[reemy_jojo]

اكيد الكل بيسمع عن الحراق اصبعوا وخصوصا من مسلسلاتنا الشامية
واليوم حبيت نزلكم طريقتو الاصلية من مطبخي
ان شاء الله تعجبكم
المقادير:
عدس حب_تمر هندي_بصل_كزبرة خضرة_ثوم_خبز مقطع ومقلي_ومعكرونة

الطريقة:
ننقع التمر هندي من بكير ونعصره ونصفيه ونتركه على جنب
نغسل العدس من دون ما ننقعه ونضعه على النار ليغلي ويبلش يستوي
بس لتشوفيه استوى شوي بتحطي التمر هندي والمعكرونة والملح
وبتغطيهم لتستوي المعكرونة
ولازم يكون حامض شوي والماء يكون مغطيهم لان المعكرونة بدها تستوي من الماء الموجودة

نأخذ مقلاة ونضع فيها زيت زيتون كتير ونقلي فيها بصل جوانح
وبس لنشوفه احمر بنشيله من الزيت ونضعه في صحن على جنب وناخذ الزيت ونضع نصفة على العدس والنصف الثاني نقلي فيه الثوم والكزبرة
نعود الى العدس وحين تستوي المعكرونة نتذوقه وان احتاج الى تمرهندي نضع المزيدونضع الكزبرة والتوم ونخلي تقريبا ملعقة من الكزبرة والثوم مشان الزينةواذا كانت الماء كثيرة ندوب قليل من الطحين بقليل من الماء ونضعه فوق العدس لتسمك شوي

انا ما احتاج معي لانها سمكت من نشا المعكرونة
ونسكبها ونزينها





عن قريب للتعذيب (الله يذكرك باالخير يا شذى ههههههههههه




ملاحظة:الحراق اصبعو الاصلية يعني من زمان)(كان ياماكان بقديم الزمان 00حكاية النوم ههههههه
كانوا يعملو عجينة من طحين وماء وملح ويرقوها ويقطعوها مربعات وينشفوها بعدين يحطوها بدل المعكرونة
بس هلا بالقرن الواحدالعشرين صارو عنا بالشام عم يعملو معكرونة مربعة خصوصي للحراق اصبعوا
{{نحنا الجيل المرتاح كل شي موفر الحمد لله}}
واي نوع معكرونة بيمشي بس انا بفضل المسطحة
ان شاء الله عجبتكم؟؟؟!@!!!
دعواتكم ياالغوالي

[الورد الاحمر]

تسلم ايدك جميل تسلمييييييييييييييييييي

[المحبة للجنة]

تسلم ايدك جميل غلاتي

[فخر أهلها]

يعطيك العافيه يامبدعة..
بتشهي ولذيذه جداً ....

بس ليه اسمها الحراق اصبعو؟ يعني هل فيه سبب للتسميه؟

[mamt_noor]

يسلمو ضروري جربو

[دانـــة البحرين]

يسلموا الايادي على هذا الحراق ..
اليوم انا اكلت هذا الحراق بس بالعجينه ..

[نعومة84]

بارك الله فيكي بس الصور ماظهرت لي :(
راجعه للموضوع

[لياااان2000]

يسلموا الايادي

[فطوم باك]

انا عملتها امس

بس حطيت دبس الرمان لانه اساسى بالحراق اصبعوه

واهلى عجبتهم وايد ..
يسلمووووووووووووو الايادى ..