لا تفونكم

[عيدسعيد]

.. .. ..

السلام عليكم و رحمة الله و بركاته ..معلش بأهـ الموضوع طويل حبتين بس حيعجبك ..متأكدهـ ..

يا صبايا ..الموضوع هذا من جهدي الشخصي اتمنى يوصل لاكبر شريحة ممكنة ..و ان اصبت فمن الله و ان اخطأت فمن نفسي و الشيطان .. فصححوا الخطأ بلييز ... و ارسلوه حتى لاخوانكم الاولاد يرسلوه لاصحابهم

بكذا يوصل لاخواتهم << شف كيف قال وين اذنك يا حبشي ..وش قال ....... جاوبوا لوووول

اعذروني على اللغة ركيكة شوي ماراح اتكلم بالفصحى ..عشان يعني يكون خفيف و قريب لانفسكم و تحبونه ....

في الفترة الاخيرة كثيييير عالم ماتوا .. و الله ناس يعني استغفر الله مو قصدي شي ..بس تحسين لا كيف ماتوا و تنبهرين و حالتك حالة ..

من كم يوم توفوا عندنا عاايلة كاملة و الله ابو و ام و 6 بنات و و ولد والخدامة ..في حادث مروري و البنت و الولد الثاني في المستشفى .. و ربي كانت صدمة .. عارفين لما يجي احد من وراك و يرمي عليك موية باااردة . . نفس الشعور انا مو مرة اعرفهم بس تخيلوا عااااااااااااايلة ..

من جد الموت ورانا في كل ثانية انا الان قاعدة اكتب هالكلام مو ضامنة اقوم من مكاني او لا ارسله لكم او لا ...

و احنا و لا همنا ...

المغسلة الي تغسل البناات للمعلومية اعمارهم قريبة منا اكبرهم 26 سنة تقول ما شاء الله هذولي قمور يهبلون فاتكم ليش ما شفتوا وجيههم .. انا هنا مررة قعدت ابكي ... يعني تخيلوا .. و ربي شي يبكي و يخجل ...

اقسم بالله انا اول وحدة خجلانة من نفسي .. وش سوينا في حياتنا .. اكل و مرعى و قلة صنعا ..

لما تقرين في سيرة

الصحابة و السلف و الرسول صلى الله عليه و سلم تقولين يالله .. لو الرسول الان جانا وش بيقول على حالنا ..

بجد سؤال اسأليه نفسك وش بتقولين لربك يوم القيامة .. ؟؟ وش بتقولين للرسول ؟؟

وش بتقولين للصحابيات و الصحابة ؟؟ ماكنا خلف كويس لكم ( فخلف من بعدهم خلف اضاعوا الصلاة و اتبعوا الشهوات فسوف يلقون غيا ) .. غيا عارفين وش معناه ؟؟؟؟؟؟؟؟؟ !!!!!!!!

من قريب في التلفزيون شفت مقابلة مع واحد مرررة يرحم ضعيف و لا عنده بيت و لحاله و ربي حالته تبكي الصخر .... اسلم على يده 56 او 65 مو متأكدة ..بس شوفوا !! ما قال لا وشلون مدري ايش ... و احنا على النعم الي فيها كم واحد اسلم على يدينا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بلاش ما نبي العالم تسلم على يدينا ......... من فينا اذا قالت امها روحي جيبي لي موية نقزت و جابت الكاس لقت امها تكلم مثلا بالجوال و مسكت الكاس و هي واقفة عند امها لما امها تخلص من المكالمة و تعطيهياه و هي تبتسم و تقول سمي يمة هني ؟؟؟؟؟؟؟ اتحدى .. اذا ماعصبتي نفختي .. او حطيتي الكاس بقوة و هذيك النظرة

لامك ... و لا عاد ..يوووه خذي يمة منيب خدامة تراني << ما تصير.. تصير !!!!!!!

طيب .. تروحين المملكة و لا سنتريا مول و تشترين شنطة بمبلغ و قدره << و الله راتب موظف .. ترى انا اشتري هالشنط .. يعني الكلام لي و لكم ......زين .. و لما تمر من عندك حرمة ضعيفة تقولين الله يعطينا و يعطيك يا خالة ...!!!! عجزانة تمدين الريال بيفقرك الريال !!!

طيب .. من نصبح الين نمسي .. افلااام و هذاك الفلم الفلاني وااو و لا عاد الممثل شي شي .. مرة خطير ..

و تلقين الوحدة حافظة السيرة حقت الممثل تراه انولد في عام كذا و فاز بالاوسكار 5 مرات و تزوج هذيك الشقرا ثمن طلقها و الحين يماشي هذي الطويلة و تراه تبنى 6 اولاد و انه و انه و انه ........طيب و بعدين !!

و لما اتسألينها بالدين .. عساها تعرف الخلفاء الراشدين ...

