منقول ...


اربعه اشخاص كل اثنين مقابلين بعض ،،،،، وكل واحد جنبه بياله والا طفايه لزوم
الترجيم احياناً ،، واثنين ينتظرون وش تسفر عنه نقاشات الاربعه الباقين

والاثنين اللي برا بعد فتره بيحلون محل اثنين من الاربعه اللي يتناقشون ،،، هذا

حالنا كل يوم وحنا نلعب بلوت في استراحة الكبرياء

الشي المتفق عليه ان الفريق المهزوم هو اللي بيجيب العشا ،، قلت انا اوكي بس

انتبهوا تغيرون رايكم ، لعبه من هنا وصن من هنا وحكم من هنا وصن مغطى من خويي

مسوي ذيب شوي الا وتردعنا وطلعنا وحانت اللحظه اللي ماابيها وهي ان حنا نجيب

عشا ،، قلت لهم يا شباب طيب هالحركه ما تعتبر من انواع القمار ؟؟ ،،، قالوا /

الحين توك تقول لا تهونون ويوم انهزمت صارت قمار ؟ ،، قوموا جيبوا عشا ولا

كثر ،،، انا وخويي / طيب بنجيب والشكوى لله ،، قلت / يالله يا فلان قم نروح

نجيب عشا ،، قال / انا برقد شوي تعبان رح بلحالك وبحتريك ،،،، حتى خويي تبرا

مني لكن يصير خير ،،،،،، رحت على رجولي لمطعم حول الاستراحه حتى ما عطوني

سياره وانا مسيكين ما معي سياره ،، طبعاً الولد (( انت يا أنا )) طالع طفشان

ومدري وش ابي ،، ليه انا اللي اجيب عشا وعلى رجولي بعد ؟؟ وانا في الطريق

للمطعم صاير اشوت كل شي قدامي قوطي حصاة آدمي اي شي ،، ومن ضمن احدى تسديداتي

المركزه صارت الشوته بشي مدري وشهو ،،، جلس هالشي يتقلب شوي وبعد كم خطوه

وقف ، وسادت لحظة صمت رهيبه ،، وبعد كم برهه طلع دخان كثيف من هالشي ،، شوي

الا وهالدخان طالع جني ،،، وبدل ما يقول لي أنا بخدمتك يا سيدي التفت علي وقال

/ ما تشوف جعلك العمى كل شي تشوته ؟؟

وانا اللي اقول متمتماً (( عاد وش رايكم في متمتماً ؟ / بسم الله الرحمن

الرحيم ،، من انت ؟؟

قال لي / أنا الجني اللي يسكن المصباح السحري ،،،، واللي انت من شوي شوته ما

تدري

قلت له / طيب اخبر الجن حقين المصباح ما يطلعون الا بالقصص ؟؟

قال لي / لا ياشيخ (( مهوب خوينا )) ،، اجل انت الحين وش قاعد تكتب ؟؟

هههههههههههههههههههههه والله احس هالجني يتريق علي خخخخخخخخخخ

قلت له / طيب الجني العاده يقول ماذا تأمر يا سيدي ؟؟ مو جعلك العمى ومدري وشو!

