بسم الله الرحمن الرحيم
ازيكم يا بنات اكيد الموضوع باين من عنوانه ايوة لقيت حل لمشكلة القشرة واهو الحل:---
انك تجيبي شوية خل وتحطي عليهم شوية مية وتحطيهم علي شعرك وانتظري اقل من دقيقة واحدة وشوفي النتيجة والله العظيم حيجيبوا معاكي نتيجة في ساعتها.
وانا كان عندي قشرة وكنت عارفة الطريقة دي وكنت مكسلة بس انا عملتها انهاردة اهو والقشرة راحت وانا قاعدة دلوقتي وشعري مفهوش قشرة نهائي
وياريت لو القشرة كتير تزودي كمية الخل وكمان لو فروة راسك حساسة ممكن تزودي المية علشان ما تلسعكيش, يلا جربيها دلوقتي وانتي بتقري الموضوع شوفي حتة في مقدمة شعرك وحطي عليها شوية خل وحكيها وفي ساعتها حتلاقي ان القشرة راحت حتي علشان تتاكدي من الوصفة
يلا يا بنات واكتبوا اللي حصل معاكم علشان غيركم يجرب الوصفة
وياريت كل واحدة مشتركة في منتدي تنقل الوصفة عليه لانها وصفة فعالة وسهلة وبسيطة
وامانة اللي تقرا الموضوع واللي تجرب الوصفة تدعي ان شعري يطول
ويتقل وتدعي لامي بالشفاء
رد مع اقتباس
مواقع النشر