدر ممكن من الرز ومن ثم نخيطه من جميع الجوانب ونضعه في صينية الفرن ونرش عليه شوية زيت ونلفه بالقصدير وندخله الى الفرن ليستوي على مهله

يتحمل تقريبا حوالي الساعتين وهذا طبعا على حسب حجم الفخذ

وتعرفي انه استوى من منظر اللحم

او اغرزي شوكة فتعرفي اذا استوت اللحمة ام لا
وعند التقديم سخني الرز وضعيه في طبق التقديم وعلى الوجه ضعي الفخذ وعند الاكل قطعيه مثل الشرائح وبجانبه من الرز
قدمي ايضا طبق من السلطة بجانبه
_________________

*** مسقعــــــــــــــــــه شعبيه ***

المقاديــــــــــــــــــــــــر

1- باذنجان وفلفل وبطاطس مقليين..

2- صلصه طماطم..

3- ثوم مدقوق...

4- بصله مبشوره..

5- كوب مرق او ماء..

6- التوابل( ملح فلفل كمون كزبره قرفه فلفل احمر حلو بهارات)

7- زيت او سمن.


الطريقـــــــــــــــــــــــــــــــه

حمرى البصل فى الزيت اللى ان يصفر لونه ضعى الثوم المدقوق قلبى جيدا ضيفى الفلفل الاحمر الحلو والفل الاسود والكزبره وقليل من القرفه
ثم ضيفى عصير الطماطم غطى القدر وهدئى النار واتركيها لتتسبك جيدا الى ان يظهر الزيت على وش الصلصه ثم ضيفى الباذنجان والفلفل والبطاطس وباقى التوابل البهارات والكمون وزودى المرق حسب الحاجه...

قدميها مع الارز او مع الخبز انا شخصيا بحبها بالعيش:cool

*********

*** عجبه البيض باللحم المفروم ***

المقادير :

ربع كيلو لحمة مفرومة
حزمة صغيرة شبت
حزمة صغيرة بقدونس ( يمكن أستبدالها بالسبانخ )
ربع كيلو بصل ( مقطع مربعات صغيرة )
1 م ص بيكنج بودر
8 بيضات
1 م ص صاصة طماطم
3 - 4 حبات طماطم متوسطة الحجم
2 م ك دقيق

الطريقة :

نسخن الزيت ثم نضع فيه البصل المقطع مربعات صغيرة ثم عند تغير لونه للون
الاصفر نضع عليه الطماطم المقطعة الى مكعبات و معلقة صلصة الطماطم ثم نتركهم لدقيقة ثم نضيف اللحم المفروم مع وضع ملح وفلفل أسود وبهار مناسب ( حسب الذوق ) و بعد وصول اللحمة للأستواء نضيف الشبت والبقدونس أو( السبانخ ) و نقلبهم لمدة دقيقة على النار ثم نطفئ النار ( مع مراعاة أن تكون السبانخ عند أضافتها مسلوقة أو يسهل أستخدام أكياس السبانخ المثلجة من قسم الخضروات وتكون مفرومة )
ونتركهم حتى تهدأ الحرارة
نقوم بضرب البيض بالمضرب ونضيف عليه الدقيق والبيكنج بودر
بعد أن يبرد خليط اللحم والخضراوات أخلطوا مع البيض ونقلبهم جيدا
ثم نأتى بصينية فرن تيفال أو بيركس أن أردنا أن نقدم قالب العجة بها ونسخن بها معلقة كبيرة من الزيت جيدا على النار ونصب فوقها الخليط مرة واحدة ونتركها لنصف دقيقة على النار ونكون قد أشعلنا الفرن من قبل على درجة حرارة متوسطة وندخلها الفرن وبعد حوالى 15 -25دقيقة نرى العجة وأذا ما كان الوجه لم يتحمر نشعل الشواية لفتر قصيرة
وبألف هنا وشفا

[أمل عمري]

*** لنجريسكــــــو على طريقتى الخاصه **


المقادير

مكرونه فتوشينى مسلوقه مع اضافه قليل من الزيت وملح جينوموتو وملح ثم تصفى ويضاف اليها مغرفه بشاميل وتقلب

