[CENTER]بسم الله الرحمن الرحيم و اللهم صل على محمد وعلى آله وصحبه أجمعين ..
السلام عليكم ورحمة الله وبركاته ..
اخواتي واحبائي اعضاء منتدى بيت حــواء .. اليوم حابة اطرح موضوع نقاش وابي اشوف ردود افعالكن
بالنسبة للموضوع اللي بطرحه ..
كثير من البنات لما يتزوجون تكون ام المعرس تنتظر خبر حمل مرت ولدها .. بس شاللي بيصير مثلا لو
البنت والولد قالوا احنا باذن الله راح نجيب عيالنا بعد فترة قصيرة من الزمن ولنفترض 5 سنوات ..
بهاللحظة هاي الموضوع بيكون بين الزوجين .. لكن اللي مايعرفونه ان الام تنتظر خبر ان مرت ولدها
حامل ولما تمر فترة سنة او سنة ونص تسألها ليش ما حملتي وانه انتظر احفادي اشوفهم واربيهم قبل
ما اروح عن هالدنيا ومن هالحجي .. بمجتعمنا العربي لو البنت تزوجت وماحملت يطلعون العيب منها ..
لكن مايدرون ان يمكن الزوجين متفقين ان عقب هالفترة انشالله بننجب الاطفال .. بس في اهل
مايفكرون بهالنقطة وبسرعه يصدرون الاحكام ويقولون العيب من الزوجة احنا ولدنا مافيه شي .. وروحي
يا فلانةوحللي وشوفي اذا انتي عقيم ولا لا .. وكلااام ماله اول ولا تالي .. واهم مايدرون بتصرفهم هذا
يسببون احراج للزوجة وزوجها ..
بذكر لكم قصة واقعية وهاي القصة ماصارت لي تحديدا .. صارت لبنت خالتي ..
لما تزوجت بنت خالتي طافت سنتين مادري ثلاث وماحملت .. ام زوجها قالت روحي وافحصي
بالمستشفى يمكن في شي .. بنت خالتي من زود الاحراج راحت ومع انها مو حاطة في بالها انها تبي
عيال من عقب سنة ولا سنتين قالت كل شي بيد رب العالمين .. وراحت وكشفت وحللت وطلع كل شي
طبيعي وراحت لام زوجها اتقولها التحاليل كلها زينة .. ام زوجها سكتت وعقب فترة قالت لها ماحملتي
وبنت خالتي اتقول لها لا للحين .. قالت لها هذلين المستشفيات تحليلهم غلط ومن هالكلام لين ماقامت
ام زوجها وودتها لوحدة شغلتها تعدل الارحام مادري ايش .. راحت لها واتقول بنت خالتي انه كنت صغيرة
بالسن لما تزوجت وما ادري شلون اتصرف وكنت خايفة وكانت اتقول ام زوجها المستشفى تحاليلهم غلط
وما منها فايدة واهي مصدقة على نياتها .. المهم اتقول راحت وقامت الحرمة تدلك رحمها ومادري
شتسوي ( ماعطتنا التفاصيل كاملة ) وعقب راحت البيت واهي تتألم وتندب حظها اللي خلاها تروح
لهالحرمة .. وعقبها بفترة بنت خالتي حملت والكل مستانس الا اتقول لها ام زوجها شفتي شلون قلتلج
المستشفيات غلط .. والحين اكاهي عندها 3 عيال الله يخليهم لها ..
الهدف من موضوعي .. ابي اعرف شنو ردودكم بالنسبة لهالموضوع .. لان هالشي يصير تقريبا في
غالبية البيوت العربية .. اذا الوحدة ما تحمل عقب الزواج بفترة بسيطة يطلعون منها الغلط ومنها ومنها
والرجل يقولون مافيه شي وبصحة وعافية .. ويمكن البنت تفكيرها اتجيب عيال عقب فترة زمنية قصيرة ..
انه عن نفسي اذا تزوجت ابي عيال عقب 4 سنين او 5 ..
اللي مرت بهالتجربة وحابة تطرحها وتفيدنا بكون شاكرة لها ..
بانتظـــــــار ردودكن ..
مع تحيااتي ..[/CENTER
مواقع النشر