قال الجني / يا رجال كنت ناوي اقولها بس انك قلبت راسي من كثر ما شوتت ابريقي

النحاسي ،، علشان كذا ما كنت ادري وش اقول بحرتها ،، المهم وش تبي يا سيدي

آمر بس ؟؟

قلت بنفسي (( لهجة الولد سعودي شكله مهوب جني بغداد اللي مع سندباد )) ،،، قلت

له / طيب كم لي من طلب ؟؟ والا اطلب اللي ابي ؟

قال لي / اما اللي تبي كثّر منها ،، انا العاده اللي يلقى الابريق النحاسي

المفروض ماله الا 3 طلبات ،، لكن انت شكلك رجالن طيب وبعطيك سبع طلبات

قلت / كويس ،،،، اجل سجّل عندك /

تسدد فاتورة النت -

تدبر لأخوي قبول بالجامعه -

بنت اختي تدّرس بدومة الجندل ونبي ننقلها للرياض -

ابي وظيفه -

توقف المواضيع الماصله بالساحه -

تخلي طريق الملك فهد الساعه ثمان الصبح مافيه زحمه -

وهذي اهم نقطه تخليني احب اسمع اغاني جواد -

الجني التفت وطل في وجهي مستنكراً وقال / حرام عليك يا سيدي بالله هذي طلبات ؟؟

يااخي اطلب شي معقول شوي مثل اللي قبلك واللي طلب خط سريع بين الحوطه وامريكا

وقلت له اختر سيد والا سيدين ،،، وخصوصاً حقت جواد هذي والله مااقدر يا سيدي

حرام عليك تعاملني كذا ،،، الله لا يبارك في شوتتك لأبريقي النحاسي يا سيدي

بيني وبينكم رحمت الجني مسيكين وانا اللي التفت عليه وامحطه بسؤال شديد اللهجه

يعني لو الغيت طلباتي اللي فوق بتنفذ لي غيرها ؟؟

قال / ابشر والله ،،، بس فواتير نت وجواد ونقل معلمات ومدري وش بعد شلها من مخك

ولا اطلق جني يسويها

قلت له / يعني بزعمك الحين بتوديني للقمر ؟؟

قال / ابشر والحين اطير بك للقمر ،، وعلى فكره يا سيدي ترا آرمسترونق وقاقارين

مهوب أخير منك

قلت / يااخوي يابوجنن (( بديت امون )) ما كن قاقارين اسم مطعم مثلوثه ؟؟

قال / هههههههههههههههههههه الله يرجك يا سيدي خخخخخخخخخخ

وانا اناظره واقول / يا شين الجني لين بدا يمون على سيده

واردفت قائلاً / شف عاد انت جنيّن (( على وزن رجالن )) بتفزع معي والا رجعتك

لابريقك النحاسي ونطلتك بوادي لبن حول نادي الرياض

خاف الجني وقال / آمر يا سيدي وتراي تحت امرك الا بطلباتك اللي من شوي .

قلت له / اجل شف ،،،، اول شي الحين تروح تجيب عشا للعيال وانا بحتريك

بالاستراحه ،،، قال / ابشر بس وش تبون ؟؟

وانا اللي اعدد عليه الطلبات ،، شوي الا وقلت له / وانا جب لي اثنين شاورما

قال لي / بكاتشب والا بدون ؟؟

خخخخخخخخخخخخخخخخخخخخخخ ما قلت لكم سعودي

قلت له / بكاتشب بس انتبه لا تجيب من هالمطعم ودام انك عاني عاني رح لماما

نوره ،،،، وتوي بوصف له الا وقال / لا تخاف ادل سيدي اللي قبلك ما بقى مطعم

بالرياض الا وجبت له منه ،،، الظاهر حرمته ما حولك احد

يا جماعه هالجني رهيييييييب وصلح لي ،، وودي اجيبه للاستراحه بس خايف يقولون

ما قط .عموماً رجعت للاستراحه والابريق السحري حاطه بكيس وماخذه معي ، دخلت الاستراحه

وسألوني وين العشا ؟ قلت شوي وبيجي اتصلت على مطعم ماما نوره احسن من هالمطاعم

اللي مدري وش تبي

قالوا العيال / كفو والله ماشاء الله عليك كريم

قلت بنفسي / ادعوا بسلامة الجني والا بدري علي وعليكم

المهم الرجال (( انت يا الجني )) جاب العشا ، ويوم وصل للاستراحه عطاني رنه من

جواله وطلعت له

خذيت العشا منه وقلت له / خلاص انا ان احتجت خبطت على النحاسي ،،، قال / ابشر

يا سيدي بس تذكر ان باقي لك 5 طلبات يعني راح طلبين .

وانا اللي استغرب واقول / بس انا ما طلبت الا طلب واحد وهو العشا وش الثاني ؟؟

قال / بكتشب والا بدون والا نسيت ؟؟

هههههههههههههههههههههههههههه يستغفلني كنه شركة الاتصالات خخخخخخخخخخخخخخخخخخ

عموماً مشيتها له وقلت رح

تعشينا وعينا خير وخذتنا السواليف ،، شوي الا ورن تليفون الاستراحه وبصراحه

هالتليفون راحمه مايدري وش يبدي ؟؟ نت والا سواليف والا ..... ،،،، رديت بحكم

اني القريب / الو (( اكيد الو اجل مين ؟ ))