بيضه مخفوقه مع فلفل وقرفه وملح وجبن مودزيلا مبشور

مقادير الباشميل

خمس ملاعق دقيق

ملعقه قرفه ناعمه ونصف ملعقه فلفل اسود او ابيض وملح

ا ليتر لبن كامل الدسم
200 جرام زبده


مقادير الحشوه

صدور دجاج مسلوقه ومقطعه شرائح ومتبله بملح اجينوموتو وملعقتان دقيق ابيض
بصل جوانح وفلفل اخضر واحمر واصفر جوانح وممكن اخضر بس
ملعقه زنجبيل مبشور
مغرفه مرق سلق الدجاج مضاف اليها صويا صوص
زيت
بهارات مشكله وبابريكا
بصل اخضر مقطع
بسله خضراء مجمده
وجزر طازج حلقات

طريقه التحضير

طريقه الحشوه
نضع الزيت فى مقلاه كبيره ثم نضع الجزر والبصل والزنجبيل ونقلب ثم نضع قطع الدجاج المتبله بالدقيق نقلب دقيقتين ثم نضع الفلفل والبصل الاخضر والبسله المجمده ونقلب (( مع مرعاه عدم تغيير لون الخضار))
ثم نضيف المرق والبهارات ونقلب جيدا الى ان يتبخر كل المرق

ندهن صينيه فرن بالزبد جيدا من جميع الجوانب ثم نضع كميه من صلصه البشاميل ثم

نضع نصف كميه المكرونه ثم الحشوه ثم باقى كميه المكرونه ثم نضع باقى صلصه الباشاميل

ثم ندهن سطح المكرونه بخليط البيض والجبن وتوضع فى الفرن الى ان يحمر الوجه تترك لتبرد تماما ثم تقطع

وبالف هنا

________________________________

الفطير المشلتت

المقادير:

1 كيلو دقيق نوعية ممتازة
1/2 كيلو زبدة
1 ملعقة صغيرة باكينج باودر
1 كوب سكر
1 كوب ماء

الطريقة :

يخلط السكر والدقيق والباكينج باودر معا.
تقطع الزبدة لقطع صغيرة، ثم تضاف لخليط الدقيق.
يعجن الزبد مع الخليط بأطراف الأصابع حتى تتكون لدينا كباتيل عجين صغيرة.
توضع العجين فوق مكان كبير مسطح مرشوش بالدقيق.
تفرد العجينة بالنشابة حتى تصبح بعرض 1/2 سم (1/3 انش).
لمنع التصاق العجينة بالسطح المستخدم للرق: ترش العجينة بالماء بين الحين والآخر.
تقطع العجينة لعدة قطع متساوية.
تفرد كل قطعة من العجين حتى تصبح رقيقة جدا.
كيفية رق العجين: يضغط على العجينة بالنشابة الى الأمام ثم ترفع النشابة بخفة وبسرعة. تعاد نفس العملية حتى تصبح العجينة رقيقة جدا. ترش العجينة بالقليل من الدقيق أثناء رق العجينة حتى لا تلتصق العجينة بالسطح المستخدم للرق.
تدهن صينية دائرية بزبدة مذابة.
توضع قطعة من العجينة المرقوقة في الصينية وتدهن بالزبدة ثم توضع قطعة أخرى وتدهن بالزبدة وهكذا حتى تنتهي الكمية.
تخبز في فرن حرارته 180 س (350 ف) حتى يشقر سطح العجينة. يرفع الفطير المشلتت من الصينية.

يأكل ساخنا أو بارد مع العسل أو مع الجبن المالح.

***********

**** القلقاس بالخضره ****

تكفي: 4 أشخاص.

المكونات والمقادير:

• 4 أكواب من مرق الدجاج.او اللحم مع التوابل الخاصه بالشوربه(( فلفل اسود هيل جوزه الطيب قرفه ورق لورا بصل طماطم ))
• ملعقة من عصير الليمون.
•2 ملعقة من سمن
• حزمة من السلق الأخضر .
• حزمة من الكزبرة .
• 8-10 فصوص من الثوم المقشر المدقوق
• كيلو جرام من القلقاس.

