السلام عليكم ورحمة الله وبركاتة
اليوم سويت لهم شيش طاووق مشوي ورز مبهر وسلطات على الغدا وحبيت انكم تشاركوني
في سفرتي المتواضعة
ومعليش على ردائة ا لتصوير وصحون السلطات ما مداني اصورها لأنهم
هجموا على الصحون قبل ما اكمل تصوير ..........
اخليكم مع الصور
طريقة ومقادير الشيش طاووق
قطعت من 5-6 فيلية من صدور الدجاج الى مكعبات متوسطة مائلة للكبيرة (عشان مع الشوي بيتقلص حجمها )
حطيتهم بزبدية واضفة عليهم علبة زبادي وملح و2م ك سماق وفلفل اسود وشوية زيت زيتون يعني مقدار 2أو 3ملاعق كبيرة وبس
وغطيتهم ودخلتهم الثلاجة
(انا سويتها من الليل عشان تتشرب قطع الدجاج من الخلطة كويس )
بالنسبة للشوي انا عندي الشواية المنزلية اللي بالكهربا
وزعت الدجاج في اسياخ الشوي وبدأت اشويها يمكن تاخذ من ثلث ساعة الى نصف ساعة تقريبا
بعد ما تحمر من جميع الجهات وتستوي ادهني الصينية اللي انت تشوي فيها بزيت الزيتون وقلبي عليها الاسياخ وهذة الطريقة تعطيها طعم ولمعة عند تقديمها ........
الرز سويت رز ابيض عادي بعد ما استوى قسمتة الى جزءين جزء ابيض وجزء اضفة علية 1
و1/2 م ص بهارات مشكلة وزعفران وقلبتة وخلطة مع الجزء الاول
السلطة مسوية سلطة طحينة وهذة ما مداني اصورها
وسلطة جرجير وهذة مرررة سهلة ولذيذة وعلى فكرة كل من ذاقها عندي عجبتة مرة وانا كنت مسويتها قبل كذا وحنزل صورتها لأني اليوم ما مداني اصورها
وهي عبارة عن خيار -طماطم (بس يفضل تفضي اللي مويتها )-وجزر -واوراق الجرجير
اما بالنسبة للصوص فهو ليمون وملح وماسترد اخلطيهم مع بعض واضيفيهم على السلطة ورشي على وجهها جبنة برميزان
(الجبنة اللي في الصورة المراعي الزرقا العلب لأن في ذاك اليوم ما كان عندي برمزان )
وهذا غداي لليوم اتمنى يكون عجبكم
وبس
لا تحرموني من تعليقكم وتشجيعكم
أختكم6دانــــــــــــــــــات
مواقع النشر