بسم الله الرحمن الرحيم
هلا و غلا بكل اللي يمر و يسير
كيفكم يا كروشات ؟؟ ولدتو و للا لسى
و الله انكم واحشيني و واحشني المنتدى و كل شي ،، بس شاسوي مرة الواحد ما عنده وقت
ضيوف و بيبي و سهر بالليل و تعب
عموماً لا أطول عليكم أنا ولدت و الحمد لله و جبت أحلى (( بيان)) بالدنيا
بنتي الغالية حبيبة قلبي ،، بس لو تبطل عن صراخها بالليل !!!!!!!
حاولت أكتب قصة ولادتي بس تعبت من الكتابة ،، أحس ما أعرف أعبر الا بالكلام
و القصة طويلة و فيها مفاجآت و مغامرات و بالنهاية قلت ما راح أكتبها
المهم أنا ولدت بتاريخ 13 ربيع الاول 1431 بعد موعد ولادتي الافتراضي ب3 أيام
لأنهم قالو لي بتولدين 10
ولدت بمستشفى المانع بالدمام بعملية قيصرية (( حسبي الله على دكتورة سحر))
و تنومت بالمستشفى لمدة 5 ايام (( مع أني ما أحتجت 5 ايام بس نوموني غصب عشان ياخذو فلوس زيادة ))
أول شي القيصرية سببها انو راس البيبي ما دخل الحوض ،، صحيح أنه كان بالأسفل بس كان بعيد و مرتفع و الست سحر لما كشفت علي قالت لي 4 سانتي و فكت لي الموية و متت من الالم
خصوصاً انها قالت للسستر تحط لي منشط طلق بالوريد و قناع مهدئ
(( طبعاً المهدئ ما يفيد ابد بس ريحته تخليك تدوخين ))
و بعدها قمت اصارخ و قل الاكسجين و ضعف نبض بنتي ،، الا تقول خلاص خلاص
لازم قيصرية !!!!!!!!!!!!!!
و المفاجأة الثانية أنو شركة التأمين سايكو رفضت توافق لي على القيصرية بعد ما سووها و أضطر زوجي ياخذ سلفة من الشركة اللي يشتغل فيها عشان يدفع ثمن العملية و ثمن التنويم بالمستشفى
بالنهاية : الحمد لله على كل حال و أنا الحين بخير و عافية و بنتي بحضني سليمة و ما فيها الا العافية ،، بس عندها امساك و غازات و مجننتني
أعذروني ،، يمكن يكون اسلوبي شوي حايس على بعضه ،، ما اعرف أعبر
الحمد لله ولدنا و افتكينا و عقابلكم
سبحان الله وبحمده سبحان الله العظيم 
مواقع النشر