الطريقة :

1- قومي بتقشير القلقاس وتقطيعه في مكعبات صغيرة متساوية، ولكن لا تغسليه وانما عند تقشيره يقشر على فوطه نظيفه ويمسح بها ويكون هذا بحذر حتى لايتسخ منك عند تقشيره لان هذه الطريقه افضل بكثير من غسله لان الماء يجعله يتمخط وما يصير زين.
2- قومي بتسخين المرق حتى الغليان ثم أضيفي إليه القلقاس وعصير الليمون ونصف كميه الثوم واتركيه لمدة 45 دقيقة، .لحد ما يستوى
3- قومي بتحمير السلق والكزبرة (،بعد غسلهم واخذ الاوراق منهم بدون العروق و فرمهم فى مفرمه الثوم) فى السمن مع التقليب جيدا ثم يضاف الثوم المفروم والكزبره اليابسه المطحونه عليهم ويقلبوا جيدا حتى يحمر الثوم ثم يصب على القلقاس.
4- اتركي الكل يغلي لخمس دقائق وقدميه ساخنا مع الأرز .


وبالف هنا وعافيه
________________

*** صياديه السمك او الجمبرى ***

المكونات:

جمبرى او سمك هامور فيليه

فنجانين من الأرز المغسول و الملح و الفلفل والبهارات الخاصه بالسمك ورشه كركم

زيت

نصف كوب ماء و بصله كبيره مقطعه جوانح طماطمه صغيره مكعبات

التحضير

يقلى البصل فى الزيت حتى يغمق لونه ثم ثم يضاف إليها لملح و الماء و الفلفل و يترك ليغلى ثم يصفى

يضاف السمك او الجمبرى و يترك حتى ينضج ثم ينشل

تصفىا لشوربه و يترك جزء للحساء و جزء لعمل الأرز

نفلفل الأرز فى الزيت ثم نضيف الطماطم والشوربه و يترك لينضج


وبألف هنا

***************

*** صينيه السمك بالبطاطس ***

المكونات

كيلو سمك قاروص او بورى حلقات او هامور فيليه او سردين و رأس ثوم و كرفس

ملح و فلفل و شطه وبهارات سمك وكمون وكزبره و نصف كوب زيت

كيلو بطاطس و حلقات الطماطم وفلفل أخضر مقطع وفصوص ثوم

حلقات ليمون و بصل


التحضير

ينظف السمك و يقطع حلقات حسب نوع السمك

يدق الثوم مع الملح والكمون والكزبره و الفلفل

تفلب حلقات البطاطس بخلطه الثوم و الزيت فى صينيه

يشطف السمك و يتبل بجزء من خلطه الثوم

يوضع السمك فى الصينيه و يرص معه حلقات الطماطم والبطاطس وفصوص ثوم و البصل و الفلفل الأخضر و الليمون . يوضع فى الفرن حتى ينضج
وبالف هنا وعافيه

ــــــــــــــــــــــــــــــــــــــــــــــــــ ــــــــــ

** طاجن الارز المعمر باللحم او الدجاج **

المقادير

2 كوب من الارز المصرى

دجاج او لحم مسلوق ومقطع على حسب الرغبه

كوب مرق سلق اللحم اوالدجاج

كوب حليب سائل

ملح فلفل هيل لورا

زبده انكور

ملعقتان قشده او كريمه

ملعقتان صنوبر مقلى ولوز


طريقه التحضير

يدهن طاجن فخارى او بايركس بالزبد

ثم ترص الدجاج او اللحم فى قاع الصينيه ثم نضع الارز ونساويه

ثم تسقى بالمرق المخلوط بالحليب الى ان نغطى الارز فقط يعنى الارز يبقى باين

عندما يصل الى نصف النضج نضع باقى كميه المرق بس خلو بالكوا لا تكتر ليعجن على حسب ما يحتاج الارز بس

ثم ندهن سطح الارز بالقشده والزبد وندخله تانى الفرن ونتركه ليحمر من فوق

وبعدين يخرج من الفرن ويترك يبرد قليلا ثم يسلك من الجوانب ويقلب فى طبق كبير ويزين بالصنوبر واللوز


وبالف هنا

[أمل عمري]

منورين حبيباتي ما زلنا مع الأكلات المصرية, هلأ بنبدأ بالفول .. شرفوا


*** اسرار نجاح الفول والحصول على الطعم المظبوط ***


اهم حاجه فى الفول التوابل لازم نهتم بيها كويس جدا

اولا اساسيات الفول
الكزبره والكمون

لازم تشتريهم حصى وبعدين فى البيت تحمصى الكزبره جيدا لحد ما ريحتها تطلع وتتحمص وبعدين تطحنيها وكذلك الكمون

الشطه الحمرا المطحونه برضوا ضروريه فى الفول وهيا عموما مش بتبقى حاره اوى وبتشتريها مطحونه جاهزه

