مشكلتي مع اخت زوجي

[القلب المؤمن]

السلام عليكم ورحمة الله وبركاته
كيفكم حبيباتي؟ ادخل في الموضوع مباشره
انا متزوجه من ثلاث سنوات والحمد لله مرتاحه مع زوجي
لكن اراد الله ان نسكن مع اهل زوجي السنه هذي بحكم نقل عمل زوجي
والله كنت مرتاحة بالبدايه وحاسبه حسابهم مثل اهلي وأكثر وماتصدقون لوقلت لكم اني كنت اشتغل بالبيت مثل الشغاله والله ماغصبوني بالشغل بس انا من نفسي احب الشغل الزين ودارت الايام وكنت اسمع كلمات تجرحني من اخت زوجي وكنت اتغافل عنها بس في الفتره الاخيره تعبت نفسيا من معاملتهم لي يمكن لاني كنت طيبه بزياده ولاحظت غيره اخته مني لانها كانت وحيدتهم في البيت المهم الحين صارت مشكله كبيره بيني وبينها والله السبب تافه
راحت اخت زوجي عند امها ولعبت براس خالتي وصارت خالتي في صف بنتها قامت خالتي طردتني من البيت تخيلووو الصدمة اللي هزتني من راسي لرجولي اللي كنت حاسبتها مثل امي واكثر تسويلي كذا
المهم انا علمت زوجي اليوم الثاني وانا ابكي وزوجي زعل بس ماقدر يدافع عني بحكم ان امه اللي كبرت الموضوع ماهو قادريسوي لي شي بس ابو زوجي تدخل واقنعني ماترك البيت والله مارجعت للبيت الا عشان عمي الله يطول بعمره
بس من بعد الموضوع اللي صار احس اني مجروحة كثييير وندمت على طيبتي الزايدة انا الحين ماصرت اطلع من غرفتي كتير يادوب الوجبه وارجع للغرفه
احس اني انظلمت ولااحد ردلي حقي والله ماني متحمله حاسه اني مكتومه وخالتي تحاول تتقرب مني بس مهما سوت انا كارهتهم خاصة اخته ام المصايب ؟
حبيباتي والله ماشكيت لكم الا اني محتاجة مساعدتكم ويش تشورون علي اسوي؟

[فيفودوت كوم]

مرحبا قلبو الطيبه الزايده مو زينه بهالزمن مافيه احد يستاهله صدقيني انا كنت مثلك وصدموني وخوذيهاقاعده اهل الرجل مهماسويتي لهم بينسون الزين ويدورون الشين الي يضرك فخلك على موقفك وسط اذا شفتيهم سلام وبس خلك رسميه عشان يعرفون قدرك ولاتهتمين الا لزوجك ونفسك وخليهم صفرعلى الشمال هم مالهم حق عليك انتي مسئوله عن زوجك وبس وهذا الي اناسويته مع حمولتي وربي يستانسون اذا شافوني لاني مااطلع عندهم دائما يعني مره بالاسبوع اطلع اجلس معهم وانا ساكنه عندهم بس اجلس بغرفتي مااطلع وعندي التلفزيون والنت ودراستي والله يخليلي اهلي والله يعينك ويوفقك

[*منار الهدى*]

القلب المؤمن الله يجعل لك من اسمك نصيب ...

.. يا أختي لا تندمي على طيبتك التي مضت أبدا فالحمدلله كبرتي في عين زوجك ... وأكيد الكل بيتندم على سؤ معاملته معاك لأنك كنتِ طيبه والعكس لو كنتِ عكس ذلك
وأهم من ذلك كله الله لا يحرمك أجر طيبتك ....

وأحسنتِ بالرجوع اليهم فزوجك هو الأهم أهتمي فيه وخليك طيبه معاه وحثيه على البر بأمه والعنايه بأهله
وأنتي يمكن تكونين بعيده أحسن لك وقللي من طيبتك الزااايده خليك وسط والأخت هذه تجنبيها أبتسمي في وجهها ولكن أكثري الصمت معها حتى لا تقول أشياء تجرحك .............. وعمك وعمتك قدريهم وتغاضي عن زلاتهم وتذكري معي الايه الكريمه ......
{وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللَّهُ يُحِبُّ الْمُحْسِنِينَ}

وقوله تعالى( فَمَنْ عَفَا وَأَصْلَحَ فَأَجْرُهُ عَلَى اللَّهِ )


والحمدلله أن جعل الله الأجر العظيم لكل من يعفو ويصفح وإلا من الناس نقابل الجحود ونكران الجميل فالحمدلله




يسر الله أمرك وفرج همك وجعل لكِ من كل ضيق مخرج .....

[القلب المؤمن]

فيفو
منار الهدى
تسلمون على نصايحكم والله لايحرمكن الاجر
دعواتكم لي