عزيمتي لأصحاب زوجي...صور

[أمنية أمي]

السلام عليكم ورحمة الله وبركاته
البارح كان عندي عشاء اصحاب زوجي
وطلب مني اسوي له سفرة يهايط فيها قدام اصحابه
والحمدلله سويت له سفرة خقققققققققققققق عليها
وحبيت انزل لكم الصور



وهذي من قريب





وهذي من جهه ثانيه




صورة للمندي من قريب




وهذا تارت الفواكه
اول مره اسويه
وطلع لذييييييييييييييذ


وهذي من قريب




وهذا حلى خربطته من راسي وطلع شيء
اشتريت الكاسات وحبيت اكشخ فيها



وهذي بعد مااقتحمتها





وكمان سويت بسبوسه محشيه
من كتاب المتميزة كانت رووووووووووووووعه
بس نسيت اصورها لكم وسويت كريمه قوالب
وكانت عشوة لذيذة ستر الله على اصابعهم
ههههههههههههههههههههههه
تقبلوا شكري لكل ما زار سفرتي
ولاتنسييييييييييييييييييييييييين
تقولين ماشاء الله

الموضوع في منتدى ثاني وباسم ثاني لاتستغربون

طرق الأطباق حسب ترتيب السفره
أولا راح اعد لكم الأصناف بالترتيب وحسب ترتيبي لها بالسفرة
نبدأ أول طبق فوق عاليمين سلطة الباذنجان الحاره
يسار كباب لحم
بالنص كرات البطاطس بصدور الدجاج
وسط السفرة مندي لحم
تحت يسار سبرينج رول
يمين ورق عنب
بالنص كفتة لحم بالبطاطس
وحلى طبقات من راسي
وكريمه كراميل..

نبدأ بسلطة الباذنجان
اولا ورقيات مغسوله تقطع في قاع الصينيه:خس جرجير خيار بصل اخضر بقدونس
تقطع ثم يعصر عليها ليمونه وقليل زيت زيتون
تقطع حبة بطاطس وتقلى في الزيت وبعد ان تبرد توضع فوق الخضار طبقة ثانيه ثم يرش فوقها فلفل اسود
الطبقة الثالثه:حبيتين طماط فلفل احمر حار تخلط بالخلاط ثم تزضع في قدر مع حبه ماجي
وتترك حتى تتسبك
في هذي اللحظات تقطعين حبة باذنجان وتقلى في زيت وتوضع فوق صوص الطماط الحار
وبعد ان تبرد تصب كطبقه ثالثه
واخيرا الصوص عباره عن:ملعقه صغيرة خردل..ملعقة اكل مايونيز..ملعقتين زبادي..ملعقتين اكل من صوص الرانش..تخلط وتصب كطبقة اخيرة ثم اخر شيء توست محمص عالوجه وسلامتكم

كباب اللحم:
لحم مفروم حطي الكميه المناسبه انا سويت 8 اسياخ
كزبرة مفرومه
بصل مفروم نااااااااااااااااااعم(فرمته في مولينكس..دز دز..بالعماميه)
وثوم مفروم ناعم
بهارات مشكله(فلفل اسود..كمون..فلفل احمر..كزبرة ..بصل ناشف..خولجان جاف)
تخلط المقادير مع بعض
ثم تشكل على شكل اصابع طويله
وتدخل الفريزر
تقطعين بصل ابيض مكعبات
وطماط
وتجيبين اعواد الكباب وتبدأين ترصين الكباب بعدين بصل ابيض بعدين طماط
وبعدين ادهني الكباب بزيت وسخني صاج تيفال وابدأي قلبي اسياخ الكباب لحد مايستوي
وبعدين قدميه وبالهناء والعافيه

