بلييز يا اخواتي لاتبخلون علي بنصائحكم

[همسة فرح]

السلام عليكم ورحمة الله وبركاته

اخواتي اتمنى انكم تاخذون مشكلتي بجد وما تبخلون علي بنصائحكم لاني محتاره ومقهورة

وماني عارفة كيف اتصرف معها؟


مشكلتي باختصار هي زوجي

الحمدلله زوجي مستقيم الا اني واجهت مشكله معه من فتره طويلة ومو عارفه احلها؟

الا وهي رسائل البريد الالكتروني الفاضحه الي توصله من اصدقاءه وزملاءه في العمل..

وانا كلمته في هذا الموضوع مرتين وكان يقول لي:

انا ما اتحكم بالرسايل الي تجيني وانه مايطلب منهم يرسلونها له

لكنه وعدني انها من تجيه راح يحذفها من ايميله لكن الي اشوفه ان ( حليمه رجعت لعادتها القديمه ) وانا الحين مقهوره بالمره

اتمنى انكم تنصحوني كيف اتصرف معه؟

ولكم جزيل شكري وامتناني

[عصير توت]

يسعدني أكون أول من يرد عليك

أول شي تكلمي معاه بصراحة إنه هذا الشي ما يجوز وهو شكله مقتنع وعارف
لكن النقطة المهمة

حذفها ما ينفع
وتبين الصراحة أنا شخصيا صادفتني هالمشكلة
صديقاتي يرسلون لي رسايل بصراحة قمة في الوقاحة

بكل هدوء
repay
نفس الرسالة ترجع لصاحبتها
وأكتب لها باللون الأحمر فوق الصور

اتقي الله
فالله تعالى أعطانا نعمة البصر لنعبده بها وهو قادر على أن يسلبها منا في لحظة
وأرجو عدم إرسال مثل هذه الرسائل لي

والحمد لله بعدها ما جاتني ولا رسالة

فممكن زوجك يسوي نفس الحركة

وربي يحمي عيوننا من الحرام

[همسة فرح]

يعطيك العافيه اختي عصير توت ولك جزيل شكري

وانا لازم اني اكلمة بس ابي يبطل للابد مو بس فتره بعدين يرجع مره ثانيه مثل ما حصل قبل..

وياليتني اقدر اسوي مثلك واقول لصاحب الرسايل هذي يحترم نفسه ويوقف ارسالها لزوجي..

الله يهديه بس

[ام ريوف؟]

طنشيه ولاتهتمي لامره قوليله عادي تفرج بس الله فوقك مايوفقك لافي نفسك ولا فيمالك ولا اولادك واتركيه هذي مشكله واجهتني وطنشته هو كان يقهرني ادعي الله ان يهديه