[هواها خليجي 22]

انا امس رحت عند الدكتورة وقالت لي ان الرحم مانظف بعد الاسقاط مع العلم اني مسقطه من شهر بس في البيت واخذت اشياء طبيعيه وابر وحبوب بس ماجاب نتيجة..وقالت لازم اروح السبت اعمل تنظيف ابغى اعرف كيف يكون التنظيف وهل في بنج وهل لة اضرار يعني ممكن يتاخر الحمل تكفون علموني واللة خايفة

[أم بطي]

المشاركة الأصلية كتبت بواسطة هواها خليجي 22

انا امس رحت عند الدكتورة وقالت لي ان الرحم مانظف بعد الاسقاط مع العلم اني مسقطه من شهر بس في البيت واخذت اشياء طبيعيه وابر وحبوب بس ماجاب نتيجة..وقالت لازم اروح السبت اعمل تنظيف ابغى اعرف كيف يكون التنظيف وهل في بنج وهل لة اضرار يعني ممكن يتاخر الحمل تكفون علموني واللة خايفة

هلا حبيبتي الحمدالله على سلامتج ...أولا

ثانيا لا تخافي من التنظيف أنا سويتة 3 مرات في حياتي وهم أكيد بيسون لج بنج:
1- يا نصفي (النصف السفلي من جسمج والعلوي عادي يعني تكوني واعية بس ماتحسي شو يسون من تحت ولا يخلونج تشوفينهم).

2-أو بنج كامل ولاتدرين عن شي لين يخلصون .

وانا جربت الأثنين وما أعتقد إن لة أضرار بس أمي قالت لي كثرتة هب زينة وبالنسبة للحمل أكيد يبيلج بعد التنضيف فترة يرتاح الرحم فيها ويرد لطبيعتة وبالنسبة للحمل مرة ثانية إسألي الدكتورة اكيد بتفيدج والله يقومج بالسلامة..

[هواها خليجي 22]

اللة يسلمك ياام بطي بجد ريحتيلي بالي شوي لاني من جد قلقانه ومش عارفة انام ولا اكل من التفكير.....

[أم بطي]

ليش يالغالية التفكير وااااااااايد مب زين يضرج ونفسيتج بتتعب وااايد وهذا مب في صالحج والموضوع ما يبالة كل هذا وبالذات إنج تفكرين تحملين مرة ثانية يعني هدي نفسج وتغذي عدل لأنج تتهيأين لحمل ثاني إنشالله وقريب نفرح فيج بحمل ثابت من الله

[ام-ليان]

ماقصرت ام بطي الله يجزاها خير

[حرم تركي]

مالك شر
والله يعوضك بحمل ثابت

واتكلي على الله وان شاء الأمور سهله

[أنا وياك]

إن شاء الله راح تقومين بالسلامة لاتخافين ياغالية

[هواها خليجي 22]

مشكورين على المرور..
امس اتصلت على دكتورة ثانية وريحتني كثير..قالتلي بما ان الدورة جت فهذا يعني ان الرحم سليم تقول حتى لوكان باقي قطع صغيرة فما تاثر بس عطتني عندها موعد تقول اكشف عليك بعدها احدد لوكنتي تحتاجين التنظيف او لا تكفون ادعولي اني ما احتاجها..

[بنت فرج]

السلام عليكم ورحمة الله وبركاته


الله يعوضك بخير ويرزقك الذريه الصالحه امييييين