المتصل / الو مرحبا ،،، رامي موجود ؟؟

انا / رامي بالمطبخ يغسل المواعين ، من نقول له ؟؟

المتصل ... ـه / قل له مروه ،،،،، والا تدري انا بكلمه بعد شوي ،،،، تشاو

انا / وشو ؟؟؟

هي / قصدي باي هههههههههههههههه

انا / وش هالضحكه ؟؟؟

شوي الا وجا سعيدان مغسل المواعين ،، وانا اللي التفت عليه واقول له / تعال يا

سعيدان عياش وحده تبيك ،،، وتوه جالس ودقت صاحبة الضحكه الساحره المتشبعه

بكومه من الدلع وقلة الحيا ،،، رفعها رامي بالنسبه للبنت وسعيدان بالنسبه

نا ،،، خذ سواليف حتى تعب ،،،، قفل الخط ورن التليفون ثانيه ،،، الا هي هيفا

تبي مهند (( عزوز )) ،، عزوز قام يسولف مع هيفا ويقول لها ان عنده بكره رحله

لكوبنهاجن بيشيك على حلال الوالد ،، وهي الله يخلف من البيت للاستراحه وان ابعد

راح لسوق الغنم ،،، قفلت هيفا وبعد شوي رن التليفون الا هي ريم تبي ايمن ،،،

وانا اللي انادي ايمن (( وندلعه بالاستراحه باسمه الصدقي وهو عقاب )) ،،، ايمن

سولف وقفل وجلسنا طول الليل على هالحال واللي طالعه فرقته يسولف مع بنت حتى 52%

ملينا من البلوت وجلسنا نسولف انا وايمن ووائل ومدري وش بعد ،، قالوا لي / ما

تلاحظ يا رايح فيها ان كل واحد كلمته خويته الا انت ؟؟

ليه البنات ما يبونك ؟؟

قلت لهم / اصلاً انا اللي ماابي البنات (( ياشين اللي مايعرف يرد ))

قالوا لي / سولف بس لا تكذب ،،، وبعدين نتحداك تصادق بنت وتخليها تدق عليك !!!!

وانا اللي اتورط ،،، الحين البنت وش تبيني عليه ؟؟

لا موتر ولا زين ولا اعرف العب بلوت ولا سوني حتى اسألوا ابو تمام ،،، المهم

قبلت التحدي وقلت لهم / اصبروا علي كم يوم وتشوفون بتدق عليكم خويتي وبتسأل

عني ،، بس انتبهوا ان قالت وين وليــــــد نادوني لأني بغير اسمي ،،،،،،

قالوا اوكي نشوف .

طلعت من الاستراحه ورحت للبيت ونمت ،، يوم اصبحنا وانا اللي افرك النحاسي واظهر الجني

قال / سم يا سيدي وش تبي على هالصبح ؟؟ وكان يتثاوب

قلت له / شكلك سهران ؟؟

قال / ايه جالس اتفرج على المصارعه ويوم اقطعوها وجابوا الاخبار نمت ،،،،

المهم خير وش تبي ؟ (( ماقلتكم يمون على سيده ))

قلت / بقول لك سالفه ، واقص عليه قصتي والبنات والتليفونات واللي صار

بالاستراحه ،،،، وقال / طيب وش المطلوب ؟؟

قلت له ابي اطلب منك طلب وهو انك تقلد بنت وتتصل تدورني ،،، والا لو اقعد مليون

سنه مااحد عطاني وجه

قال / ابشر يا سيدي وابشرك عندي جهازي تغيير الاصوات يحبه قلبك وقد سحبت به كم

جنيه على اني زميلتهم بالجامعه

ههههههههههههههههههههههههه يا عالم اشك ان هالجني اول ساكن بمنفوحه حركاته مدري

وش تبى

المهم اتفقنا انا وياه وكل شي وابن الكلب ما فوتها وحسبها على انها طلب يعني

ما بقى لي الا 4 طلبات لأنه راح 3 واحد عشا وواحد بكاتشب والا بدون وواحد يقلد

بنت ،،،، قال / بس يا سيدي اذا قالوا من تبيه وش اقول ؟؟

قلت له / قل تبيه حبيبته (( نــــــــــــــــــــــــــــــوف ))

رحت للاستراحه بعد مااتفقنا كل على شي ،،، جلسنا ولعبنا بلوت وتفرجنا على الدش

وعلى عملية السلام بالشرق الاوسط وصائب عريقات ،،، شوي الا ويرن التليفون ،،،

رفع عزوز السماعه / الووووو

المتصل / الوووو مساء الخير

عزوز منهبلاً ، هلا والله وغلا صباح الخير ،، اما صباح عقب العشا

المتصل / لو سمحت وليد موجود ؟؟

عزوز يناظرني و يغمز حركات عذال / ايه يا حلوة موجود ،،،، من يبيه ؟؟

المتصله / ليه من يبيه اجل هو يعرف اكثر من وحده ؟؟

والله ذيب هالجني خخخخخخخخخخخخخخخخخخ

عزوز / لا يا عمري بس من باب الفضول

اخس يا عزوز صوت البنت خلاه مثقف عقب ما كان ما يميز بين الجبن والقشطه

المتصله / قل له حبيبته نـــــــــــــــــوف

عزوز / ان شاء الله تامرين امر

تعال يا رايح فيها تليفون يبيك ،، ويقرب من اذني ويقول / عاد وليد كان اخترت وائل ؟؟