الحين انا بسأل وش يفيدونا فيه هذولي الممثلين ...... بيقدمون عنا شي او يأخرون ؟؟ للمعلومية بس المرء يحشر مع من احب يوم القيامة .. عاد تخيلي شكلك مع الممثل الي انهبلتي عليه عاد هو نصراني ... اهنيك صراحة ..

شفتي كيف يخوف الموقف ...

طيب ..تعالي السوق .. آآآآآآآآآآآآآآآآآآآآآآآآآآآآآآهــ و يا قلب لا تحزن !! انا و الله مو مدح فيني و لا شي مالت علي اصلا بس ماحب الاسواق بسبب هالنقطة .. اتخانق مع امي و اختي هم عادي عندهم بس انا تجيني ام العبيد .. زحمة و اشكال الله لا يسخط علينا و مغازل ... و خرابيط .. تجيك الوحدة معليش حبيبتي الي تسوي كذا مابي اجرحك و لا اهينك بس لاني احبك بقولك شي .. سوال يفرض نفسه ليش ما تغطين وجهك ؟؟

اللي بيقابلك وش بيشوف اول شي .. رجلك يدك !! طبعا وجهك .. الحين وجهك الي يهبل و ربي رازقك جمال عادي عندك سفلة القوم معليش مو تحقير بس يجيك مغازلجي تعبان يقعد يقولك كلام اتوقع بنت الحمايل البنت المتربية ما ترضاه على نفسها ... و لا هندي و لا بنغالي و لا ولا و لا ولا ..

طيب ...قناعة شخصية ان الفتش حلال مافيه شي .. طيب .. بقولك الحلال بين و الحرام بين .. طيب تبين تفتشين مرة احد حالف عليك .. لا تحطين هالكشة و لا عاد الطحين الي بوجهك يرحم امك .. ويييييين مضيعة تراك مو رايحة لا زواج و لا حفلة يا عيوني .. .. ترى العالم تطالعك مو معجبة فيك و لا انك حلوة لا و الله العظيم يضحكون عليك جوا نفسهم يعني ويين الله يهديك .. طيب هذي تهون .. على الاقل رضت تفتش و رضت تجيب لنفسها الكلام .. بس الي تجي تقولين الله اكبر لابسة نقاب .. و شي .. توجهي مباشرة الى منطقة العيون و شوفي الكحل الي واصل نص خدها .. و رموش و تحكي بالجوال يااي . تحسينها مرة نايس .. و شي .. و الرجال قعد يطاااااااااااالع فيها ... ياخزياهـ بس .. ترى انت الي سمحتيله .. بقولكم موقف .. مرة رايحة انا و امي و اختي الرياض غاليري وشفنا وحدة كذا تقريبا من عمرنا فاتشة و العباية الان تطورنا وصلنا الى مرحلة فتح الزراير و السكيني و الشورت الله اكبر هالاجسام عاد .. و الله انا استحيت يطالع يعني جميع مناطق جسمها و لا داعي للاحراج اكثر من ذلك ... << فيس خجلان الا طماطة صاير ..

و الله عيب .. قسما بالله عيب .. يعني حرام ...

و تراهم متطورين الي عبايتها الوان اقصد فستان حفلة .. وفاتشة و شي .. يحترمونها يحسونها شي بس الناس الي ..تخيلوا انا و امي مرة رحنا الفيصلية لما دخلنا قال هذا الي لابس بدلة البواب << لوووووووول

اووف الخايسين .. جوا .......هههههههههههههههه مرة شكرا لانك قلت عنا خايسين لانك حسستني بأني شي خطير و ملتزمة بحجابي .. ع فكرة انا على الكتف عبايتي .. بس مافيها شي و لله الحمد ساترة.. اهم شي بحجابك ساتر و ما يلفت النظر .. عاد امي مررة ضاق صدرها .. عكسي ...خخخخخخخخخ

الحجاب الان اصبح أي كلام .. الرسول صلى الله عليه وسلم لما شاف احد الصحابة بالمسجد قاله ارجع فصل فانك لم تصل ثلاث مرات .. لو يشوفك الرسول الان بيقولك ارجعي فتحجبي فانك لم تتحجبي ...

و لما تقولين لاحد تقول توني كتكوتة صغنونة باللهِ ؟؟؟؟؟؟؟؟؟؟ هذا كله و كتكوتة !!!

( يا ايها النبي قل لازواجك و بناتك و نساء المؤمنين يدنين عليهن من جلابيبهن ذلك ادنى ان يعرفن فلا يؤذين ) وش مستنية بعد !!!!!!!!!!!! فلا يؤذين ربي يخاف عليك و انت ما تخافين على نفسك ؟!!

نساء الصحابة لما نزلت الاية على طول شقوا الجلابيب و تغطوا و تستروا ما قالوا اصبر يا رسول الله نروح منتصف الليل نفصل عباياتنا !!!!!!! .. الله يقول (ولا تبرجن تبرج الجاهلية) تبرج الجاهلية كان طرحة على روسهن يبين جزء من شعرها . .. بس الحين .... هذا و هم بالجاهلية كذا اجل وش نقول حنا استغفر الله ..

