قصص توأم غريبة مع صورهم سبحان الخلاق
بسم الله الرحمن الرحيم
والصلاة والسلام على سيد المرسلين
القصة التاسعة
وحدة جابت توأم بنت وولد عمرها 35 (الحمدلله )الفال لي ان شاء الله ادري غثيتكم ههههههه
لاتعصبون هاذي مااعتبرها غريبه ولا شي كل السالفه ان عيالها اوزانهم الولد 5 كيلو والبنت 4 ونص يقولون غريبه بالنسبه لتوأم لازم تكون اوزانهم صغيره وان هالشي وراثه لان الام نفسها انولدت وزنها 5 ولها اخت وزنها 6 كيلوووووو وان عيال هالحرمه اوزانهم 4 و 5 و5 ونص يعني شي وراثي وسلامتكم شوفو الصور حلوييييييييين عيالها حتى الكبار ماشاءالله
الولد يسار والبنت يمين
الصور المرفقة
القصة العاشرة عجيبة
وحدة عندها ولد وتتمنى تحمل بتوم وحملت وكانت المفاجأة قالولها توأم وكانت يوم سوت سونار بالشهر الثاني قالولها واحد ميت راح ينزل ( مايمديها تفرح المسكينه ) والثاني زين ولازم تنتبهين وتشيكين عليه وتهتمين بنفسج تقول رحت البيت ابكي قالي زوجي احنا كنا نتمنى بيبي والحين تعتبرين حامل ليش تبكين على المفقود افرحي بالموجود ( ياعيني )تقول اقتنعت وسكت وبعد شهر رحت اشيك طبعا الجنين نزل وتطمنو عليها بان الثاني زين وحالته مستقره ومافيه الا كيس واحد تقول المفاجأه لما راجعتهم بعد شهر قالولها في توأم تقول شنوووووووو انا عندي واحد منين طلع الثاني اثاري حملت مثل قصتنا بالجزء الثاني الي حملت بعده بشهرين سبحان الله تقول ان بويضاتها استمرو بالتلقيح وهذه حاله نادره بس تصير والله عوضها وجابت بنت وولد والبنت اصغر من اخوها ب3 اسابيع بس ولدتهم مع بعض سبحاااااااااااان الله
الصور المرفقة
هذي وحده جابت توأم بالشهر الخااااااااااااااامس
وسبحان الله الواحد بالخامس مايعيش شلون توأم واوزانهم كانت 500 جرام و600 لاالاه الا الله
تقول اول ماولدتهم يعانون ولا زالو والحين كملو سنه يعانون من ضيق بالتنفس وبعض المشكلات الصحيه لان لما انولدو واحد منهم فيه فتحه كبيره بالقلب والثاني 3 فتحات صغار والي فيه 3 سبحان الله حالته احسن من اخوه ابو فتحه وحده كبيره بس تقول الدكاتره قالولها الحين حالتهم مستقره وزال الخطر طبعا بعض الفتحات انسدت بروحها والبعض عمليات تقول الحين طبيعيين لان لما يعدون سنه تنتهي مشاكلهم الصحيه ( حسب كلام الدكاتره ) وهذه صورهم
الصور المرفقة
القصة ال12
وحدة متزوجه متطلقه من واحد تزوجت الثاني وعندها من الاول 4 عيال وتبي تجيب للثاني وطبعا النظام بامريكا حتى لو الزوجه تتزوج العيال بحظانتها تقول وهي حامل بالاسبوع 14 يعني اتوقع بالرابع قالولها توأم بس اكتشفت بنفس الوقت ان فيها ورم ( سرطان يكفينا والقارئ الشر ) وقالولها كبر كرة البولنغ ولازم علاج كيماوي وعمليه وهذا طبعا يأثر على التوأم وراح ينزلون وهي رفضت وغامرت وقالت حرام احرمهم من حياتهم عشان حياتي وبنفس الوقت كان القرار صعب عليها لان لو ماتت تركت 4 اطفال مالهم ذنب يارب لاتحطنا وكل مسلم بهالموقف
المهم غامرت وجابت بنتين مثل القمر تقول وانا بغرفة الولادة على طول غرفة العمليات وشفت بناتي وودعتهم بنفس الوقت تقول بنجوني وسوت العملية وانجحت واتعالجت كيماوي ويقولون قصتها غريبه تكافح المرض 5 شهور والحين سليمه هي وبناتها وهذه صورتهم يجننوووووووون
الصور المرفقة
القصة 13
هذه وحده قصتها تبكي :"( من 25 سنة تدور الحمال الله يرزقنا ولايحرمنا قولو امين
وهي طبيعية مافيها شي بس زوجها حيواناته ضعيفه المهم تعالج الزوج وكتب الله بعد ماصار عمرها 46 سنه حملت وجابت توم ولدين سبحان الله هذه صورتهم
وتقول نفكر نعيش بس 20 سنة ونشوفهم يكبرون وهذه اهم مراحل العمر اييييييييييه الحمدلله على العافيه
الصور المرفقة
يابنات الموضوع منقول ادعو للي كاتبتو الله يرزقها توام
لا تحرموني ردودكم الحلوى
للموضوع بقية بس خلونا نشوف التفاعل
والله يرزق كل محرومة بتوام قولو امين
رد مع اقتباس
مواقع النشر