انواع الزيوت

الاساسى زيت الذره او دوار الشمس او الكانولا او الزيت الحار

اما زيت الزيتون ليه بعض طرق مخصوصه مثل الفول بالحمص والثوم

فى انواع الفول اللى بالزبد او السمن

لازم سمن بلدى طبيعى او زبده طبيعيه ما ينفعش اى نوع تانى

الثوم لازم يدق بالهون مايتعملش فى الخلاط او هراسه الثوم اليدويه
البصل كذلك لازم يتقطع باليد مش بالقطاعه او المبشره

__________________

** طريقه تدميس الفول البيتى **

المقادير

كوب فول مصرى (( نقوا الفول الكبير ويكون لونه فاتح مش بنى غامق ))
نصف كوب فول مقشور (( اللى هوا الفول المتقشر ومقسوم نصين مش عارفه بتشموه ايه )) احنا بنسميه مدشوش
ربع كوب عدس احمر مغسول ومصفى
ماء
نصف ليمونه

طريقه التحضير

يغسل الفول والفول المجروش جيدا وينقع لمده يوم كامل او لحد ما الفول ينفش

نصفى الفول المنقوع جيدا ونضعه فى دماسه فول ومعه العدس واليمون والماء

نتركه يغلى على النار وبعد الغليان ننقله على سخان كهربائى صغير وهادئى الحراره ومغلف بورق فويل ونترك الفول الى ان ينضج جيدا والنضج على حسب رغبه وذوق كل شخص

وهوا غالبا بياخود من 4 الى 5 ساعات

_________________________

** فول اسكندرانى **

المقادير:

مقدار من الفول المدمس السابق او علبه فول مصفيه ومغسوله
طحينه بيضا
كمون وكزبره وملح وليمون وشطه حمره حسب الرغبه
بقدونس وطماطم وبصل اخضر مفرومين
زيت ذره او عباد الشمس

الطريقه

سخنى الفول جيدا
ضيفى كل المكونات وقلبى جيدا واهرسى الفول حسب الرغبه

وبالف هنا وعافيه

________________________________

** فول بالبيض **

المقادير

مغرفه فول مدمس
ثلاث ملاعق زبده طبيعى انكور
بيضه
فلفل اخضر مكعبات
فلفل اسود وملح وكمون وكزبره

الطريقه
سيحى الزبده ضيفى الفلفل قلبى قليلا ثم ضيفى البيضه والفلفل الاسود انتظرى دقيقه لحد ما تجمد قليلا ثم قلبى البيضه وبعدين ضيفى الفول والكمون والكزبره والملح واهرسى الفول حسب الرغبه
وبالف هنا وعافيه

[أمل عمري]

** الحبشتكنـــات **

"اول مرة أسمع فيها, بس هيئتها كتير طيبة "

طريقه رقم 1

المقادير

المقادير حسب عدد الافراد
مقدار من الفول الاسكندرانى (( سبق عمله ))

نصف كميه الفول مقالى شعبيه ماعدا الكوسه والباذنجان العروس (( هقولها بعدين ))

بيض مسلوق ومقطع حلقات بالقطاعه

طعميه مقليه دوائر ضغيره (( هشرحها بعدين ))

كميه من المخللات مقطعه صغير

خبز حبوب كامله مش شامى كل رغيف مقسم نصفين اذا كان حجمه صغير


طريقه التحضير

نخلط جميع المكونات على بعضها
( الفول الاسكندرانى على المقالى على المخلل على الطعميه على البيض )

ممكن يقدم فى طبق وممكن نعمل منه سندويتشات بحشو انصاف الخبز وعند التقديم تسخن السندويتشات فى الفرن الكهربائى او الميكروويف

وبالف هنا وعافيه

طريقه اخرى لعمل الحبشتكنات

المقادير

مقدار من الفول بالطماطم رقم 1 ( انشاء الله هكتبها ))

مقدرار من المسقعه الشعبيه بدون لحم طبعا ( سبق عملتها فى موضوع الاكلات المصريه )

بيض مسلوق ومقطع حلقات

التحضير

نخلط على المقادير وبالف هنا

****

** المقالى الشعبيه **

قرنبيط مقطع زهرات صغيره او متوسطه مسلوق نصف سلق على البخار او فى الماء المغلى المضاف له القليل من الملح والكمون الحب وقطعه خبزه
عجينه تغطيه القرنبيط (( بيضه ملح وفلفل وقرفه ناعمه وبابريكا وكزبره وكمون ودقيق )) نخلط كل المقادير الى ان تتكون عجينه سايله الى حد ما

