بسم الله الرحمن الرحيم...
السلام عليكم جميييييييييييييييييييعا..
امممممممممممممممم....من زمااااااااااااااان عني والله!!! انا عارفه اني وحشتكم ...بس ايش اسوي اذا الدراسة ماخذتني.....بس خلااااااص هااانت كلها كم يوم و اتخرج بإذن الله
عاد دعواتكم..
وبما اني طولت عليكم الغيبة....وبكت الناس حزنا و الما على غيابي الطويل....اشتياقا لبيرفكت الرهيبة ووحشة لها.....قلت خليني انزل موضوع حتى تجف دموع المشتاقين !!!!
<
<
<
<
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ .....مصدقة نفسي صح؟؟؟؟ ...قوييييييييييييييييييييييييية...لو اني قدامكم يمكن اخد علقه محترمة!!!
هههههههههههه....بس اموووووت عليكم..ولا؟؟؟
----------------------------------------------------------------
طيب نبدأ في موضوعنا الجديد الا وهو ((نصف الكأس)):
* يقول المثل الفنلندي : لابد ان يشرق الضوء في آخر النفق <<<<<< مثل رهيييييب جدا...لابد انه يجي اليوم اللي هدفك و طموحك يشوف النور....بس الطريق طويييييييييييييل....عادي ،مافي شي يجي بالساهل..عشان تحققي ذاتك يستاهل انك تتعبي عشانها شوية.....وصدقيني مسيرك توصلي للي تبغيه..طال الزمان او قصر....بس انت لا تيأسي و تستلمي....واصلي المسيرة ...لحد ما تشوفي الضوء !!!!
* ما أحلى النوم لو استطاع الانسان ان يختار احلامه <<<<<<< كلام جميل...بس الواقع ايش يقول؟؟؟ امممممممم...سؤال واحد احب اسئله لكم جميعا: هل تؤمني بأن كل عقبة ولها حل؟؟
اذا كانت اجابتك نعم....فلا تعيري الاحلام اهتمامك...وهيا لتختاري واقعك بنفسك وهو الاهم...انت ماذا تريدي ان تكوني؟؟....ستكوني كما تريدي!!!...صدقا لا كذبا....
صدقيني مهما كانت العقبات و مهما كانت الظروف...لابد انه فيه ثغرة عشان تتخطي تلك العقبات (( فيه مثل مكاوي عندنا يقول : الله مايبلي حتى يدبر ....سبحان الله))...بس اهم شي انك ما تطفشي من اول محاولة خاسرة....وقبل كدا انا ذكرت لكم قصة اديسون مكتشف الكهرباء...اخفق في 999 محاولة ونجح في الاف...او رقم ثاني تقريبي....ارجع واقول لا تيأسي!!
*يقول هوجو : التشاؤم هو تسوس الذكاء <<<<<<الله عليك يا هوجو....قلت اللي انا ابغ اقوله بس بطريقة مختلفه....احيييك
* يقول وليام ارثورد : ان ابواب الفرص تفتح امام المتفائل، وبوابات الانجازات تتسع لذلك الشخص الذي يرى في الاشياء التفاهه امكانيات غير محدودة <<<<<< ماني عارفة ايش اقول بعد كلام وليام ....صراحه بالموضوع كله.... لا تستحقري اي شي تقومي بيه....يمكن هو دا مفتاح تميزك ... وهوه اللي راح يصل بيكي لفوووووووق..... كلللللكم تعرفوا مين هوه صالح كامل!!!! صح؟؟ صاحب قنوات ART ..رجل مشاريعه ماليه البلد...مليونييير ...ماشاء الله....ايش كان؟؟؟
كان يبيع بليلة في فسحة المدرسة !!!!
صاحب كنتاكي....رجل اتشرد و اتمرمط في الشوارع بالسنين ... كان يبات في الشارع...بعد ما انطرد من بيته لانه موقادر يدفع الايجار....ما كان يعرف الا خلطة متميزة للدجاج....جال مطاعم البلد االي هوه فيه...محد طالع في وجهه...انتقل لمدينة تانية وصار يعرض خلطته على كذا مطعم...لحد ماجا الفرج...وقبلت احد المطاعم تشغله عنده بخلطته الرهيبة.....ومن بعدها ايش صار؟؟؟..............قولولي ايش صار....اشهر من نار على علم....اصبح عالمي و مطعمه لا يخلوا وجوده من اي بلد......
هدي القصص ما تحفزك؟؟؟ ما تعطيكي امل؟؟؟
الفرق بيننا و بينهم ..انهم ناس عندهم امل ..عندهم ايمان بتحقيقه رغم كل الصعوبات ...احنا من تالت محاولة نقول خلاااااااص.....مستحييييييييييل....ما راح ينفع............شيلي دي الكلمات من قاموسك...ومافي شي مستحيل طالما انك مازلت تبغي توصلي......go ahead
*كل انسان نافع حتى الشخص السييء ننتفع به في ضرب المثل السييء<<<<<<سبحانك يارب...
ااااااااه....لسه لسه ..ماخلصت...بس ورايا مذاكرة ....اكمل في وقت لاحق....بس ترا حأدخل واشوف الردود....اشوفكم ع خير
مواقع النشر