جزاك الله خير
جزاك الله خير
حبيبتي في الله همسه
لا تقلقي ع الاطلاق؛ وفي كلمات بسيطه ان شاء الله ححاول اديلك خلفيه عن المرض
فيروس بي من الفيروسات المسببه لالتهاب الكبد الوبائي؛ طرق العدوي عن طريق الوخز بابر ملوثه او عن طريق نقل دم ملوث؛ بنتقل من الام لجنينها خلال مرحله الحمل "مش دايما بتحصل"؛ وللاسف ينتقل عن طريق العلاقات الزوجيه؛ او التعامل مع الاسطح الملوثه بالدم.
ديه كانت طرق العدوي؛ الشخص ممكن يصاب بالفيروس دون ان يشعر ولا يمر بأي اعراض ع الاطلاق؛ وده الي بيحصل مع معظم مرضي الكبد سواء فيروس بي او سي او اي او دي او غيرهم.
مريض فيروس بي محظوظ كتير عن فيروس سي؛ في علاج؛ بياخد مضادات فيروسات مش مضادات حيويه؛ وبياخد حاجه اسمها الانترفيرون علشان الفيروس؛ العلاج بيطول شويا مش زي ما بيقال انه في خلال شهر حيخف؛ لأ العلاج حياخد وقت اطول من كده ممكن سنه وساعات اكتر مع بعض الحالات؛ بس بصفه عامه نسبه الشفاء من فيروس بي 90% وديه نسبه ما شاء الله عاليه جدا؛ وربنا يجعلك خطيبك منهم بإذن الله.
الوقايه خير من العلاج؛ حتي لو لم يكن خطيبك مصاب بيه؛ فتطعيم فيروس بي مهم جدا جدا جدا لان فيروس بي من اكتر الفيروسات الي ممكن الواحد يتعدي منها خاصه ان الواحد مش محتاج اكتر من انه يلمس نقطه دم فيها فيروس بي وحيجيله الفيروس؛ التطعيم سهل ومتوفر في تلات جرعات بتتاخد ع مدار ست شهور؛ مفيش اي مشاكل صحيه تنتج عنه؛ التطعيم آمن آمن آمن لابعد الحدود؛ ونصيحتي ليكي ولكل الناس التطعيم مهم جدا وع فكره التطعيم ده بقي اجباري عندنا في مصر للاطفال المولودين بقاله اكتر من 12 سنه.
نصيحتي الاخيره ليكي :
المرض حيخف بإذن الله؛ وحتي في اسوأ الظروف لو مخفش انتي ممكن تحمي نفسك من الفيروس بالتطعيم وتطعيم المحيطين والمخالطين ليكوا؛ يعني ممكن تستحمليه لو حاسه انه زي ما انتي بتقولي شخص كويس وع خلق وع دين؛ اصبري واحتسبي؛ وان شاء الله يتحسن ويخف تماما؛ لان زي ما قلتلك بيخفوا خااااااااالص دون اي تأثير ع الكبد؛ اعقيلها وتوكلي؛ لو يستاهل تستحمليه الفتره ديه استحمليه واستحضري نيه؛ ولو مش حاسه انه يستاهل يبقي ربنا يشفيه ويكرمه ويكرمك بالخير.
وانتي كنتي طلبتي لو حد يعرف حد جاله المرض؛ صديقه عمري وعلشان احنا دكاتره عرضه اكتر للعدوي جالها الفيروس واحنا طلبه وما شاء الله دلوقتي خفت واتجوزت ومعاها يس ربنا يحفظهلها.
ملحوظه اخير للاخت ام ناجي:
حبيبتي في الله؛ فيروس سي عدوي مختلفه تمام الاختلاف عن فيروس بي؛ كل منهم له فيروس مختلف وكل منهم له طبيعه مرض غير الاخر ونسبه الشفاء في بي عاليا جدا غير سي ع الاطلاق وفيروس سي ليس مرحله ع االاطلاق من مراحل فيروس بي لا الاولي ولا الاخيره
.
الله يشفيه ويشفي كل مسلم
أنا أبوي عنده فايروس سي ومازال يتعالج
ادعو له بالشفاء .. كل اسبوع ياخذ ابرة الانترفيرون
وصاير مرره عصبي
الله يشفيه ويعافيه ويعافي كل مسلم يارب ‘‘ عسى ان تكرهو شيئآ وهو خيرآ لكم ‘
عزيزتي ابقى بجآنبه ‘ ولآتتخلي عنه بسبب مرض وحطي نفسك بمكآنه لآسمح الله ‘‘ وان شاءالله بيتعآفى
بس لآتتخلي عنه نصيحه.. وبالتوفيق
أهم المواضيع |
المطبخ |
من مواقعناصفحاتنا الاجتماعية |
المنتديات |
مواقع النشر