[align=center]السلام عليكم ورحمة الله وبركاته
بسم الله الرحمن الرحيم انا المذيعة هيام كمال مذيعة باذاعة القاهرة الكبرى حبيت اعمل لاعضاء المنتدى موضوع متجدد يوميا عن برنامجي اللي بيذاع في اذاعة القاهرة الكبرى(102.2 اذاعة fm) الساعة 11:45 دقيقة صباحا
وهبدأ معاكم بالمقدمةمستمعينا الاعزاء اهلا بيكم معانا في اولى حلقات البرنامج برنامج اسرار المطبخ مع هيام اسرار المطبخ برنامج له عدة اهداف اهم هدف ليه ان احنا نقدم لك نوعية اكل صحيه و شهية و جديدة و مغذية للاسرة والأبناء كل يوم حنقدم لك و جبه جديدة هنوع في الوجبات هنبعد عن التكرار و الملل هنقول كمان فكرة سهلة وبسيطة و هنخرج كمان من دائرة الافكار التقليدية القديمة
بس يللا حضري ورقة وقلم واكتبي معايا
انهاردة هنعمل رز بالباذنجان
صحيح اتعودنا على انواع الارز العادية لكن هنعمل ارز قيمتة الغذائية عالية جدا
مقادير الارز بالباذنجان2حبة باذنجان اسود رومي (لما تنقيه من السوق نقيه اسود جدا)
مع بصلة كبيرة
1/3 فنجان زيت صغير
3 حبات طماطم مقشرة ومقطعة صغيرة
معلقة ونصف ملح -
فلفل اسود
معلقتين بقدونس مفروم
2 كوب ارز
الطريقة
نبتدي الاول نقطع الباذنجان و نرشه ملح و نشطفه بعد نص ساعة تقريبا و ننشفه
نقطع البصل ونحمره
نقلي الباذنجان في ربع فنجان الزيت حتى يحمى ويضاف عليه البصل ثم الطماطم وتتبل بالملح و الفلفل والبقدونس
ثم يضاف الارز لهذا الخليط و يقلب جيدا و نزود الارز بالماء و نتركه حتى يغلي و نهدى النار عليه لمدة ربع ساعة
ثم يغرف وبالهنا و الشفا
واستنونا كل يوم في نفس المعاد مع اكله جديدة
هيام كمال[/align]
مواقع النشر