بسم الله الرحمن الرحيم
السلام عليكم ورحمة الله وبركاتة
سويت امس أعشاش الشعيرية بالدجاج والكريمة هذا الطبق اولادي مرة يحبوة
وعلى فكرة سهل وسريع ولذيذ لكن الشرح هنا مطول السالفة وهي قصيرة
تقدري تقدمية كطبق رئيسي او كطبق جانبي .....
:وندخل على المقادير
بصلة متوسطة مفرومة *فلفل رومي مقطع مكعبات صغيرة (انا حطيت ملون وهذا اختياري )*حزمة بقدونس صغيرة مفرومة *2صدر دجاج مقطع مكعبات صغيرة *1 م ك بهار *ملح على حسب الرغبة *علبة صغيرة كريمة الخفق * 1 جبن تشدر مبشور (كرفت)* 2كيس شعيرية *
ونبدأ بالطريقة :
1.نقلي البصل في شوية زيت الى ان يصفر لونة ويذبل .....
2.نضيف على البصل الدجاج ونقلبة الى ان يستوي وتنشف مويتة .....
3.اذا نشفت موية الدجاج نضيف الفلفل الرومي والبهار والملح ونقلبة تقلبتين ونطفي النار ......
4.بعدها نضيف ربع كمية البقدونس المفروم ونتركها على جنب ...
نسلق الشعيرية في موية حارة وشوية زيت وملح ونتركها 5د فقط مو أكثر لأننا ما نبغاها تتفكك ونطلعها بالملعقة (اللي مثل الصفاية )ونرصها في الصينية ..
معليش انا هل الخطوات ما صورتها بس انشاء الله الشرح يكون واضح.
5.نبدأ نحط الحشو في وسط كل عش (ملعقة كبيرة وشوية تقريبا)ونتركها على جنب الى ان نجهز الكريمة ....
6.نجي لتجهيز الكريمة :
نضيف الكريمة في القدر ونحط عليها الجبنة المبشورة (انا استخدمت نصف العلبة الوسط من الكريمة )ونحطها على النار ...
ونضيف عليها شوية فلفل اسود وأول ما تبدأ تغلي نرفعها من على النار (لأن ما نبغى الجبن يذوب )
نبدا نصب بالملعقة فوق كل عش من أعشاش الشعيرية وحاولي وانت تصبي الكريمة تحطي فوق كل وحدة من الجبن المبشور على الوجة ولازم تتأكدي انك غطيتي الاطراف بالكريمة عشان لمن تدخل الفرن ما تنشف الاطراف وتقسى ...
وهنا بعد ما صبيت عليها الكريمة
نغطيها بالقصدير وندخلها الفرن 10د بس (اذا حابة انك تحمري الجبن شوية شيلي عنها القصدير وشغلي عليها من فوق (هل الخطوة ما سويتها اكتفيت بتسخينها فقط بدون تحمير للجبن )
وهذا شكلها بعد ما طلعتها من الفرن
وللتقديم زينتها بباقي البقدونس المفروم ....
وهنا زوووووووووووم اكثر ....
*****وهنا أول حبة للى تحبة*****
اتمنى ان تنال على رضاكم
ودمتم في حفظ الرحمن
أختكم:
دانـــــــــ 6ــــــــات
رد مع اقتباس
مواقع النشر