كوسه مقطعه اصابع او دوائر
بطاطس صغيره فى حجم الليمون الصغير مسلوقه ومقشره ان وجدت اومتوسطه ومقطعه حلقات سميكه او رفيعه حسب الرغبه بعد السلق طبعا

باذنجان مقطع دوائر سميكه
باذنجان اسود عروس
فلفل قرون صغيره او رومى مقطع شرائح سميكه بالطول

مقادير تتبيله الباذنجان والفلفل
( ثوم مدقوق وفلفل احضر مفروم وطماطمه صغيره مفرومه كمون كزبره فلفل احمر حار ملح وخل وليمون وزيت ) تخلط كل المقادير وتدق جيدا

طريقه التحضير

اولا نقلى شرائح الفلفل او القرون الى ان يذبل ونخرجهم

نتبل البطاطس والكوسه بالملح والفلفل والدقيق والكزبره والكمون ثم نقليهم فى الزيت ونخرجهم على ورق ماص لزيت

ثم نقلى الباذنجان العروس والباذنجان الرومى الدوائر ونخرجهم على ورق ماص

ونفتح الباذنجان العروس بالسكين من النصف ونحشيه بالتتبيله السابقه وكذلك نتبل دوائر الباذنجان الرومى والفلفل الاخضر

ملحوظه (( يمكن بدل قلى الباذنجان العروس نسلقه فى ماء ونصفيه ونفتحه ونحشيه ونحفظه فى علبه بلاستيك وناخذ منه )) هوا يشبه المكدوس عندكم شويه

واخيرا نغطى زهرات القرنبيط بالعجين ثم نقليها فى الزيت الى ان يشقر لونها ونخرجها على ورق ماص

فى طبق تقديم كبير نضع القرنبيط فى جنب والباذنجان النوعين فى جنب والفلفل فى جنب والبطاطس والكوسه فى جنب وكمان نضع معاهم طعميه فى جنب برضو


*** الفول بالطماطم رقم 1 (( على الطريقة الخاصه)) **

المقادير

علبه فول مغسوله جيدا
طماطم مكعبات
ملعقتان معجون طماطم
5 فصوص ثوم مدقوقين
بصله مقطعه جوانج
فلفل اخضر رومى جوانج
فلفل قرون حار قرنينن (( اختيارى))
كمون وكزبره قرفه ناعمه فلفل اسود ملح فلفل احمر حار
زيت ذره
بقدونس وكزبره خضراء مفرومه
بيض مسلوق مقطع حلقات للتزين

طريقه التحضير

فى طاسه كبيره نحمر نصف البصل وبعدين نضع الفلفل وبعدين الثوم لحد ما ريحته تطلع ويصفر ثم نضع الطماطم المكعبات والمعجون ونصف كوب ماء والتوابل كلها وباقى البصل يغلى قليلا ثم نضيف الفول ونقلب جيدا ونغطى ونتركه يتسبك خمس دقائق

ثم نضع البقدونس والكزبره الخضراء ونقلب ثم نضعه فى طبق التقديم ونزينه بالبيض المسلوق

وبالهنا

[أمل عمري]

احلى طبق ملوخيه

المقــــــــــــــــــــــــــــادير

ربع كيلو من الملوخيه المجمده او الطازجه المخروطه ( يكون افضل ) لازم تنخرط بالمخلطه الخاصه مش فى الفرامه

5 فصوص ثوم مدقوق فى الهاون مش فى القطاعه
دجاجه كبيره الحجم او ارنب مقطع اربعه ومنظف جيدا ونقوع فى الملح والدقيق والليمون
ومشطوف جيدا ومصفى فى مصفاه يفضل تكون الفراخ بلدى مش بيضا
مقادير المرق ( بصله مقسومه نصفين طمطمايه صغيره قطعه صغيره قشر ليمون هيل ملح فلفل اسود ورق لورا )

