زوجي صامت

[ام غ ح]

الحمد لله اختي قلب مؤمن انه فيه احد مثلي انا ليه 5سنوات وهذا اسلوب زوجي مايحب يتكلم كثير وحتى اذا خرجنا دايم ساكت وانا الي ابربر واسولف الين ماامل واسكت واذا زعلت قال انا كذا مااحب اهرج كثير والله مافيني شي بس كذا طبعي عموما الله يهديهم

[الراثيه]

انتي تقولي في احد مثلي والا لا..........انا يا عزيزتي زوجي قليل الكلام جدا ......يعني انا اتكلم مليون كلمه في المقابل الاقيه بس طلع عشر كلمات على بعضها ....ههههههه....واسحب الكلام منه سحب ...بس احيانا اجن واعاقبه اخليه يسمع كل اللي قلته ههههه......يا عزيزتي مثل ما قالو الاخوات ما قصرو استمتعي بالصفات الجميله واستفيدي منه وتعلمي .....والله يوفقكم

[سعوديه ماركه]

بقولك شي الله يكون بعونك انتي سولفي معه واختاري

الاوقات المناسبه مو يكون تعبان او جاي من عمله يبي يرتاح وانتي تبينه يتكلم لا

حاولي تلغين ليش ماتسولف معي نهائيا ماراح تجيب نتيجه ابدا

ونقطه مهمه شفت نتايجه مع وحده اعرفها دائما زوجها على الصامت وصارت تسولف معه عن الامور اللي اهو يحب

وعن عمله ..........صار مايسكت من يجي من عمله يبدا يقولها صار كذا ويستشيرها بامور كثيره

شوفي ايش عمله وادخلي النت وابحثي بمجاله حتى يصير عندك معلومات وشجعيه وقولي انت ماشاء الله عليك

ياحظ المسؤل اللي عنده موظف زيك ............. اذا قال ليش؟ امدحي فيه لانك تهتم وعملي ومن الكلام الحلو

وشوفي وردي علي والله يوفقك .........مو بس زوجك اغلب الرجال كذا

[القلب المؤمن]

الله يسهل امورج يارب -دام انه يقرا كتب عن الحياه الزوجيه -روحي المكتبه واشتري كتب مواضيعها قريبه من مشكلتج مثل عن مشاركه الزوج لزوجته في الحديث او اي شي من هاذا القبيل
والله ماادري يمكن تفيدج والله يوفقج يارب ويفك ازمتج
تقبلي مروري

والله حبيبتي كل الكتب اللي عنده حلوه ووتكلم عن كل شي منها التحدث مع الزوجة بس احس ان طبعه كذا ماراح يتغير يحب الهدوء والصمت على عكسي احب السوالف والوناسه بس الله يعين
شكرا حبيبتي على مرورك الكريم