السلام عليكم ورحمة الله وبركاته
الكيك ده انا اول مره اعمله والنتيجه كانت هايله
المقادير اللى نا كتبتها نصف مقدار فقط عشان كنت عاملاه كتجربه ولما لقيت النتيجه ناجحه قلت لازم انزله عشان الكل يستفيد
ونصف المقدار ده عمل حوالى 5 قوالب
المقادير
125 جرام شيكولاته خام نصف محلاه
ثلث كوب ذبده
ثلث كوب سكر
ربع كوب طحين
2 بيضه
فانيليا
الطريقه
نبطن القوالب بالذبده والسكر العادى ونشغل الفرن على 400 درجه
نسيح الذبده والشيكولاته على حمام مائى
نضع البيض والسكر والفانيليا فى اناء ونخلطهم مع بعض كويس
نضيف الطحين ونقلبهم
نضيف الشيكولاته السايحه للخليط
نقلبهم كويس
نضعهم فى القوالب
نخبزهم فى الفرن لمده 12 دقيقه
ملحوظه
(ممكن مده الخبز تختلف من فرن لأخر يعنى ممكن تزيد دقيقه او تنقص دقيقه لكن درجه الحراره واحده )
نصيحه اول مره تعمليها اخبزى قالب واحد فقط فى اول مره عشان تخبري الفرن بتاعك وتعرفى المده المطلوبه اللى تناسب الفرن بتاعك)
خرجيها من الفرن ومشى بالسكين من الجوانب ليسهل قلبها
اقلبيها فى طبق التقديم مباشره وتزينيها بالفاكهه او صلصه الكراميل
شايفه قلبها سايح ازاى
وبالهنا والشفا
مع احترامى للجميع
مواقع النشر