[yamy]

انا اليوم حضرت لكم طرق متنوعه لعمل الكنافه
بعضها شوفته فى المنتدى و منتديات ومواقع اخرى والبعض الاخر من ابتكارى
واتمنى انها تعجبكم وتجربوها

بسم الله نبدأ







اول شئ مقادير الشربات او القطر

2 كوب سكر
1 كوب ماء
فانيليا او اى منكهات تفضليها
عصي ليمونه صغيره
نضع السكروالماء على النار ونقلبهم لغايه مايغلى وبعدين نضيف الفانيليا وعصير اليمون ونسيبهم على النار حوالى 5 دقائق وبعدين نسيبه يبرد تماما



اولا كنافه عش البلبل على طريقتى

طبعا اول شئ نجيب الكنافه وقطعها قطع صغيره ونضيف عليها الذبده السايحه






نضعها فى قوالب الكب كيك من غير مانضغط عليها ونحاول نعمل لها جوانب بسيطه





نضع الفستق صحيح كأنه بيض


وممكن ندخلها الفرن من غير الفستق عشان تأخذ شكل الطبق




نضعها فى فرن متوسط الحراره او اقل قليلا لغايه ما تتحمر الكنافه

نخرجها من الفرن ونسقيها فورا الشربات او القطر البارد




ودى انا كنت حطيت لوز بدل الفستق










واللى عملناها شكل الطبق حطينا فيها قشطه وزيناها بالفستق المجروش وممكن نعملها مينى تارت ونضع فيها كسترد ونزينها بالفواكهه





مينى كنافه 1

نضع الكنافه المخلوطه بالذبده السايحه فى قوالب الكب كيك و نضغط جيدا بكوب




ممكن نسيبها كده ندخلها الفرن



وممكن نضع مكسرات او قشطه ونضع طبقه اخرى من الكنافه ونضغط مره اخرى





نضعها فى فرن متوسط الحراره او اقل قليلا لغايه ما تتحمر الكنافه
نخرجها من الفرن ونسقيها فورا الشربات او القطر البارد





نطلعها ونقلبها ونزينها بالفستق المجروش












يتبع رجاء عدم الرد

[yamy]

مينى كنافه 2

نحضر مينى الكنافه الساده اللى عملناه من قبل نضع أيس كريم

ملحوظه الافضل اننا نسقيها بقليل جدا من الشربات او القطر




وطبقه أخره ونزينها بقطعه شيكولاته




ودى بالقشطه






ودى بالكاسترد






وممكن نعملها بالكريمه ونزينها بالكريمه وقطعه فاكهه



تورته الكنافه

نضع طبقه رقيقه من الكنافه المخلوطه بالذبده السايحه فى صنيه
نضعها فى فرن متوسط الحراره او اقل قليلا لغايه ما تتحمر الكنافه
نخرجها من الفرن ونسقيها فورا بالشربات او القطر البارد



نفتتها بيدنا لما تبرد وممكن نضيف مكسرات حسب الرغبه






نجيب قالب ونضع فيه ورق بلاستيك ونضع جزء من الكنافه





ثم قشطه



او كريمه



ثم طبقه اخرى ونغطيها ونضعها فى الثلاجه بضع ساعات



ثم نخرجها من الثلاجه ونزينها















يتبع رجاء عدم الرد

[yamy]

تارت الكنافه


نضع طبقه الكنافه المخلوطه بالذبده السايحه فى صنيه مع عمل الجوانب عاليه شويه مع الضغط الجيد
ندخلها الفرن كما هى ونتركها لتتحمر
وبعدين نخرجها من الفرن ونسقيها فورا بقليل من الشربات او القطر البارد ونصب فوفها طبقه من الكاسترد



تترك لتبرد وتزين بالفواكه









فطيره التفاح بالكنافه

نضع طبقه الكنافه المخلوطه بالذبده السايحه فى صنيه مع عمل الجوانب عاليه شويه مع الضغط الجيد
نقطع التفاح مكعبات صغيره ونخلطه بقليل من القرفه والسكر ونضعهم فوق الكنافه



نعمل خطوط طوليه وعرضيه للتزين



نضعها فى فرن متوسط الحراره او اقل قليلا لغايه ما تتحمر الكنافه
نخرجها من الفرن ونسقيها فورا بقليل من الشربات او القطر البارد





