تغيير حليب الرضع مرات عديده

[جوري99]

السلام عليكم يا اخواتي العزيزات




انا ام جديده وطبعا مثل ما انتو عارفين ان اول حليب يعطونه الطفل في اغلب المستشفيات سيميلاك


انا عطيته ولدي ولكن مانفع له ومن عندي انا غيرته الى نوفا لاك وما حسيت انه فاد ولدي... يعني ولدي نحييف مره
ولا لاحظت عليه تغيرات ومن نصايح الامهات قالولي عن حليب نان وبرضوه جربته ..ياااااعمري ياولدي مخليته حقل تجارب
لكن ما استساغه
ولما رحت لطبيب وصف له لاريلاك والحين ولدي عمره 3 شهور ونص ولا لاحظت عليه انه متن يعني ماسمن ولا شي مع ان الدكتور قال انهبيفيده ويكبره


سؤااالي هل تغييري لحليبه يضره او هل هو سبب في انه نحيف ولا سمن ابدا؟؟؟واللي جربت لاريلاك بالله تقولي هل هي تنصح به اولا؟؟؟؟؟ و هل هو يسمن اولا؟؟؟

[al tyeb]

مرحبا عزيزتي توكلي علي الله وروحي لطبيب الاطفال وهو يعطيكي الحليب المناسب وخلي عنك كلام هاذي وذيك هذولا امانه في اعناقنا والله يخليلك ولدك يا رب





تقبلوا خالص تحياتي

[pepoo]

اهلا اختى

انتى اخطئتى من البدايه عند تجربة انواع كثيره

فلابد من عرضه على الطبيب لانه افضل شخص يعرف حالته

وان شاء الله يكون بخير ووزنه كويس

[جروح نازفه]

اختي جوري انا حبيت اقولك تجربتي مع ولدي انا كنت مثلك وصفولي المستشفى بعد ماولدته سيميلاك بس من اللقافه وعدم خبرتي سمعت كلام صديقتي وشريت حليب بيبيلاك لانها قالت لي انه خفيف على الطفل ومايسببب له انتفاخات اوامساك وانا على طول شريته وعطيته ولدي وبعدها بدت معاناتي معاه الولد جاه اسهال ورحت وديته المستشفى وعطاني ادويه توقف الاسهال المهم بعد ماتحسن الولد قال عمي ابو زوجي ليش الولد نحيف اكيد فيه شي ووديناه الدكتور وغير حليبه علشان يسمن وصفله بليميل بلس واستمر عليه مده شهرييين وبعدين شافه عمي وداه للدكتور وقال الولد ماسمن وشفيه نحيف وغير حليبه لبيبيلاك ومايمديه يناسبه الحليب الا وعمي يغيره هذا غير الفيتامينات علشان يسمن وولدي نفس وزنه ماتغير وثابت بعدها الولد صار فيه حساسيه في الصدر وبلغم ومن مستشفى لمستشفى هذا غير الاستفراغ تعبت وياما بكيت ليالي وانا سهرانه عنده الوم نفسي والوم عمي ولما صار عمره سنه اعطيته نيدو والحمد لله راحت عنه الحساسيه طلع سببها الحليب وبعدها تعلمت اني مااتفلسف بصحه ولدي ولااسمع كلام غيري لانه ولدي وصحته تهمني والحمد لله على كل حال اهم شي روحي لدكتور اطفال متخصص يعطيه الحليب اللي يناسبه اذا الحليب ماسبب له امساك او اسهال او استفراغ معناته الحليب ناسبه ومو لازم يسمن اهم شي تكون صحته تمام ووزنه طبيعي ولاتسوين مثلي والله اني احمد ربي اللي سلم لي ولدي وان شاء الله تستفيدي من تجربتي والله يخليلنا عيالنا ويحفظهم لنا