اتمنى تفسير هالحلم باقرب وقت
وودي اعرف وشو تفسير السمكة
وهو اني حلمت اني دخلت غرفتي وتفاجأت انه كل شي غيرته الوالدة تصميم السرير والتسريحة والدولاب ولونه الى البني الغامق وايضا لون الجدار الى لون البنفسجي وانا ازعجني هذا التغير المفاجأ واخذت اصارخ عليها واقولها رجعي غرفتي الاولى الوانها وكل شي
وهي تقول لا هذا افضل لك واللون افضل من الاول ونوعية الخشب هذا يتحمل وتحاول تقنعني هي واخوي الكبير ونا رافضة ومصصمة انهم على غلط وحبيت اثبت لهم انه نوعية هالخشب موب زينة فركلت ضربت برجلي على دولاب الملابس وبسرعة انكسر وقلت لهم شفتوا ماتحمل وبكذا سكتوا واقتنعوا بكلامي
وبعدين شفت شي غريب يتحرك في سقف الغرفة وطالعنا كلنا فوق الا ونشوف سمكة ماهي كبيرة ولا صغيرة ولونها ابيض مايل للفضي تتحرك وكأنها طالعة من غرفتي وبعدين انتبهتلي وغيرت مسارها ونزلت باتجاه راسي وانا خفت وغطيت راسي بيدي وانتهى الحلم
للمعلومة
هذا الحلم الوقت قبل شهر جالي يوم كنت مخطوبة لولد عمي وانا ابي افسخ الخطوبة
الاسم اميرة- 22 سنة - طالبة
ولد العم ماجد 26 تقريبا موظف
مع التحية
مواقع النشر