ملحوظه
النوعين الماضيين يفضل اكلهم فى نفس اليوم



كنافه سريعه

نجيب طاسه تيفال ونضع فيها طبقه رقيقه من الكنافه المخلوطه بالذبده السايحه ونضغط جيدا
نضع مكسرات مشكله



طبقه اخرى من الكنافه ونضغط جيدا ثم نضعها على البوتاجاز



على نارمتوسطه لغايه ما تشعرى انها احمرت من تحت نقلبه فى طبق ونرجعها مره اخرى للطاسه بحزر



الى ان تتحمر من الجهه الأخرى ثم نسقيها بالشربات ونقلبها فى طبق التقديم








كنافه الفناجين

نجيب فنجان القهوه ونضع فيه ورق بلاستيك ونضع طبقه من الكنافه المخلوطه بالذبده السايحه ونضغط جيدا ثم مكسرات



ثم طبقه اخرى ونضغط جيدا



نقلبها فى صنيه



نضعها فى فرن متوسط الحراره او اقل قليلا لغايه ما تتحمر الكنافه
نخرجها من الفرن ونسقيها فورا بقليل من الشربات او القطر البارد وتقدم









يتبع رجاء عدم الرد

[yamy]

تشيز كيك الكنافه


نضع طبقه من الكنافه المخلوطه بالذبده السايحه فى صنيه التشيز كيك
و نضعها فى فرن متوسط الحراره او اقل قليلا لغايه ما تتحمر الكنافه
نخرجها من الفرن ونسقيها فورا بقليل من الشربات او القطر البارد




نخلط فى الخلاط علبه جبنه فلادلفيا ( بحراره الغرفه ) مع نصف كوب سكر بودره وملعقتين قشطه وفانيليا ونصب الخليط على الكنافه
نضعها فى الثلاجه ساعه او اثنين
الطبقه الثالثه اما صوص الكراميل او جيلى او اى شئ تفضليه
انا كان عندى صوص فراوله جاهز ضيفته عليه ونضعه فى الثلاجه مره أخرى ثم يقدم بارد










الكنافه النابلسيه

نخلط مع الكنافه ذبده سايحه وقليل من لون الكنافه



نضع طبقه فى القالب مع الضغط



ثم خليط الجبن كانت قالت لى عليه صديقه فلسطينيه جزاها الله خير
والخليط عباره عن قشطه مع جبن ريكوتا وقليل من جبن الموزاريلا المبشور



طبقه اخرى رقيقه جدا من الكنافه



نضعها فى فرن متوسط الحراره او اقل قليلا
نخرجها من الفرن ونسقيها فورا بقليل من الشربات او القطر
البارد




نقلبها ونزينها بالفستق المجروش










وتقدم ساخنه

كنافه بالقشطه

نفس طريقه الكنافه النابلسيه لكن من غير لون ونضع الحشو قشطه فقط



وطريقه عمل القشطه

2كوب حليب مع كوب واحد كريمه الخفق مع 3 ملاعق كبيره نشا و3 ملاعق كبيره دقيق وسكر حسب الرغبه نخلط جميع المقادير ويقلب الخليط على نار متوسطه الى ان ينضج ويتماسك الخليط

الحمد لله خلصت ويارب تكون افكارى عجبتكم وتجربوها

ولا تنسونى بصالح دعائكم بصلاح احوالى

مع حبى واحترامى للجميع

[ام يوسف 74]

ماشاء الله لا قوه الا بالله
ملف في قمه الروعه حبيبتي
كل نوع اروع من الثاني
جزاكي الله خيرا
وان شاء الله البنات يستفيدوا منه في رمضان
تسلم الايادي المبدعه حبيبتي
مميز ويستحق التثبيت

[ملائكة الأحلام]

ببصراحة تعجز الكلمات
جد في قمة الروعة
تسلم الأياري يارب
جزاكي الله الخير وحقق لك ما تتمنين بما فيه رضاه

[إسوارة ناعمة]

بصراحة كلمة مبدعة قليلة في حقك ماشاء الله تبارك الخالق كل وحدة تقول لثانية وخري عني انا احلى منك وتستحقين التمييز والتثبيت وهذا قليل في حقك الله يسعدك ياعسل

[خوخه25]

ما شاء الله تبارك الله

ابدعتى حبيبتى تسلم الاياااااادى

ملف قمه الروعه

جزاك الله كل خير

وانا اخت نصيبى هههه عجبتنى مررررره

[مشتاقه للجنان]