3-كرات البطاطس بصدور الدجاج
تقطعين بصل وثوم وتحمرينه مع شوي زيتوحبة ماجي
وبعدين حطي عليه صدور الدجاج وقلبيه عالنار لحد ماينضج وقطعي معاه فلفل بارد وحطي عليه بيالة شاهي قشطة خفق
وعلى طول طفي عليه النار
اسلقي 4 حبات بطاطس وبعد ماتستوي اهرسيها بالشوكه وحطي عليها ملعقة فلفل اسود وحبة وسط جبن تشدر
بعدين كوريها كور صغيرة
صبي الدجاج باسفل الصينيه البايركس وبعدين كور الدجاج
اخلطي بالخلاط علبة قشطة عاديه و2ملعقه مايونيز و2 ملعقه جبن سائل صبيها عالوجه ودخليها تتحمر
وبالهناء والعافيه

4- ورق العنب طريقتي اعتياديه ورق عنب بالرز المصري واللحم المفروم

5- سبرينق رول محشي دجاج وخضار مسلوقه
وبعدين احشيه ولفيه وخليه بالفريزير لحد مايبرد
طلعيه وحطي شوي زيت مقدار فنجان قهوه بطاوة تيفال صغيرة وقلبي فيه السبرينق رول يعني تشويح فقط
عشان مايشرب زيت

6- كفتة باللحم المفروم
لحم مفروم فلفل بارد-كزبرة -صل اخضر - قرن فلفل حار-تفرم الخضار فرم ناعم وتوضع مع اللحم وتوضع البهارات والملح تكور وترص في البايركس مع شرائح بطاطس
في الخلاط حبه صلصه حبه ماجي كاس ماء دافي تخلط وتصب فوق الكفته
وتغطى بالقصدير وتدخل الفرن حتى تنضج وتنشف المويه
وتقدم بالهناء والعافيه

7-اخيرا مندي اللحم:
انا سويت ربع تيس صغير
تغسلين اللحم وتطبخينه في مويه وثوم فقط تضغطينه بالكاتم لمدة ربع ساعه
بعدها تطلعينه من المرق وتقطعين بصل ابيض حلقات
وتقطعين حلقات فلفل بارد وتبشرين معها حبتين جزر
وتقلبينها مع شوي زيت وصبغة زعفران تحطين معها اللحم وتقلبينها 10 دقايق وبعدين حطيها بصينيه ودخليها الفرن يتحمر وجهها
حطي بنجال شاهي زيت وحطي بوسطه جمره وحطيها بسرعه مع اللحم واطتميها بالقصدير
وخلي 10 دقايق وطلعي الجمره
على مرق اللحم اكبسي الرز وحطي معاه ورق غار وحبتين هيل وعود قرف
وحضري الرز بصحن الرز وحطي فوقه اللحم بكشنته
حمري زبيب وصنوبر وكاجو حطيه عالوجه
ويطلع لك الذ مندي

اما اذا كان المندي دجاج
قطعي الدجاجه ارباع
اغسليها وتبليها بملح خشن وثوم وبهارات مشكله
ولون الزعفران
اتركيها نص ساعه تاخذ التتبيله
حطي الكاتم عالنار وحطي بقاع الكاتم فنجال زيت وبعدين قطعة قصدير صغيرة
وخلي الكاتم عالنار لين يسخن مررررره
وبعدين لصقي الدجاج على اطراف الكاتم واضغطي عليه وخليه نص ساعه على نار صغييييييييييره
وبعدها فكي الضغط حطي فنجال زيت بوسطه جمره وخليه 10 دقايق
وتلذذي بألذ مندي



__________________

[إسوارة ناعمة]

ما شاء الله تبارك الخالق سفرة دايمة حبيبتي

بس حبيبتي لو تنزلي الطرق لكي يستفيدوا منها الاخوات جزاكي الله خير ....

[شوق دنيتي]

ماشاء الله سلمت ايدك سفره ولا احلى

[سما الامل]

تسلم الايادي والله
ياليت تنزلي الطرق بتفصيل مشاء الله حيييل اعجبتني وبسوي نفسها بجمعتنا انشاء الله