اللى بتحب صينيه البطاطس باللحمه تيجى بسرعه
السلام عليكم ورحمة الله وبركاته
أنا عملت النهارده صينيه بطاطس على الغدا قلت أقلكم على طريقتها بعملها تحفه والله ودا بقى تعاليم أمى ربنا يرحمها
المقادير
كيلو بطاطس
لحمه قطع
بصلتين كبار
كيلو طماطم
صلصه
ملح وفلفل وكمون
تلاثه معالق سمنه أو زبده
الطريقه
نسلق اللحمه نصف سلقه ومعاها بصله وتوابل
وبعدين نقشر البطاطس ونقطعها حلقات سميكه وبعدين نجيب الصنيه
اللى هانعمل فيها ونحط البطاطس فيها ونغسلها كويس وننقعها فى المايه وحبة ملح عشان
نقشر البصل ونقطعه شرائح ( حلقات ) وبعدين نجيب البطاطس ونصفى المايه منها ونضيف البصل والبهارات والملح ونقلبهم فى بعض وبعدين نضيف عصر الطماطم والصلصه واللحمه المسلوقه نصف السلقه ذى ما قلنا قبل كدا ومعلقتين زبده أو سمنه ونزود الصنيه من الشوربه بتاعت اللحمه ونظبط الطعم لو محتاجه ملح نحطلها حبه صغننين عشان متحدقش وبعدين نبقى مسخننين الفرن قبلها ونحط الصنيه فى الرف السفلى عشان تستوى كويس وتسبيها حوالى ساعه ودوقى أحلى صنينة بطاطس باللحمه جربوها ومش هاتندموموا أبدااااااااااااااااااااااااااااااااا
وطبعا تعملى معاها رز بالشعريه أو رز أبيض
بجد تحفه وإن شاء الله هاتعجبكم
رد مع اقتباس
المشاركة الأصلية كتبت بواسطة الفراشة الحلوى
مواقع النشر