- - - [ هـلا باللي نهليّ بـه .. و جوفـه يشرح البـآلـي ..
. . . . . . . . . .. . . . . . . . .. . . . . و لـو رحبّت ما يكفـي .. لهـم مليــووون ترحيـبهـ ] - - -
يقـولكم اليوم ..حبّوبتكم "لمـوآآطنـه" .. جافت طريقة سينامون
فـي [ مكانٍ مااا ] ~> و الله تعبت عليها هاي مكانن ماا .. خخ ..
آلـموهيـم ..و طيرااان راحت تسويهـآ .. ^^ ..
و لأنـيه طيـوبه ..قلت بحط الـصّور لكمـ ..!!
و ما نبـآ ردود سطحيـه و بـآآهتـه .. و الله أعطيكم طاف يا أهل هالردود .. D× ..!
ألمووهيـم يللا المقاديـر :
مقادير العجيـنهـ :[ 1كوب مااي دااافي + 1 ملعقة طعام خميره فوريـه + ثلث كوب سكّر
+ ملعقة صغيره بكنج بودر +ربـع كووب زيـت + رشة ملح + كوبين و نصّ طحيـن ]
الحشـوه :[ زبـده + سكر + جرفـه مطحووونـه]
لمعـة الويـه :[ صفار بيضـه + ملعقتين حليب سـآئـل + فانيليا ] ..
غطا السينابـون :[ كوبين سكر بوودره + ربع كوب حليب سائل] ..
+ حليب مركز محلـى .. ~> أهم شي هذااا .. هااع ..
يقولكم أمـس كنت فـ صحارى ..و رحت انا و الوالده جشنمال..
و خذت هذا الخـلاط العـود ..ما أعرف شووه إسمـه .. خخ
بس هااي صورتـه ..
و عـآد حبيت أجربّه اليوم ..و سويت فيهـ المقادير الأولـى كلهـن ..^^
و هـآي العجيـنه بعـد العجن ..
و عقب سـآعه كـآملة بالظبـط ..رحت لهـآ و جفتها جيـه ..
سويت فيها شـآطره ..خخ و قمـت و جهـزت كل شي ..
[ فرشت قطعة نايلـون تحت عسب أفرد فيها الـعجينـه ..
و يبت طحين عسب ما تلزق العجينه فـ الجيـس النايلوني ..خخ
و زهبت الزبده و الجرفه و السّكـر] ..
هنـيه بعد ما فردتها كلللهـآ ..
عقب قمت و دهنتها بالزبـده .. !!
و هنيـه رشيت عليـها الجرفـه ..
و عقب سويت السـّكر .. !! ~> شويه مب وآآيـد ..خخ
عقب قمـت و لفيتهاا .. بس قبل لا أخلص ..دهنت طرفها بـ زبـده ..
و سكرتهـآ ..
و عقب قصيتها 12 حلقـه .. ~> عسب تظهر كبيرره آخر شيّ ..
يـمّ يمـّي .. خخ
و عقب نصفهن فـ صينيـه مدهوونـه قاعدتها بـ زبده و لا زيـت ..
و نغلفها قـ غـلاف شفاف لمده ربع ساعه عسب ترتاااااح ..و ترد تنتفخ
[ هالخطوه أهم شيّ عسب يظهر السيناموون طري و هشّ ] ..
و عقب ندخلها الفرن فـ حرارة 300 سيليزي ..
لمده خمس دقاااااايق ..عقب نظهرها ..و نخلط الـ
[صفار بيضـه + ملعقتين حليب سـآئـل + فانيليا ] ..
و ندهن السيناموناات فيهـآ .. خخ ~> أحلى شيّ سينامونـآت .. هاااع ..
و عقب نخفض درجة الحراره لـ 200 سيليزي ..و ندخل الصينيه مره 2 ..
لمّـده 7 دقايــق .. ^^" ..
~> أول تجربـه لي ..لا تضحكـون ع أحجامهـن .. هااع ..
و نطلع الصينيهـ من الفرن .. و بسسسسرعه نغلفها بـ [ألومنيـم]
و نجهـز غطا السينابـوون ..
و عقب نرش كل حبـه بهالخلطـه .. ^^ ..
و لـو تبغونها حللللوه زيـآده .. ع كل وحده صبواا عليها خاشوقـة
حليب مركز محلـى .. =) ..
و بـس ..
[ السموحه ما صورت هالخطوات الأخيره ..
لأنـه ما كان في وقت ..و لاني تمللت كنت ابا أظهر من المطبخ .. ><"] ..
و هـآي صور الـسينابـون آخر شيّ .. ^^"..
و هـآي القطعـه لصـآحبة أول رد فهالمـوضــــوع ..
[CENTER]
[ راايـكم يهمنـي ..~
^^" ..
خويتكـمهمصـه :[ هذا نك نيمي فـ المنتديات الـثانيـه ..و طلبت تغيير نك نيم ..بس للحين محد غيّر .. ^^"
لمـوآطنـهـ ..^^" ..
رد مع اقتباس
مواقع النشر