تنظيف الوجه بجهاز البخار بالمنزل>>> لامشاغل ولاعيادات بعد اليوم
السلام عليكم ورحمة الله وبركاته
كيفكم يابنات حواء ان شاءالله بخير يارب
انا طبعا هنا بالمنتدى بس اطلب واقرأ المواضيع وأرد بس مااذكر اني سويت لي موضوع
فخطر ببالي اني أفيدكم بحاجه تغنيكم عن الصرفيات والروحات والجيات
من الموضوع حقي ابيكم تستفيدون كيف تنظفون بشرتكم بالبيت بجهاز البخار بالخطوات حتى تحصلون على بشرة صافيه ونظيفه بإذن الله خاليه من التبقعات والبثور
طبعا هذي الطريقه مأخوذه من إخصائيه بشرة قالتلي عليها خالتي يوم كانت تدرسهم تجميل
فطبقتها على نفسي والحمدلله صارت صافيه وفاتحه وخفت التبقعات عندي
نجي الحين للخطوات والطلبات
جهاز بخار للوجه تلاقوه بالصيدلات شريته قبل 6 سنوات ب 120 ريال اللي ماعندها تستخدم القدر
حليب منظف للبشرة
تونيك منظف للبشرة
مقشر للوجه المشمش افضل
قناع للوجه << الخيار للبشرة الجافة والنعناع للبشرة الدهنيه
كريم مرطب أي كريم مرطب للوجه وحلو لوكان فيه فيتامين او كولاجين
الخطوات بالتفصيل الممل
حطي على وجهك الحليب المنظف ودلكيه على وجهك برفق مو بقووووة شوي شوي كانك تسوين مساج
قربي وجهك للبخار والحليب مازال بوجهك لاتشيليه ويفضل انك تغطين وجهك بمنشفه لما تستخدمي البخار واقعدي 10 دقايق فقط
خلصتي من البخار ؟؟ روحي الحين وبرررررفق خذي منديل وطبطبي على وجهك حتى تتخلصين من موية البخار والحليب
نجي الحين للمقشر نحط شوي من المقشر على الوجه وبعدين نبلل اطراف الاصابع ونبدأ الحين بالفرك ومررة ثانيه برفق مو بالقوة طولي اشوي وانتي تفركين المقشر على وجهك
الحين غسلي وجهك بمويه عاديه حتى تزيلين المقشر ثم إمسحي وجهك بمنديل برفق (( طبطبه يعني))
الحين نجي للتونيك خذي قطنه وبلليها بالتونيك وامسحي عليها وجهك ورقبتك حتى تتقفل المسامات ولاتنسين من ورى رقبتك وخلف أذانيك
الحين نجي للقناع أي قنااااااااااع تحبيه ومرتاحتله سواء كان من الصيدليه ولاقناع طبيعي من المنزل نحطه على الوجه لما ينشف ثم نزيله
وفي النهااااااااااااااااااااااااااااايه نحط المرطب على الوجه
ملاحظه
التطبيق يستخدم مرتين بالشهر يعني بعد كل أسبوعين
أنا بشرتي جااافه وحساسه شوي وينفع على البشرة الدهنيه والعاديه
اللي بشرتها دهنيه تستخدم قناع الطيني بالنعناع
التطبيق على الوجه والرقبه لاتنسووووون
وأخيرا الموضوع مو منقوووووول يعني أنا صاحبته أتمنى من كل وحدة تنقله تكتب المصدر ولاتنسوني بدعوة حلوة من قلوبكم
وإن شاءالله تكون بشرتكم صافيه ومشرقه ونظيفه خاليه من العيوب
رد مع اقتباس
مواقع النشر