السلام عليكم ورحمة الله وبركاته
اليوم نزلت لكم طريقة الجريش
مرة سهلة وطعمها لذيذ جداً
المقادير:
جريش حب (الكمية حسب عدد الأشخاص)
صدور دجاج مسحوب منها العظام والجلد
2 بصل
حبة طماطم
مكعب ماجي
ملح + فلفل أسود مطحون + ليمون أسود مطحون
كاس لبن
الطريقة:_
أول شي ننقع الجريش في ماء حار لمدة ساعة
بعد الساعة نصفيه من الماء
نقطع البصل مكعبات صغيرة ونحمسه في شوية زيت
نضيف له الطماطم بعد تقطيعه صغار ومكعب الماجي ونحرك
بعدها نضيف صدور الدجاج ونضيف لها ملح وفلفل أسود ونحرك
نتركه شوي بس
الحين نضيف له كاس لبن أي نوع وممكن علبة زبادي بس اللبن أحلى
نحرك ونتركه يتسبك على نار هادية
الآن نضيف الجريش
نحرك شوي
نضيف كاسين ماء مغلي ونضيف شوي فلفل أسود وليمون أسود ونحرك
ونخفف النار على أخف شي ونغطي القدر بالغطاء ونضع فوق الغطاء فوطة ونتركه ساعتين
بعد كل نص ساعة نفتح القدر ونحرك شوي
وبكذا يكون الجريش استوى
تغرفينه وتحطين فوقه بصل مقلي مقطع شرايح
وش رايكم؟؟؟
بالعافية
أستنى ردودكم
اللهم صلي وسلم على نبينا محمد وعلى آله وصحبه أجمعين
مواقع النشر