السلام عليكم ورحمة الله وبركاته
كيكة السينابون
والطريقة اخذتها من وحدة من الاخوات ما ادري اذا من هالمنتدى ولا غيره بس جزاها الله الف خير
وبكتب لكم المقادير نصا .. وبقول لكم وش سويت انا زيادة !!
المقادير :
خلي اقياسك قوطي القشطة أو علبة الروب >> انا بكوب المقدار سويتها ..
**الخلطة 1**
3 بيضات بحرارة الغرفه
ملعقة طعام فانيليا
1كوب سكر
1كوب زيت
علبة حليب أبو قوس>> تبع الشاي
(نخلطهم في الخلاط الكهربائي )
ونخفق في البداية البيض بروحه مع اضافة ملعقة خل ابيض للزفره
---------------------
** الخلطة 2رقم :**
1 ونص كوب طحين
2 ونص ملعقة طعام بيكنغ بودر
ذرة ملح
( ننخلهم مع بعض )
ثم نسكب عليهم الخلطة السابقة ونخلطهم بالسلك اليدوي.. او بشوكة بس بحركة سريعه
--------------------
** الخلطه 3**
قرفه مطحونه + سكربني مخلوطين مع بعض ..
--------------------
الطريقه
نضيف الخلطة رقم 2 على الخلطة رقم 1 ونخلطهم جيدً ثم
نضع في صينيه نص الخليط ثم نرش الخلطه 3 على الكيكه بالمشخل بس لا تكثرو ثم نضع باقي الخليط
ونضعها في الفرن نشغل من تحت أول ثم من فوق للتحمير بس .
ثم نخرجها من الفرن ونضع الصلصة عليها وهي حاره
الصلصلة :
المقادير :1حليب أبو قوس \ 1علبة قشطة أو قيمر \ نص كوب سكر>>
انا ما حطيت سكر اكتفيت بحلاية الكيكه بس حطيت ملعقة سكر بني ما يبين طعمه واجد .. \2 ملعقة طعام قرفة
نخلطهم بالخلاط الكهربائي ثم توضع على النار حتى يتماسك ثم تسكب على الكيكة وهي حاره
ثم تترك لتبرد قليلا وتجمل بالهيرشي و الجوز المجروش
>> انا حطيت لوز محمص
::
::
::
وهذي الصورة عشان تشوفو الكيكه من داخل ..
وألف هني وعافية على قلوبكم
المشاركة بأسمي في منتدى 2
رد مع اقتباس
مواقع النشر