كل من ولد في مستشفى الملك فيصل التخصصي من قريب تدخل أو الحبيب +اسئله عن النفاس

[مالها حظ]

السلام عليكم ورحمه الله وبركاته

أنا دخلت التاسع واحتمال أولد قيصري لان الجنين رأسه فوق ما تعدل وأنا أتابع في الحبيب عند شاكره بس زوجي يبي في التخصصي الحكومي مع العلم إني ما راجعت عندهم واصلا يبون واسطة عشان ادخل و زوجي بيكلم واحد يدخلني بس مش أكيد ادخل لان إلي عرفت إن صعب الدخول
المهم انتم وش رأيكم فيه يعني لو جت الموافقة <<<<<<<<جداً واثقة
ما أولد في الحبيب و أولد عندهم
والي مجربتهم ومولده عندهم من الي يولد دكتوره والا دكتور والا قابله
وهل يراعون انك بكريه ويصبرون عليك
ومن الي يخيط الي ولدتك والا غير
وش رايكم في خياطتهم
وش رايكم في عنايتهم للأم والطفل
وهل الغرف منفصله والا معي احد
وكذلك من الي مولده عند شاكره ومجربتها ومجربه مستشفى الحبيب تقولي رايها وتجربتها
وعندي اسئله ثانيه عن النفاس
1\الرشاد والمحلب ومتى ينؤكلون اول النفاس والا اخره وايهم الي اخلطه مع تمر وهل يصلحون للي معها بواسير انا ذابحتني البواسير
2\هل صحيح الرز والقرع من الممنوعات في النفاس اذا كانت الرز ممنوع لانه يسمن فقط فا انا ابي اسمن لاني نحفت مره من الوحم والحمل والنفسيه تعبت اكثر من البواسير
والقرع ليه ممنوع
3\لو ولدت طبيعي الخيوط احترت فيها ناس تقول اكتفي باللي تكتبه لك الدكتوره وناس تقول لا حطي مويه وملح خشن ومره وارطا وخواجوا وتوضي فيهم
4\ متى اربط بطني في الشماغ سواء ولدت طبيعي والا قيصري
5\الحلتيته انا قرات في احد المواضيع انه اذا بدا الطلق احط حلتيته مع مويه واحطها في الفوطه واروح المستشفى طيب الحلتيته لها ريحه قويه اخاف اروح المستشفى واذا جو يكشفون من تحت ينزعجون ويتضايقون من الريحه واتفشل انا يحسبونها مني والا هذي الطريقه ما تطلع ريحه عند الكشف
والطفل اذا جاه مغص وش اعطيه
رجاء حار التي عندها جواب لأي سؤال من أسئلتي تجاوبني[/SIZE]

[حرم تركي]

حياك الله حبيبتي

والله يسهل عليك ويقومك بالسلامه

والأسئله اللي سئلتيها ان شاء الله أجاباتها في هذا الرابط

http://forum.hawahome.com/t242851.html

[المناير]

السلام عليكم ورحمة الله وبركاته



الله يهون عليك

انا ولدت في مستشفى الملك فيصل التخصصي

والحمد لله مرتين عندهم مرة عنايتهم بك وطفلك مرة حلوة
ولي غرفة خاصة
وناسيه اسماء الدكتورة اللي ولدتن

والله يهون عليك