مراحب احلى اعضاء
هادي الوصفة نزلتها هون بالمنتدى قبل فترة وصفة مترجمة
لكن هالمرة نزلتها مصورة من مطبخي
وبصراحة خيالية وما بتنمل
انا بموت بالتفاح لما يدخل الحلويات وهاي الكيكة بتشهي بنكهة التفاح والقرفة والبندق
بلا طول سيرة ندخل بالمكونات
الطبقة العلوية
نصف كوب طحين
نصف ملعقة صغيرة قرفة
40 غم زبدة باردة
ربع كوب سكر بني
ربع كوب بندق محمص ( انا هون استبدلته بالجوز بس بصراحة البندق الز بس ما كان عندي)
الطريقة انه بنخلط الطحين والقرفة وبنفرك معهم الزبدة اما بالشوكة او بالأصابع بعدين بنضيف عليهم السكر والبندق المحمص وبيكون المزيج بهالشكل
مكونات الكيكة
كوب طحين
ملعقة صغيرة بيكنج باودر
رشة ملح
56 غم زبدة لينة ( ربع كوب )
نصف كوب سكر عادي
2 بيضة حجم وسط
م ص فانيللا
ثلث كوب حليب سائل
2 تفاحة حجم وسط مقطع شرائح هلالية الشكل
خليط الكيك عادي متل اي كيكة
بنخلط الزبدة اللينة مع السكر لنحصل على مزيج كريمي وبنضيف علهيم البيض والفانيللا
بعدين بالتناوب بنضيف الطحين والحليب وبنسكب المزيج في صينية دائرية صغيرة لأنه واضح انه المقدار صغير وانتو ممكن اتضاعفوا لو حبيتو
بنفرش على الوجه التفاح المقطع
بعدين بنرش خليط الطبقة العلوية السابق بالتساوي
وبندخلها الفرن على حرارة 170 درجة لمدة 45 دقيقة حتى يشقر الوجه بهالشكل
وهي قطعة للي عجبتهم وصفتي
وهي كمان قطعة
وهي شكلها من جوة هشة وطبقة التفاح طرية ومن فوق طبقة مقرمشة يعني خليط متباين بيخلي هالكيكة رائعة ورح تدمنوها
عن جد بتمنى تجربوها لأنها فكرة جديدة ومميزة
وسلامي للجميع
مواقع النشر