مسائكم / صباحكم . . كله خير وصحه وعافيه على الجميع بإذن الله . .
اخواتي اليوم اقدم لكم وصفه للخبز بالسمن والكرافت روعه وتستحق التجربه .. ممكن تسويه فطور مع كوب حليب بالزنجبيل .. او عصريه او بعد صلاه المغرب مع شاي بالنعناع واستمتعي بالطعم . . و مع الاهل والاحباب في هالشتاء يدفيكم . .
يالله نبدء وصفتنا بالمقادير والطريقه مع بعض متبوعه ب 40 صوره لعيونكم حتى اوصل لكم الوصفه بشكل افضل ..
كوب ونص حليب سائل أي نوع دافئ + ملعقه اكل خميره فوريه + ملعقتين اكل حليب بودره + ملعقتين اكل سكر ناعم + ملح حسب الذوق + ثلاثه ارباع كوب صغير (سمنه ابو شوكه وملعقه) تكون ذائبه + 3 اكواب دقيق كويتي + جبن كرافت مبشور + سمسم لتزيين
طبعا هنا الصوره توضح لكم المقادير ..
هذا مقياس الحليب السائل الكوب المستخدم كوب واحد للحليب والدقيق . .
وهذا مقياس السمنه ممكن تستخدمو كوب جبن كرافت الصغير اذا ماكان متوفر عندك هذا الكوب الصغير ..
الان اضفنا الحليب والسمنه في العجانه واللي ماعندها عجانه مش مشكله تخلط كل المقادير في خلاط الكأس ماعدا الدقيق ثم تصبه في كاسه للعجن واضيفي الدقيق حتى تتكون عندك العجينه ..
وهنا الحليب البودره والسكر( ناعم ) يعني الحبيبات ناعمه لا خشنه ولا مطحونه ..
وهنا نضيفهم ونضيف الخميره والملح ..
وهنا نخفقهم بالسلك الكهربائي لمده 4 او 5 دقائق وكل ماطول في الخفق عطاك نتيجه وهشاشه اكثر في الخبز ..
وهنا بعد الخفق ..
وهنا مقدار الدقيق بنفس كوب الحليب السائل ..
اللحين نغير السلك بشنكار العجن ثم نضيف الدقيق كوب واحد ثم نعجن ثم الكوب الثاني ونعجن ثم الكوب الثالث ونعجن..
حتى تصير عندك عجينه مائله للطراوه تقريبا مثل عجينه خليه النحل والصوره توضح لكم المقصود ..
وهنا نرتبها باليد و نجمعها مع بعض مع دهن اليد قليل من السمن حتى لاتلصق بيدك ..
وهنا نغطيها ونتركها ترتاح 20 دقيقه في مكان دافئ ..
يتبع حبيباتي . .
مواقع النشر