ازيكوا يا احلي بنات
الكرواسون ده بعجينه البيف باستري ( الميل فاي ) الجاهزة
مش محتاج مقادير الموضوع كله في اللف
انا عملته ساده لكن انتي ممكن تتفنني في حشواته حلو وحادق
- الاول بتفردي العجينه وتنظفيها من الدقيق " علشان تلزق في بعض كويس " .
- وبعدين تحاولي تقطعيها علي شكل مستطيل كبير وتشيلي الزيادات منه .
- وبعدين تبتدي تقطعيها سبعات وثمانيات زي الصورة .
- وبعدين تاخدي مثلث منهم وتحاولي تلفي بايد والايد التانيه تشديه لتحد " تمطيه " .
- لحد مايبقي بالشكل ده .
- لو عايزة تسيبيه كده براحتك او تلفيه كده برضه براحتك .
- سيبيه يرتاح حوالي 20 دقيقه في صينيه مدهونه وبعدين ادهني وشه بالبيض ودخليه الفرن الحار لحد ما يحمر .
وللتعذيـــــــــــــــــــب
000بالف هنا 000
ويارب يعجبكوا
مواقع النشر