تدري وش الي يجرح القلب ..؟؟؟؟؟
تدري وش اللي يجرح القلب جرحين
ويمد حبل الحزن فيك ويشدة
انك تناظر طفل من غير ابوين
يمشي ودمعة سايل فوق خدة
منظر صعيب ويقسم القلب قسمين
لا قام يمسح دمعة بكف يدة
يمشي ولا يدري طريقة على وين
لين التعب من كثر ما تاه هدة
اثقل حروف يشيلها فية حرفين
.لا أب يدريبة ولا أم تردة
في خطوته رحلة ودمعة وسكين
.وحظ توسد بالمراسي مخدة
جيت اسأله بالله قللي ولد مين
وبغى يجاوب وآختنق صوت ردة
أنا يتيم وما لدربي عناوين
وجزر الحزن فيني يساوي لمدة
وطعم الطفولة ما عرفته لها لحين
وثوب السعادة صرت مانيب قدة
ابكي إلى من شفت غيري سعيدين
لين البكا فيني يوصل لحدة
واقفى ورحت امسح دموعي من العين
وعيني تناظر دمعته فوق خدة
وهذا اللي يجرح القلب جرحين
ويمد حبل الحزن غصب ويشدة
رد مع اقتباس
مواقع النشر