كزبره يابسه محمصه فى البيت ومطحونه

3 ملاعق من السمن يفضل البلدى


طريقــــــــــــــــــــــــه التحضيـــــــــــــــــــــر

فى حله تيفال ساخنه ضعى الدجاج وفوقه بصله مقسومه نصفين طمطمايه صغيره قطعه صغيره قشر ليمون هيل ملح فلفل اسود ورق لورا ) يشوح جيدا بس خدى بالك لا يتغير لون الدجاج يعنى يدوب المايه تتبخر وبعدين ضيفى الماء واتركى الدجاج يسلق وانزعى الريم كلما ظهر
بعد سلق الدجاج صفى المرق واغليه وابعديه عن النار وضيفى الملوخيه وجزء من الثوم المدقوق يعنى تلت تربعه ورشه كزبره مطحونه

ثم اقلى الثوم فى السمن واضيفى له كزبره مطحونه ثم اعملى تششششششششششششششششش
وغطى بسرعه الحله واكبسى عليها ضرورى عشان تحتفظ بنكه الثوم

وحمرى الدجاج فى الزبد او ادهنيه صلصه طماطم وفلفل اسود وبصل وحطيه فى الفرن وقدميه مع الملوخلوخ

فى ناس بيقطعوا الفراخ وبيحطوها فى الملوخيه نفسها بس انا مش بحبها كده انا بعملها بالطريقه السابقه


وبالف هنا وعافية

[أمل عمري]

هلأ المحاشي

احلى محشى ملفوف ابيض

المقادير

ملفوف ابيض مسلوق فى ماء وملح وكمون وقطعه خبز ومصفى ومقطع مربعات كبيره
شوربه لحم
رصه قاع الحله (عيدان الشبت والكزبره حلقات طماطم حلقات بصل )
ملعقه سمن سايحه للتلميع

مقادير الحشو

بصله كبيره مفروم
فلفل اخضر رومى او حار نصف كوب
ملعقتان شبت وكزبره مفرومين
زيت ذره
3 حبات طماطم كبار وعلبه معجون طماطم السعوديه مضاف اليهم هيل وملح صينى لانو صحى عن مرقه الدجاج يعنى دا بديل مرقه الدجاج
واناتو (ملون طعام صينى )دى عشان تخلى الخلطه لونها احمر وجميل
كل دول مضروبين فى الخلاط
كوبين ارز مصرى مغسول ومصفى
كزبره خضرا وشبت وبقدونس ونعناع اخضر بصله صغيره مفرومين نصف كوب من كل حاجه

التوابل اولا البهارات (قرنفل وخلنجان وقرفه وروز مارى وهيل وجوزه الطيب وكبابه صينى) مطحونين ومخلوطين ملعقه صغيره منهم
( كمون وكزبره ملح وفلفل اسود وقرفه ناعمه وبابريكا وفلفل احمر حار بودره)

الطريقــــــــــــــــــــــــه

نضع الزيت فى الطنجره ونضيف البصل لحد ما يشقر نضيف الفلفل وبعدين نضيف البابريكا والفلفل الاسود والشبت والكزبره لحد ما الريحه تطلع نضع خليط الطماطم ونقلب ونتركها تتسبك جيدا جدااا (( لحد ما الزيت يظهر على الوش)
بعد ما تتسبك نضيف باقى التوابل ونقلب ثم ناخذ من الصلصه مغرفه ونشيلها على جنب ثم نطفى النار ونضع الارز خليط الخضره ونقلب
فى طنجره نرص ال (عيدان الشبت والكزبره حلقات طماطم حلقات بصل ) بنفس الترتيب ثم نحشى ورق الملفوف ونرصه فوقه وعند الانتهاء نضع مغرفه الصلصه السابقه اللى سبق ووضعناها على جنب على وجه الملفوف المحشى ونسقى الملفوف بشوربه اللحم المغليه ونتركها على نار قويه مده ربع ساعه ثم ننقلها على نار هادئه الى ان يستوى وطبعا السوى على حسب الزوق فى ناس بتحبو مستوى اوى وناس مش مستوى كتير
بعد النضج نرش فوقه ملعقه السمن السايحه ويرص فى طبق التقديم وبالف هنا

ملاحظه( الشوام بيحطوا فى المحشى لحم بس المصرى ما بنحط فيه لحم )
_____________

** محشى الخضروات المنوعه **

المقادير

خضروات منوعه محفوره ( كوسه فلفل رومى باذنجان ابيض واسود خيار )
الحشوه نفس الحشوه السابقه بس مع مرعاه تقليل الطماطم وتركها 5 دقائق على النار لان الخضروات تستوى بسرعه عكس الملفوف
رصه قاع الطنجره نفس السابقه بس من دون الطماطم
ملعقه سمن سايحه لتلميع المحشى