وانا اللي آخذ السماعه / الو

المتصله / بشر يا سيدي الوضع تمام ؟؟

انا / هلا والله بنوفتي وابشرك الوضع تمام مره

الجني / تبيني اسولف معك شوي واقهرهم ؟

انا / لا يا نوفتي انا بمرك اليوم ان شاء الله

اخوياي يناظروني مستنكرين وبعد بيمرها ؟؟

انا / اوكي سكري الحين والوعد الليله

الجني / اوكي سيدي بسكر بس تراك قلت سكر يعني طلب باقي لك ثلاثه

ما قلت لكم ملعون والدين ويستغفلني

سكرت السماعه ورجعت للعيال وجلسنا نسولف ويقولون لي احلى وحركات

شوي الا واستئذنت منهم ورحت للبيت ،،،، واطلع الابريق من تحت السرير واطلع

الجني واقول له / شغلك حلو ولوانك سرقتني بس مايخالف ،،،، المهم لا تتعودها

وترا كلها 7 طلبات راحت 4 بالفاضي كله منك

قال / طيب اطلب رصيد بالبنك سياره فله او قصر قل تخلص طلباتك !

قلت له / لالالا لاحقين والاربعه طلبات اللي راحت مدري وش تبي وازم افكر

بالثلاثه الباقيه صح ،، اهم شي استفدت شوي من سالفة نـــــــوف وضحكت على

العيال لكن باقي اشياء كثيره ولازم استغل باقي طلباتي ،،،، والحين انقلع خلني

افكر ،،،،، وتوه داخل بابريقه الا ويطل من فتحة الابريق ويقول / انقلع هي طلبك

الخامس وباقي اثنين

وانا اللي اقول / الشكوى لله .

اشرقت شمس يوم جديد <<< متعوب عليها

وقمت من النوم وقلت افكر وش اسوي اليوم ،،،، توي جالس افطر الا ويدق

تليفوني ،،،، الا وهو دحيم صديقي / هلا دحيم آمر

دحيم / اليوم عندنا مباراة بالحارة لا تنسى .

قلت / زين بشوف كان ما عندي شي

دحيم / مافيها بشوف ياخوي انت كابتن الفريق ولازم تكون قدوه

قلت / خلاص ابشر بصير قدوه

افطرت وجا عقب الظهر (( اجل بنروح له ؟ )) وطلعت الجني وقلت له / شف ابيك تفكر

معي زين لازم نستغل هالطلبين تمام لا تضيع مثل اللي قبلها !!!!

قال / بس انت قلت (( ابيك تفكر معي )) وهذا طلب يعني باقي لك طلب واحد .

انا / ،،، واسكت وفهمها ودخل ابريقه جعله ما يظهر منه ،،، وخليته يدخل

الابريق بدون مااقوله لا يحسبه طلب ابن الكلب

بعد العصر طقيت التكميله (( مع انها ما سوت شي )) ورحت للعيال والابريق بمخباي

قلت خايف تجيني فكرة الطلب وانا العب ،،، ومثلكم عارفين العباقره شرواي تجيهم الافكار فجأة

جلسنا فتره نسخّن للمباراة ونتناقش في مشكله صايره مالها داعي ومو وقتها

يمين يسار يمين يسار مالقينا لها حل

وانا اللي اطلع الجني وقلت هذا وقته وان ما نفعني الحين متى ينفعني ؟؟

واطلع الجني .

الجني / سم يا سيدي بس تراه آخر طلب

انا / داري يا الشين ،،،،، ابي منك طلب مهم مره ولولا اهميته ما ضحيت بآخر طلب علشانه .

الجني / آمر يا سيدي ؟؟ تبيني البس عباية واجي للملعب على اني نـــــــــــــــــوف ؟

ههههههههههههههههههه قايل لكم مهوب صاحي

قلت / لا يا رجال نبي شي مهوب بسيط والله يعينك عليه

قال / سم

قلت له /

7

7

7

7

7

7

7

7

7

7

7

7

7

7

7

7

7

7

7

7

7

7

7

أبيك تكملنا حارس

>@@@@@@@@@@@@@@@@@@@@@@@@@@@@@@@@@@@@



مايستفاد من القصه /



ان لقيت جني لا تضيع طلباتك بالفاضي ؟ -

خلك من البنات لأن اخوياك بالاستراحه بكره بسألونك عن نوف وش تقول لهم ؟؟ -

خلوا حارسكم جاهز قبل كل مباراة -

لا تاكل الشاورما الا بكاتش