لولادات بعمليه قيصريه مممن تفيدوني

[موهوبه]

السلام عليكم ورحمة الله وبركاته
لكل العضوات المحترمات الي ولدوا بعمليه قيصريه ابغا منكم تجربتكم اول شي الم العمليه متي يخف وهل تحسوا بشده في منطقة العمليه واستخدمتوا ادويه مثل كريم والاكل في شي ممنوع لعمليه ياليت تفيدوني بتجاربكم وجزاكم الله كل خير

[نوري الهاشم]

بالنسبة لي كانت أول ثلاث أيام هي أصعب شي
خصوصاً لما شالو القسطرة و أضطريت أقوم من السرير عشان الحمام
القومة كثير صعبة و لازم أحد يساعدك عشان ما تنفك الخياطة أو تشدينها كثير

طول ما أنتي بالمستشفى راح يعطونك أبر مسكن ،، تخفف عنك الألم و على فكرة
تظلين نايمة على ظهرك و ما تقدرين تنامين على جنب ،، تحسين بألم فظيع اذا نمتي على جنب
و ما تستخدمين كريمات بس مسحات طبية لتعقيم منطقة الخياطة
و بالنسبة للأكل ما فيه شي ممنوع بس كثري من السوائل و الشوربة عشان لا يجيك أمساك
و التخريج ( و أنتي بكرامة) صعب شوي لأنك ما تقدرين تدفعينه ببطنك
و أبتعدي عن أي أكل ممكن يسبب لك غازات ترى بعد القيصرية راح تعانين من كثرة الغازات في بطنك

[بنت المحاميد]

ماشاءالله اختي نوري ماقصرت بالنسبه للشد ياعمري انااول عمليه
كنت احس بشد لدرجة اني لمن اقوم رجلي مااقدر انزلها الارض احسها
مخيطه ببطني وبعد ثواني يروح الشد
وبالنسبه للعمليه امسحها بمره يعني تجيبين المره تدقينها وتحطينها بوعاء وتغسلينها
بمويه مغليه وبعدين تصبين ماء مغلي عليها وحطيها بعلبه او بقاروره وخذي قطعة
قطن وحطي عليها من موية المره وامسحي على العمليه وبعدين حطي عليها عسل اصلي
واذا ماعندك عسل عادي وانشاء الله ماتخلصين الاربعين الا وجرحك طيب باذن الله
المرفايدته يخلي الجرح يلم
امي عمليتها الاخيره لمن راحت تشوف الخياطه
حطتلها الممرضه عسل عليها لان عمليتها فيها فتحات وتنزل منها دم وصديد
وقالتلها انالعسل هواللي ينظف العمليه ويخلي الدم والصديد ينشف
ولاتخافين اذا شفتي فتحات صغيره في العمليه عادي الا اذاكانت الفتحه كبيره مره
ولاتنسين تهوين الجرح عشان مايعرق مع الحراره وبكذا تتكون الفطريات
وبالنسبه للاكل اجتنبي الباميه والملوخيه والبطيخ والشمام وحاولي ماتكثرين
من شرب الحليب لانه يسبب غازات ولاتحنين ظهرك اليا وقفت حاولي قد ماتقدرين
عشان مايخيط الجرح على حنية ظهرك ولاتكثرين الجلسه لاتسوين زيي انا الثلاث
الاسابيع الاولى كان الجرح تمام ومع كثر الجلسه والملاحق ورى عبودي
صارالجرح ينزل دم وفيه ثلاث فتحات وماخاط الجرح زي الناس غير قبل ثلاث ايام
امابالنسبه للكريم انا ماصرفولي غير المضاد والمسكن اما الالم
انا بالعمليه الاولى طولت احس الالم الين قريب اخلص الاربعين
لان الفتحه جديده وتحسين بالمها اما العمليه الثانيه بعد عشره ايام
الالم خف واقدراقوم وامشي عادي مااحس فيها امي تقول اصعب
شي العمليه الاولى وبعدين كل عمليه اخف من الثانيه
وان شاءالله انك ماتسوين غير هالعمليه تقومين لنا بالسلامه ياعسل
واتمنى اني اكون افدتك وسامحيني على الاطاله

[ام نوووره1]

ياعمري بالسلامه ان شاء الله
انا ولاداتي كلها طبيعي والاخيره قيصريه وربي انو القيصريه افضلهم يعني لا تخافين با العكس مرررررره مريح
اهم شي اول يوم ما تاكلين اي شي واهم شي الحليب ما تشربينه لانو يعمل غازات با البطن وما يخليك تتنسمين وانتو بكرامه واذا رحتي للحمام وامورك كويسه خلاص ما عليك خوف اهم شي انك تروح للحمام ويطلع الهوا انتبهي من النقطه هذي لا نها اذا ما صار راح تتعب الوالده
وبعدها انتبهي تشيلي شي ثقيل واهتمي بنفسك با النسبه لي بعد 3 ايام خلاص عدا الشر ولاخت من الاسبوع الاول مشخصه با الجينز ما شاء الله تبارك الله
فيه بخاخ يعطونياه كنت احطه لمده 10 ايام وبس الحمدالله على كل حال
الله ييسر امرك وتولدين با السلامه حبيبتي