فطيرة الدجاج مع ورق عنب و تبوله
الفطيرة و مكوناتها : رقائق كلاج ، مارجرين أو زبدة ، بصل ، ضرسين تومة ، صدور دجاج ، فلفل رومي ، كريمة طبخ ، علبة فطر ، ملح و فلفل أبيض )
الطريقة بنقلب البصل لحتى يدبل هيك
بعدين بنضيف التومة
بعدين الفلفل الرومي
و الفطر
وصدور الدجاج و ممكن انو تقلبو الدجاج بالأول قبل الخضار عادي مش مشكلة
و أخيرا الكريمة و الملح و الفلفل الأبيض
و بتخلوهم يتسبكو شوية على النار لحد مالكريمة تتكثف
و طريقتها بناخد ورقة كلاج و بندهنها بالمارجرين بعد مانسيحه على النار في طنجرة زغيرة و بنضل نحط ورقة و ندهنها بالمارجرين لغاية ما تخلصو نص كمية الكلاج
بعدين بتضيفو الحشوة طبعا بعد ما تبرد
و بتكررو عملية وضع رقائق الكلاج و دهنها بالمارجرين و تزجو بها إلى الفرن و تحمروها و هيك بتصير بعد التحمير
نيجي للورق عنب الحشوة و بتتكون من ( رز ، بندورة مفرومة ، بصل أحمر و أخضر مفرومين ،
بقدونس ، نعنع ناشف أو أخضر ، زيت زيتون ، ملح و بهارات ، قهوة تركية ( ويوم ما عملته ما
كانش عندي قهوة تركية حطيت نسكافيه و و الله طلع لزيز عن جد ، و ليمونة ) و هادا منزر الحشوة
بعدين بنجيب طنجرة و بنحط في قاعها بطاطا شرائح
و طبعا بتعرفو كيف تلفو الورق عنب و هيك منزرو بعد الحشي بعدين بتحطو على النار و ب
بعدين بتحطوله صحن مسطح عشان حبات الورق عنب ما
تتحرك و تضلها مكبوسة
و بتحطو ماء مغلي عليه شوية ملح و بتخلوه على نار هادية
كتير لمدة ساعة و قبل ما تطفو
النار عليه بتكونو عاصرين ليمونة بتحطوها عليه و بتطفو النار
و التبولة طبعا معروفة مكوناتها و هيا ( بقدونس مفروم ،
بندورة مفرومة ، بصل أخضر و أبيض
مفرومين ، برغل منقوع بمي مغلية ، زيت زيتون ، ملح ،
ليمون قد ما بتحبو الحمض انا عني كتير بحبها حامضة )
و هادا منزرها
طبعا مالحقت اصور الأطباق في صورة جماعية لأنو كان هجوم ساعتها
مواقع النشر