ما قد سمعت ان مرة ابو لهب لبست عباية مفتوحة و بنطلون و بدي و تمكيجت و نفشت كوشتها .. !! تخيلي مرة ابو لهب نفسها ... يالله كيف طيب و الي نشوفه هذا وش يسمونه ..

و تخيلي القواعد من النساء هم الي يفتشون بشرط غير متبرجات بزينة ..لاحظي !!

طيب .. النمص عاد اول يتحججون بالشيخ الفلاني قال يجوز .. الحين صار مجاااهرة ماعندها فيك شوفي البنات اذا اجتمعوا ..وين احسن مركز يسوي تاتو !!!! ( لعن الله الواشمة و المستوشمة ) يا بنت الحلال فيها لعن المسألة تقول ربي غفور رحيم .. أي صح ربي غفور رحيم و يا حلمه علينا بس تراه شديد العقاب ...

بس.. عيوني < احس اني فوزية الدريع .. ..احسبيها صح .. تخيلي جاك التهاب الكبد ولا جاك سرطان ورم .. و لا جاك ايدز و لا ..اي شي .. زي كذا بسم الله عليك .. يارب الله يحفظك .. بس تخيلي .. وقتها تتمنين انك عصيتي الله !!! لا و الله .. اكيد لا ..

صوني نفسك مستنية ايش .. ما تغارين من الحور .. ترى انت احلى منهم اذا تمسكت بدينك .. معليش الحياة مغريات و دنيا .. انا ما اقولك قفلي على نفسك و لا تشوفين احد و خلاااص .. لالالا بالعكس احنا بنات و نبي نعيش و وناسة البسي اكشخ شي و اشتري الي خاطرك فيه بس وازني .. لا تنسين دينك .. قوي صلتك بالله .. في اشياء كثيرة نبيها تتحقق .. بقولك بكل صراحة .. الاشياء الي نبيها كلها عند الله .. عشان كذا ما عند الله لا ينال الا بطاعة الله << طيعي ربك و شوفي الخير الي بيجيك ..عيشي لله عشان ربي يرزقك .. الله بقدرته نجا ابراهيم من النار بقدرته شق البحر لموسى ما يقدر يحقق امانيك ..!!! اوقفي قدام المراية و قولي يارب عشانك بس بتستر عشانك بس يارب .. و من ضحى لله شيء عوضه الله خيرا منه ..

و احتسبي كل شي لله... اتركي الحش ترى بس بيرفع ضغطك و بتنقهرين خخخخخخخخ كل ما تحسين انك بتحشين روحي اشربي موية < ترى شرب الماء بكثرة مفيد للبشرة لووول و استغفري و سبحي و اكيد ما يخفى عليكم فضل الذكر .. وش بعد .. و رمضان الحين فرصة ... استغلوها خصوصا اجازة .. ترى كلها كم سنة و اتحداك تقدرين ترفعين ظهرك بنعجز لووول ..و حاسبي نفسك كل ليلة عقب مادهنين و تحطين الف طعش كريم

هذا للتلميع و هذا للتنظيف و هذ للتنعيم لووول حاسة بمعاناتكم جيبي قلم و دفتر نوت خاص فيك اكتبي وش سويتي في اليوم < انا مجربتها مرررة خطيرة ...

و بس احبكم .. و انتم اخطر ناس ..عندي .. و الموت في دقايق .. على الاقل يعني لو ما لحقت اصوم رمضان .. ادعولي و خلوا هذا الايميل يعني عمل دعوي ما اردت به غير وجه الله .. و سامحوني و حللوني وقتها مابي دموع < مصدقة بيبكون عليك .. لول ... ابي دعواااات .. لاني محتاجتلها مرررة ...... هذاك الوقت ..

الله يغفر لي و لكم و يجمعنا في جنته .. و كذا شي يعني لا تحقر المعروف و لو شي بسيط ع قولتهم .. ع الاقل و ذكر ان الذكرى تنفع المؤمنين ...

ملاحظة :

كتاب انصح فيه و بقوة ... من جد راح يغيرك و بتشوفين ..

اسمه التغيير من الداخل تأملات في عادات النجاح السبع للدكتور أيمن أسعد عبده .. اقروه راح تدعولي ...

اختكم : .
<< نكي SonyEricsson

يارب اكون سويت شي حتى لو سخيف بس يارب استفدتوا ..........

منقـــــــــــــــــــــــــــــــــــــــــــــــ ــــــــــــــــــــــــــــــــــــــــــــــول

[ملكة الحساس]

مشكوره يالغلاء

[ترنيمة الألم]

تشكري على نقلك الرائع والمفيد

ويا ليت الجميع يتعض ويعي قبل فوات الاوان

الود لك .

[كويتية ظفيرية]

كل الشكر لك