في اي مستشفى ترغبين الولاده فيها خاص اوحكومي اريد ارائكن

[ام رؤى]

السلام عليكم ورحمة الله وبركاته
خواتي الغاليات
احب اعرف منكم ايهما تفضلين الولاده في مستشفى حكومي او مستشفى خاص
مع ذكر الاسباب
بصراحه المستشفيات الحكوميه اغلبها اهمال الا مارحم ربي والله يوم رحت المستشفى الحكومي منتهى الاذلال والاهمال وانا من ضعفي هذاك الوقت مااسوي شيء اسلوب حقير مافيه ذرة رحمه او شفقه يعني الكلمه الطيبه والله انها تخفف وتهون وحتى العاملات الهنديات مايجيبون شيء الا بفلوس يعني استغلال واذا عندك واسطه اهتمام ورعايه وخياطه محترمه
والمستشفيات الحكوميه استغلال بالتحاليل والسونار يعني استنزاف اموال كله يهون ولكن عندهم اسلوب حلو وساحر وخدمات فندقيه ورفاهيه واهم من هذا البنج وياسلام على البنج يريح احسه وهناك ايضا مساؤي للمستشفيات الخاصه

ولكن انا جربت شيء ورايت انه مفيد وهو انه دكتورتك اللي تراجعين عندها وتكون انسانه محترمه وخلوقه تتفقين معها انها تقوم بتوليدك في اي مستشفى خاص تختارينها وتتفقين على كل شيء ((خياطه)) وصدقوني انها كانت تقرا علي وتهديني حتى ماسويت صراخ ورجه وتحسبني امي اني مت والان دكتورتي الحبيبه سافرت ومدري تجي او لا
على العموم اهم شيء الاستخاره الاستخاره والله انها مفيده ومابعدها ندم
وابغى اشوف رايكم في المكان اللي تحبين تولدين فيه
هيا ياحريم تنشطوا

[الروح الغرامية]

و الله يا اختي ام رؤى انا مو متزوجة ،، و لكن افضل المستشفيات الخاصة ،، لأن عندهم اهتمام و رعاية اكثر ،، و طالما انك بتدفعي أكثر يجييك الأحسن ،، و بارك الله فيك

[الغد المشرق]

صراحه انا افضل الحكوميه لان الخاصه استغلال في استغلال وانا جربت الاثنين الاولى بالحكوميه واخدت ثلاث ايام اولد بس كانت ولاده طبيعيه والثانيه خاصه استنوا علي 10 ساعات وولدوني بعمليه قيصريه

[توفــي]

صراحة ما ادري ما جربت الا لأهلية لأنه مدينتنا ما فيها الا أهليات صح انه استنزاف اموال بشكل جنوووووووووووووني بس عناية لا يعلى عليها ولله الحمد ..