طريقه التحضير

ترص قاع الطنجره بالشبت والكزبره والبصل
وتحشى الخضروات بالحشوه ثلاث ارباعه فقط لمراعاه انتفاخ الارز داخل الخضار وترص
نشرب المحشى بشوربه اللحم المغليه ونتركه على نار قويه ربع شاعه ثم ننقله على نار هادئه الى ان يستوى وطبعا السوى على حسب الزوق فى ناس بتحبو مستوى اوى وناس مش مستوى كتير
بعد النضج نرش فوقه ملعقه السمن السايحه ويرص فى طبق التقديم وبالف هنا

____________

** محشى الكاليمارى ( الحبار) **

المقادير

كليمارى منضف جيداا ومصفا تماما
مقدار من الحشوه السابقه مع اضافه الثوم والصنوبر المقلى للخلطه
دقيق متبل بالكمون والملح والفلفل والكزبره والشطه الحمراء البودره
زيت
ماء مغلى متبل بالملح والفلفل والهيل والورا + مغرفه صلصه المحشى( فى طنجره كبيره)
خله خشب

طريقه التحضير

يحشى الكاليمارى ثلاث ارباع ولا تزيدى لينفج عند السوا
ويقفل جيدا باعواد الخشب او يخيط
يغلى خليط الماء على النار ثم نسقط فيه حبات الحبار المحشى ونركه يغلى الى ان ينضج ثم نخرجه ونصفيه جيدا من الماء ونتبله بالدقيق المتبل ونقليه فى الزيت الحار ثم يخرج ويرص على ورق ماص ثم يقطع حلقات اذا كان كبير ويترك سليم اذا كان صغير
وفى حاله اذا عايزاه طرى ومش مقرمش ضعيه فى طاجن او بايروكس غويط وضعى فوقه مغرفه من الشوربه اللى انسلق فيها نصف سلق طبعا لانو هيكمل سوا فى الفرن ثم يغطى بورق الفويل ويدخل الفرن الحار لمده نصف ساعه او الى ان ينضج تماما

[أمل عمري]

** الخشاف **

المقادير

كوبان من التمر ( الناشف ) اليابس منزوع النوى ومقصوم نصفين
فول سودانى مقشر نصف كوب
لوز مقشر
قراصيا ( البرقوق المجفف)5 وحدات
مشمش مجفف 5 وحدات
تين مجفف 5 وحدات
جوز هند ناعم او قطع او خليط من الاثنين نصف كوب
ليتر حليب طازج عليه ماء ورد اوووووووو منقوع قمر الدين ( قطعه قمر الدين + ماء)


طريقه التحضير:

تخلط كل المقادير وتنقع لمده ساعتين او اكثر حسب الرغبه فى الثلاجه اما فى الحليب او فى منقوع عصير قمر الدين الخفيف جدا وليس سميك


وبالف هنا وعافيه

*******

** البليله **

المقادير

كوب قمح مصرى ( خدو بالكوا مش الحب تبع الهريس ما ينفعش ابداااااا بيبقى قمح حبه لونه اصفر وجامده تلاقونه فى البقالات المصريه او فى السوبرماركتات الكبيره) القمح منقى ومنقوع بالماء ليله كامله
ماء لسلق القمح
حليب كامل الدسم محلى بالسكر او العسل الصافى او حليب مكثف ومحلى
جوز هند ناعم ومكسرات حسب الرغبه ويمكن وضع قطع من التمر الناشف وماء الورد او الفانيلا
قشطه او ملعقه زبد سايح


طريقه التحضير

يسلق القمح فى الماء لحين ما ينضج ويترك ساعتين مغطى لكى يتفتح ( يفشر)
يسكب منه مغرفتين فى طبق التقديم ويسكب فوقها الحليب والمكسرات وممكن ماء ورد او فانيليا ويوضع فوقه ملعقه كبيره قشطه طازجه او زبد سايح حسب الرغبه

وبالهنا

تقبلن تحياتي القلبية

أوقاتكن أمل

[الخزامى]

الله ايه الحلاوه دي
ايه الطعامه دي
ياعسل

ياقشطه بلدي


ميرسي على الملف المصري

اموووووووووووووووله يعطيكي العافيه