[رانيا البحرين]

صبحكم الله بالخير أخواتي.. أنا عضوة جديدة بينكم وأتمنى أن اجد في هذا المنتدى الصداقة والصحبة الحسنة....


سؤالي يا أخوات..

أنا ولدي البكر الحين له خمس سنوات وتسع شهور حملت به بأول الزواج والحمدلله كانت الولادة طبيعية..


بعد سنتين ونص حملت وأجهضت وبقيت سنة وبعدين حملت في بنتي ومن البداية الدكتورة كتبت لي مثبت وابر تثبيت واسبرين قالت عشان اللي كان عندهم أجهاض من قبل افضل أعطيهم مثبت (وأنا سمعت إن الأبر والحبوب ممكن تأخر الولادة ماتخلي الرحم يتوسع)..

دخلت على اساس ولادة طبيعية ولكن زاد الطلق وعطوني طلق صناعي بس ماتوسع الرحم الا 2 وقالت نبض البيبي بدأ يقل ولازم تدخلي قيصري وولدت بنتي بقيصرية يله أهم شي سلامتها وسلامتي..

والحين سبحان الله على كثر ماكنا محاسبين صار حمل مع تمام بنتي السنة والحين انا بالأسبوع الحادي عشر.. الشي اللي مخوفني إن الحمل صار قريب يعني يادوب سنة كل خوفي إن الجرح يتبطل كل ماكبر البطن او يصيدني إنفجار بالرحم (مادري ليش هالمخاوف يايتني)..

من فيكم حملت بعد السنة وقدرت تولد طبيعي ومافي أي مخاوف وأضرار؟؟؟

أدري طولت عليكم بس مادري ليش عايشه هالقلق كله...

[*اّه يا زمن*]

هلا اختي

حياج الله بين خواتج

اولا مبروووووووووك الحمال ...والحمدلله هذي نعمه غااااليه وثمينه .....

المهم حبيبتي

انا مثلج تقريبا عندي ولد ولادة بعمليه قيصريه .... ولما كمل تسعة شهور حملت على اخته

وانا بعدني ما كملت سنه على العمليه القيصريه ...الي سويته

ولمن صار ولدي عمره سنه و4 شهور شرفت اخته ....والحمدلله ....بولادة طبيعيه والحين عمر ولدي

4سنوات و4 شهور......,اخته توه كملت 3 سنوات الاسبوع الي طاف .....وما شاء الله الي يشوفهم يقول انهم توام

وممكن جدا انج تولادي طبيعي ,بعد عمليه قيصريه وحده .....الخوف اذ كنتي مسويه مرتين عمليه قيصريه .....اهنيه عااااد من اصعب انج تولادي طبيبعي

فلا تحاتين اختي أن شاء الله كل شي تمام .....اهم شي انج اتابعي عند دكتورتج

ربي يسهل عليج

[رانيا البحرين]

الله يحييج أختي..

شكرا لك أختي ماقصرتي ريحتيني شوي... يعني عادي لو صار الحمل بعد مدة قصيرة مايكون في الم مكان الجراحة كل ماكبر البطن..

الله يخليهم لج ويجعلهم من الذرية الصالحة ويبلغج فيهم معاريس يارب

[*اّه يا زمن*]

هلا اختي

اسموحه منج تاخرت عليج ....كنت جالسه اسوي الغداء

بنسب حق الالم لبد منه راح تحسين بنغزات خفيفه مكان العمليه كل مالبطن يكبر

وهذا الشي طبيعي لنه المده بسيط بين الحمل هذا والحمل السابق ....وتحملي اشوي معليج شر ان شاء الله

وان شاء الله فى حملج هذا ما تحتاجين حق الابر والمثبتات لنه فعلا تاخر الولاده ....وكثير مثلج انتهت بعمليه قيصريه بسبب هلمثبتات الي خذوه فى بدايه الحمل

ان الحمدلله ما احتجت له ....بس انا سبب العمليه الي سويته انه البيبي كان مقعد ....يعني راسه كان فوق ..

وتسلمين ي قلبي على الدعواة ....ربي يحفظ لج اعيالج يا رب

[ام-ليان]

بما ان القيصريه عدا عليها سنه

خلاص عادي تحملين عليها

وان شاء الله تولدين طبيعي تفائلي

[رانيا البحرين]

أختي آه يازمن.. الله يعطيك العافية.. الحمدلله على كل حال وراح نتحمل الألم إن شاء الله المهم الولادة السهلة والخلقة الحسنة....



أختي أم ليان.. أسعدني مرورك وشكرا على كلامك أرتحت قليلا والله يقدم اللي فيه الخير....

[ام سياف]

اهلا اختي رانيا انا اعرف وحدة حملت بعد القيصري وطفلها عمره اربع شهور وجابت الثاني طبيعي واعرف وحدة ثانيه ولدث بالثلني والاول ماكمل سنة بعد قيصري و لدوت قيصري انا طفلي الاول جبته قيصري نزل نبضه بس ان شالله بحاول اخر مسالة الحمل عشان اجيبه طبيعي والله يقومك بالسلامة ياختي رانيا

[لؤلؤه مكنوزه]

هلا حبيبتي
تطمني كثيييييييييييير ولدوا بقيصريه وحملوا في أقل من سنه وولدوا طبيعي
ولا صاار ولا مشاكل ولا شي أبدا بنت خالتي حملت بعد زواجها بسنه وجابت ولد بقيصري
وبعد سبعه شهور أو تسعه حملت في بنتها ولا أنفتح بطنها ولا صار شي وولدت طبيعي وصار عندها بنت وولد
والحمدلله لا تفكرين ولا توسوسين أبدا لا نك راح تتعبين نفسيا أنتي حامل وتحتاجين تسترخين على الآخر ولا تفكرين
الا بصحتك وبالبيبي ولاتوسوسين بليز أختي
الله يقومك بالسلامه
تحياتي

[سنابل النورس]

الله ييسر لك انا الان حملت وما كملت سنه على العمليه ومررررررررررررررره خايفه الالم مررررره ذبحتني الحمدلله على كل حال يا بنات افيدوني هل الطلق الصناعي يفجر الرحم ولا كيف افيدوني